文章分享

【名家給力場】小心港股畀呢類股推落3月低位

【Now財經台】美國噚晚再急瀉,其中道指暴跌過千點,港股今日亦大冧,下晝更插穿20000點關口,大市走勢愈來愈難捉摸?港股後市係咪會繼續尋底?要跌到咩水平?

勝利瑞柏基金管理合伙人暨投資總監陳建良指,聯儲局主席鮑威爾話,冇積極考慮加息0.75厘,但KL質疑係咪無論通脹升到咩水平,都唔會加息0.75厘?鮑威爾發表呢番言論前,美股係大升過,但之後都震返落嚟。

KL又話,由於唔少國家都面對通脹及經濟衰退壓力,所以經濟表現係唔會好。佢又話,強美元對主要以中資股為主嘅港股嚟講一定有壓力,恒指有可能試返3年嘅低位,即18230點水平,而推低大市未必係科技股,有可能係年初好多人吹捧嘅傳統股。

上集:https://finance.now.com/analysis/post.php?id=729977&type=309
下集:https://finance.now.com/analysis/post.php?id=729978&type=309

【名家給力場】晶片股遭三大負面因素圍毆 付費會員獨家

【Now財經台】港股午後曾兩度拗腰輕微倒升,但就唔夠力,之後都跌返落去,睇實最終係咪要4連跌,其實壞消息真係一籮籮,中概股退市陰霾未散,聯儲局加息又愈吹愈鷹,人仔近日又急跌,港匯又逼近弱方兌換保證,雖然港股弱氣氛差,但都冇上個月咁恐怖,後市會唔會再穿底?

 

【金融小說】香港竟然有與網絡安全相關既上市公司?

【名家給力場】美股好難估底,長短攻守兼備

【Now財經台】俄烏局勢升級,俄軍猛烈攻擊烏克蘭境內歐洲最大核電廠外培訓大樓,以及一個未有運作嘅核反應堆,建築物受襲後起火,大火已經撲熄,當地輻射水平正常,但已震散環球金融市場,根據過往經驗,金融市場會逐步適應局勢變化,但依家局勢惡化得咁快,金融市場又會點反應?

勝利瑞柏基金管理合伙人暨投資總監陳建良指,市場之前對和談期望太高,以為戰事會速戰速決,但現實係呢場戰事一直持續,俄烏雙方都企得好硬,由於局勢不斷急速變化,所以好難估計美股幾時見底。KL又話,雖然港股會跟住美股跌,但相信跌幅冇美股咁大,原因係...

【名家給力場】聯儲局煞停加息機會微

【Now財經台】俄烏開戰第2日,俄軍持續推進,烏克蘭首都基輔市郊爆發激戰,但歐美大國冇乜反應,即使制裁力度亦不似預期,連跌幾日嘅美股噚晚更「奇蹟」倒升,係咪反應戰事影響只係暫時性?由於俄烏開戰,巿場認為聯儲局下月會煞停加息,港股後市又會點走?

勝利瑞柏基金管理合伙人暨投資總監陳建良指,自己並非軍事政治專家,不敢評論俄烏危機,但縱使俄烏危機要持續幾年變內戰,市場嘅影響唔需要幾年來反映。然而,投資者先諗清楚聯儲局加息嘅原因,目的係想遏通脹,俄烏戰事唔係最大「敵人」,所以叫停加息嘅機會較微。KL又相信,港股仍會跑嬴,原因係...

【名家給力場】港股上半年繼續跑贏,部份板塊或許炒錯

【Now財經台】美國通脹升至40年高位,消息一出即震散美股,納指收市挫逾2%。不過,港股今日表現相對硬淨,暫時未見大幅波動,恒指仲守得住100天線,後巿係咪可以繼續跑嬴美股?

勝利瑞柏基金管理合伙人暨投資總監陳建良指,噚晚出嘅CPI數據反映通脹情況好嚴重,估計美股步入熊巿嘅機會好大,聯儲局亦都會透過加息遏制通脹。KL又話,港股今次未必可以好似1月咁唔跟跌,只係跌幅相對較細,不過,上半年仍可跑嬴A股、美股。

至於板塊方面.... 

上集

https://finance.now.com/analysis/post.php?id=713869&type=309

下集

https://finance.now.com/analysis/post.php?id=713870&type=309

按此跟蹤「金Sir的金融小說」專頁

【金融小說】名家給力場 - 美股可能拖累港股?

截至中午,雖然恒指仍然跑贏道指,但MTD升幅已縮至唔夠1%,科指仲要累跌逾6%,同中概股指數係同步。宜家最大憂慮係咪睇實美股超賣過後都唔彈的話,一旦暴瀉港股都會頂唔住?

勝利瑞柏基金管理合伙人暨投資總監陳建良指,雖然同市場共識相差幾遠,但佢年頭預測港股好過A股,而A股會好過美股暫時應驗。港股今年一月已經升上嚟,主要因為估值相對較低,中國「放水」相對美國收水,亦有幫助。港股指數除咗科技股、醫藥股、科幻股,較多係金融類股份,因此跑贏美國指數係好正常。美股過去幾個禮拜非常高危,試過跌千幾點之後升返百幾點,近幾日都好大波幅。如果逆轉係超賣的話,應該已經反彈咗,既然不能反彈,不排除將會繼續下試。

KL認為,美股依然高位,投資者可能低估美股發生股災潛在的可能性。一月份港股升而美股急挫,但反彈了的港股遇上再下跌的美股,港股就應該會跟跌不能獨善其身,所以二、三月要小心,唔排除港股再試返去年低位甚至更低。

名家給力場 Link (上)

名家給力場 Link (下)

按此Follow 「金Sir的金融小說」