文章分享

【ETF 投資教學】買 ETF 之優勢及隱藏成本

買 ETF 之優勢及隱藏成本

ETF 是交易所交易基金, 全名係 Exchange-Traded Fund。ETF 是一種旨在追蹤特定市場指數、股票、債券或商品的投資工具。其運作模式為基金公司首先籌組一個資產組合以複製特定指數或資產類別的表現,繼而將該資產組合的擁有權分拆為基金單位,並在交易所上市發行,讓投資者可透過買賣這些基金單位,間接持有相關資產。
 
ETF 可分為被動型及主動型兩種類型。被動型 ETF 如盈富基金(02800)、QQQ 等,旨在追蹤指數表現,前者緊隨香港恒指,後者則追蹤美國納斯達克指數;至於主動型 ETF 如 ARKK 基金,則由基金經理主動挑選投資標的。
 
ETF 投資有以下四大優勢:
 
一、高流動性
ETF 在交易所買賣,可隨時進場買入或賣出,避免了無交易對手的困擾。
 
二、風險分散
投資者毋須籌足巨資,即可透過 ETF 一次過投資於一籃子股票、債券或其他商品,降低單一資產集中風險。
 
三、低成本
被動型 ETF 由於無基金經理,可大幅節省人力成本,故費用遠低於主動管理的互惠基金。一般而言,互惠基金每年的管理費介乎資產淨值的1%至2.5%,另加認購費、贖回費及表現費;相比之下,香港 ETF 的管理費通常在2%以下,大部分約為1%左右,視乎所追蹤的標的物而定。盈富基金的年費率更只有0.05%,且獲豁免印花稅。至於海外大型 ETF,如追蹤標普 500 指數的 VOO 基金,其管理費低至0.03%。
 
四、高透明度
ETF 的組合資產及資產淨值一般會每日公開,投資者可清楚知悉所持有的資產,管理層的職能亦較易監察,與互惠基金每月才公布一次表現及持倉的做法有別。
 
有見及此,近年愈來愈多大型基金經理在涉足新市場時,均傾向透過購入ETF進行,可謂是行之有效的投資方式。一般投資者亦應善用 ETF 工具,方能在分散風險之餘,亦享有低費用及高透明度等優勢。

立即收看: bit.ly/stockfisherETF1

【名家給力場 - 金Sir】港股有條件已見2023年低位

【Now財經台】港股成交低迷,日均成交相對總市值0.15%,但好多擁擠交易(Crowded Trade),由於低成交下unwind需時,出現咗空倉回補嘅情況,一旦夾升補空倉威力都幾強,恒生指數及中資科技股可以彈得幾高?中線嚟講科技股係咪值博嘅板塊?

勝利瑞柏基金管理合伙人暨投資總監陳建良認為,過去一星期已有基金經理平倉,相信10月中恒指逼近18000點水平時已經想補空倉,但因為市場等穿底再慢慢平倉,不過,由於成交太少平唔到太多,今日大市升導致平空倉壓力大增。今年平空倉嘅壓力比去年擁擠,但依家港股投資情緒低迷,俗不會像去年Long Fund 或投資者 cut levearge,反彈幅度就唔會好似去年咁勁。

KL又話,做中短線部署首選科技股,佢認為,科技指數喺今輪反彈浪會跑贏恒指,雖然恒指未必好似去年彈咁多,但幾千點都有可能,去年主要係價值股抬頭,由於今年「中特估」蟹貨好多,走勢反覆嘅科技股反而有機會跑出。不過,有一類股份就要小心…

(p.s. 訪問中,是指美聯儲停止「加息」,並非停止「減息」。觀眾們有智慧應能分辨到有口誤,謹此致歉)

 

【漁夫補習班重播】2023 年 8 月主題 資產配置加減學 付費會員獨家

【漁夫補習班重播】2023 8 月主題 資產配置加減學

2023 舉行之漁夫補習班  - 資產配置加減學」已經完滿結束。莊博於今次補習班內強調資產配置之概念、重要性及背後操作。亦係補習班內解答會員近期市況之問題。如果想與其他師兄師姐一樣,係不明朗之情況下,都可做到資產配置,控制風險。立即點擊以下連結重溫補習班內容。

 

 漁夫補習班 - 2023 8月主題 資產配置加減學 影片重溫

【網上研討會重播】「小心假牛市! 熊三已逼近」 付費會員獨家

【網上研討會重播】 - 「小心假牛市熊三已逼近」

 

 

2023 年 7 19 舉行之網上研討會 「小心假牛市熊三已逼近」已經完滿結束。由於反應熱烈,報名人數超過上限。若您錯過本次研討會,現在可以點擊以下連結進行重溫。

 

 

網上研討會 -「小心假牛市熊三已逼近」影片重溫

【號外Webinar重播】金融黑洞 2.0? 潛在影響與機遇 錄影 付費會員獨家

【網上研討會】 號外:金融黑洞 2.0? 潛在影響與機遇

講者: 陳建良(KL / Sir)與莊志雄博⼠ (Dr. Lewis Chong)

 

- Silicon Valley Bank 被接管前因後果

- 一石擊起千重浪,有機會被波及與影響的個體行業
- Fed / FDIC
會在甚麼情況下「救市」,有何考量?
-
潛在可能情景與認對考慮
-
投資者如何穿越金融黑洞全身而退甚至從中補捉機遇

 錄播連結請按此

 

【名家給力場 - 金Sir】創科被沽空的啟示

【Now財經台】藍籌股創科實業(00669)噚日被沽空機構Jehoshaphat Research狙撃,同過去好多沽空報告唔同,呢間機構冇話創科「造假數」,英文原文亦無用類似欺詐(fraud)的字眼,只係指公司自2012年起通過會計技巧隱藏開支來誇大利潤。

多家大行更出報告力撐,話創科做法冇問題,不過,勝利瑞柏基金管理合伙人暨投資總監陳建良認為,其實沽空機構嘅質疑有啲見地,點出即使創科冇違反會計準則,但咁做就令業績不能用正常手法列帳嘅同業比較,實際嘅盈利增長未必咁突出。

KL續指,如果睇基本面,美國樓市處於下跌周期,已令創科估值變得昂貴,預期集團盈利前景將會走下坡。佢又估計,今日創科復牌後股價反彈,主要係有唔少基金沽空股份後要補空倉,建議投資者喺3月1日(下周三)業績出爐前靜觀其變。

【名家給力場】創科被沽空的啟示 

https://youtu.be/1XQEa0p2dEI

【名家給力場】美通脹有掉頭回升風險

Now財經台】雖然美國通脹持續回落,但速度冇市場預期咁快,睇返CPI組成嘅各個分項,基本上都持續向上,美國通脹要達到聯儲局2%嘅目標,莫講今年,甚至出年係咪都未必可以達標?

「股市漁夫」創辦人莊志雄指,美國通脹係難達標,雖然預期會見頂回落,但估計速度係會慢,噚晚出爐嘅CPI就證實咗。佢又話,CPI細分項中,最大係租金,而睇返各分項亦唔係整體向下,如果睇返過3個月嘅變化,逾半細分項嘅升幅係多過12月嘅升幅,係有一種再度加速嘅味道,唔止回落速度慢,係有掉頭回升嘅風險。

Lewis又話,租金喺2021年後持續向上,所以最近會聽到聯儲局想搬龍門,想做一個「超級核心通脹率」出嚟,即唔包括食品、能源、租金,而衣食住行中有3項都唔包,唔知呢個「核心」係點,其中租金佔CPI40%,撇除咗租金,通脹當然會回落,但市場buybuy係另一回事。

 

【名家給力場】美通脹有掉頭回升風險

https://youtu.be/hsDcnTeDITY

【名家給力場】中資科網股重回戰國時代

【Now財經台】近日科技股焦點一定係市傳抖音「踩過界」搞外賣生意,同美團(03690)「爭食」。傳抖音下個月進軍外賣市場,依家正喺北京、上海、成都做內部測試,消息一出,美團股價跌唔停,美團嘅市場分額會唔會畀抖音搶走好多?對美團長遠成本及盈利有冇影響?

勝利瑞柏基金管理合伙人暨投資總監陳建良指,要做一個成功嘅團購要留意3個部分,分別係用戶、商家及最重要嘅「騎手」,抖音主要嘅受眾係年青人,同用戶之間嘅黏性未必好強,亦未必有足夠嘅「騎手」去維持運作。

不過,KL認為,美團唔會坐以待斃,為咗競爭相信會再投資搞宣傳,難免要燒錢。若從較悲觀嘅角度睇,雖然內地對科企嘅監管明顯「鬆咗手」,市況亦好轉咗,但呢次競爭可能令科網股...

【名家給力場】中資科網股重回戰國時代 

https://youtu.be/hsDcnTeDITY

【名家給力場】鮑威爾鷹定鴿唔重要

【Now財經台】隔晚聯儲局主席鮑威爾發表講話,雖然同日前亞特蘭大聯儲銀行行長嘅口徑一致,話美國經濟持續強勁,利率峰值可能高過預期,但市場似乎未受佢嘅言論影響,仲解讀為鮑威爾言論唔夠鷹,美股照升,鮑威爾講話係咪真係冇市場預期咁鷹?

「股市漁夫」創辦人莊志雄指,呢個係市場解讀,但最重要係睇返資產價格表現,因為可以反映市場點樣解讀,反而市場人士點講係另一回事。佢認為,過去一星期資產價格表現幾奇怪,可能市場聚焦喺美股標普500指數身上,但其實鮑威爾發言後,或重磅科技股出咗業績後,出現一個奇怪現象,就係美元升,美債跌價,美債息升,而對利率十分敏感嘅黃金,價格亦下跌,如果睇返資產價格,除美股外,偏向係「水緊咗」。

Lewis又話,嗰個星期鮑威爾講咗兩次嘢之後,睇資產價格除美股外都係偏緊,所以佢講嘢鷹或鴿並唔重要,最重要係睇返資產價格表現。

視頻鏈接https://youtu.be/bfifUGGwJBw

【名家給力場】日本市場風險不容忽視

【Now財經台】過去1個月,睇返唔同ETF類別嘅表現,上月以新興市場ETF表現較好,一路炒美元回軟及中國經濟重啟,日圓ETF只係排第2位,點睇嚟緊嘅走勢?未來係咪繼續炒中國重啟因素?

「股市漁夫」創辦人莊志雄指,投資者好多時留意今日發生嘅事,但始終要睇返個趨勢,其實由舊年第4季開始,主題係熊市反彈,特色係之前強勢嘅美元回一回,令好多股市指數造返好啲,以龍頭美股為例,雖然過去1個月累升3%至4%,但有一點要留意,睇返標指嘅走勢,舊年6月係插咗落去,之後一直處於上上落落嘅狀態,仲未擺脫下降軌,其實係類似熊2狀態,即係跌咗近20%後,造返一個反彈,但又破唔到頂,跟住又呈一個上落格局,龍頭已經係咁,其他市場都可能畀龍頭牽著,最重要龍頭唔好出事。

Lewis又話,日本市場係今年最少人談論嘅風險因素,日本央行今日出咗聲明後,日圓應聲下跌,行長黑田東彥就快卸任,維持政策不變係正常,但令佢聯想到當年美國聯儲局狂做寬鬆政策,令美國經濟表現似乎好好,但2008年就出現雷曼倒閉事件,因之前過度印銀紙,印出一個樓市泡沫,最後要靠QE收科,依家日本嘅情況有啲類似。

【名家給力場】小心美股興倒轉炒

【名家給力場】炒聯儲局轉軚係炒錯?

【Now財經台】美股繼續受加息及經濟衰退影響,繼續係上落市格局,「股市漁夫」創辦人莊志雄上星期都提及,唔應該因聯儲局主席鮑威爾「放鴿」炒美股升,上星期五至噚日為止,見到道指及標普都跑輸,自美國上次公布嘅CPI升幅收窄後,市場炒加息步伐放慢,直至噚日為止嘅資產表現,係咪進一步確認呢個情況?

莊志雄指,大約1個月前已提及,聯儲局轉軚係唔及中國防疫措施轉向重要,睇返過去逾1個月嘅資產價格表現,已經確認咗呢個樣嘢,CPI數據出爐後,成個市場突然好似Risk On咁去炒,但結果係A股及港股大幅跑贏美股,其中金融指數最標青,勁升45%,佢提醒投資者,唔好睇最新消息去做投資決定,反而要考慮一啲中長線因素。

Lewis又認為,炒聯儲局轉軚係炒錯咗,原因係...

【名家給力場】恒指升至19000水平就係時候減倉

 
不過,Lewis表示,醫療板塊集體出現突破訊號,睇好港股後市嘅投資者可以留意。雖然未見有基本面消息,但唔少股份喺10月中出現突破訊號後,至今已錄得雙位數升幅,例如亞盛醫藥(06855)自10月18日出現突破訊號,至今已累升43%。
 
佢又提醒,買咗重磅股、藍籌、ETF等,同大市表現相關產品嘅投資者,趁恒指升至19000水平就係時候減倉。