【金sir的金融小說】賭聖三叔，教你三大投資陷阱 續前文述，股神巴菲特最強能耐之一，就是「認錯」。Fundamentalist 難於認錯，除因部份老師主業靠教學外，就是因分析者多乃智慧爆棚之士，人棄我取聰明絕頂，兼分析詳盡理據充份。這同時會發生在你我他與她身上。君肯花時間鑽研某股，看上百頁研報資料，開埋Excel入數，多數唔係「好鐘意返工」或「得閒無樹做」，而應覺掘到金礦見發達財路。不過，心理學家已有明確證據顯示，賭馬者一旦研馬報後再下注，就很易變得比下注前更有信心，認定押注馬匹會贏，此為「確認陷阱」（Confirmation Bias）。 如想繼續收看，敬請按鈕 Follow 專頁，順便也話我知想聽乜古 ...。 https://www.facebook.com/%E9%87%91Sir%E7%9A%84%E9%87%91%E8%9E%8D%E5%B0%8F%E8%AA%AA-102633711897883/
【名家給力場】小心跌落港股「爆邊陷阱」...中國價格控制不容輕視 【Now財經台】港股連跌7日後，今日終於識彈，但收市係咪有得升仲要睇住，因為好多時都「衰收尾」，依家港股仍然係「升唔上，跌唔落」嘅悶局，到底個市等緊咩？幾時先會出現突破？ 長證國際資產管理部董事總經理陳建良指，其實依家嘅市況同預期差唔多，係非常窄幅上落，嚟緊呢個星期大市都可能會好似點咗穴咁，但6月後段或7、8月波幅先會再擴大，唔排除係由政治、疫情及通脹失控引發。 KL提醒，一旦出現爆邊，因為相隔咗咁耐，通常都好多假身，即爆上最後變爆落，反之亦然，好大可能兩邊都通殺，呢個情況最少維持多個幾星期，佢又相信，第3季一如上次所講，應該唔會係風平浪靜。 至於中國開倉控制價格.... 節目重溫 https://drive.google.com/file/d/12iJGa6dMOCOmijUckqFmya4ggahOD-0c/view
【Now財經台】港股成功破「五窮咒」，但「六絕月」表現就麻麻，開局升300幾點後就無以為繼，暫時已連跌第3日，更一度失守29000點關口，到底港股6月有冇運行？ 長證國際資產管理部董事總經理陳建良指，同過去3個半月一樣，恒指暫時喺27500至29500點上落，但長時間窄幅爭持係較少見，所以佢覺得恒指喺第3季會有一定波幅。 KL又話，港股依家似乎冇一啲進攻型板塊，反而有唔少防守型板塊表現搶鏡，例如公用、地產等。雖然科技股大舉反撲，不過，如果大市6月出現調整，科技股唔會係領跌板塊，原因係… https://finance.now.com/analysis/post.php?id=662632&type=309 【名家給力場】「六絕月」不絕？
【Now財經台】汽車股上季炒到飛起，但踏入第2季就冇乜運行，年初強勢嘅吉利汽車(00175)、比亞迪股份(01211)齊齊下試今年低位，即使吉利推新能源品牌，母公司又有分拆上市動作，但似乎都幫助唔大，主要係晶片荒令投資者對汽車有好大戒心，要錢唔要貨，汽車股仲有冇機會翻身？ 長證國際資產管理部董事總經理陳建良指，市場一開始對新能源車期望太高，以吉利為例，有大行下調盈利預測10%，目標價更狠削50%，佢估計，吉利、比亞迪仲未跌完，即使跌定咗都好難跑贏大市。KL又話，有一隻新能源相關股近排都冇升過，所以幾乎可以肯定車股短期都會跑輸大市，呢隻具「指標性」嘅股份係... https://finance.now.com/analysis/post.php?id=658456&type=309 【名家給力場】車股有冇得升先睇呢隻股
【名家給力場】印度疫症海嘯席捲股市？ 【Now財經台】印度疫情持續嚴峻，單日確診數目不斷創全球新高。內地方面就有華融債務問題，呢兩個因素對股市造成幾大潛在風險？ 長證國際資產管理部董事總經理陳建良指，華融仍有一啲有價值嘅資產，相信中央會等事件有序咁慢慢「洩氣」，唔會畀佢爆煲，估計只會影響到少部分銀行業績。不過，印度疫情嘅潛在風險明顯較大，KL認為，印度實際死於新冠病毒嘅人數，肯定比報道出嚟嘅多，印度疫情咁嚴重，醫藥供應鏈可能會斷裂，因為有唔少藥物都係喺印度製造，投資者必須留意呢個因素。 https://finance.now.com/analysis/post.php?id=655549&type=309
【名家給力場】揀鋼鐵股「由頭排到尾」 【Now財經台】大行摩根大通上調內地鋼鐵板塊評級，原因係限產、減排會令供應減少。如果講到政策大方向，自然令人聯想到行業整合，係咪一定利好龍頭企業？ 長證國際資產管理部董事總經理陳建良指，一定係，因為上到市嘅鋼廠質素一定唔會太差，而大鋼廠市佔率高、智能減排又好啲。至於點揀鋼鐵股，KL話，一定係「由頭排到尾」，鋼鐵行業好難講長線，因為有周期性，如果睇中線因素，一定係揀鞍鋼股份(00347)先，跟住就係馬鞍山鋼鐵(00323)，同埋重慶鋼鐵股份(01053)。 https://finance.now.com/analysis/study.php?topicId=3&newsId=652571&c=
【名家給力場】揀油股唔係睇息率 【Now財經台】「兩桶油」噚日收市後出咗業績， 中國海洋石油(00883)賺錢多過中國石油(00857)，但其實盈利都倒退近60%，末期息方面，中海油少咗，中石油就加碼，但以股息率計，仍然係中海油更高更吸引。 長證國際資產管理部董事總經理陳建良指，睇油股一定係跟油價，雖然中海油開發成本一路跌，但油價彈性、盈利增長低，可以用價值股角度睇中海油。至於中石油彈性高，若油價跌10美元，中石油隨時冇錢賺，相反，如果油價升10美元，盈利就可能翻一翻，而中石油比較似周期股。 KL又話，無論油價跌到咩水平，中海油都會有錢賺，反觀中石油，若電動車好快普及，或者經濟復甦非常慢，中石油嘅盈利就會好大問題。至於點揀油股，KL唔係用息率衡量抵唔抵買，而係睇呢兩樣嘢... https://finance.now.com/analysis/post.php?id=648796&type=309
