關於做淡的問題 (更新版)

「請注意頁底重要聲明」

 

問:莊博士想請教一下,漁夫系統可唔可以搵到啲適合沽空做淡嘅股票?例如邊個板塊比較弱,我明白博士唔大提倡散戶做淡,但我相信也有用家有這個需要的,見到你舊舖有紅燈訊號,漁夫系統就只有「止」,而止既股票系統都唔係咁容易搵到出嚟,或者可唔可以加一個按鈕,搵到所有止嘅股票呢?

答:首先,我以前設計的系統,的確有紅燈,但一隻股票出了紅燈,不代表可以做淡,因為橫行也可以出紅燈。事實上,好多時出紅燈嘅時候,代表短期已經跌到超賣,可能反彈完才跌(或繼續橫行)。

如果要在漁夫系統搵股票做淡,你可以考慮用落後股,因為大市(市寛)一旦掉頭向下,呢類落後股份可能先跌。

另一個方法係留意最遲先有突破股出現嘅板塊,跌市初期這類板塊會最先見到「止」訊號。另外,做淡要用跟指數相關系性強的高beta股,近期最佳例子是航空股。

不過,沽空不可以純看技術走勢,高手通常係睇埋基本因素,並要見到催化劑出現先行動,例如一些市佔率被對手蠶食的公司,見到新產品滯銷。

至於ETF,這要視乎你對未來疫情嘅睇法,如果係悲觀的話,航空板塊係一個對象,JETS現時仍處於4年的中線之上⋯⋯

這是一個好例子,見頂後橫行以年計,要跌就要等催化劑出現,今次催化劑就係傳染病。

重要聲明:股市漁夫內的所有內容,包括本影片,絕不構成任何投資意見或購買任何股票及金融產品的特定推薦意見及/或不構成任何游說或要約,以購買、出售或以其他方式交易任何證券、期貨、期權或其他金融工具或其他產品,漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意,漁夫系統的所有訊號,並非是買賣訊號或任何投資建議,而所有訊號均是全自動用第三方提供之客觀市場數據計算出來的結果,當中並不涉及任何人為的想法、修改、修訂或任何投資建議。本網站包含的所有內容、資訊、訊號,並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前,投資者應考慮各種金融產品的個別特點、個人的投資目標、可承受的風險程度及其他因素,並適當地尋求獨立的財務及專業意見。

詳情請重溫股市漁夫FAQ免責聲明。

最後更新: 2020-01-31