【漁民系列】黃金之路 (一)

「請注意頁底重要聲明」

首先介紹一下自己, 在下跟左莊博都一段時間, 最初接觸佢既時候喺舊鋪。當時訂購舊鋪系統主要原因係欣賞博士既觀察力、分析力、表達能力等等,所以順理成章喺2018年底做埋漁民。最近有幸得到博士既邀請, 並賜法號文樂, 同各位分享投資心路歷程, 與各漁民同樂。

坦白講, 做左漁民之後, 先至認為自己開始累積投資經驗, 領悟多左。而呢啲領悟, 必需透過參與市場, 經歷多少起跌, 錯失多少買入同沽出既時機, 並回顧番自己強項同性格盲點, 先會更加堅實。

入正題, 今次打算分享一下在下對金 (PLAN B 既核心資產之一) 既愚見。

猶記得博士於2018年第四季已經同首批漁民講到黃金於資產配置既重要性。下表列出黃金及標普500於2018年第4季至今既表現,只要一直持有(個人認為呢一份定力都唔容易), 增長幅度絕對唔失禮,更大幅跑贏美股整體表現。

先回顧一下支持黃金既基本因素: 

1)內含貨幣角色,千古不變,且每年供應增長率與人口增長同步,大約兩個percent。

2)世界各國不斷增加貨幣供應,情況愈催嚴重,相信至少3-5年不變。

3)RISK OFF 工具 ,亦都係2018年第四季至今上升的主因。

因素 (2) 同 (3) 嘅變速 (rate of change), 相信亦係影響價格上落既關鍵。然而, 最近數天金價未有因為美股破底而發揮避險角色功能, 文樂同唔少既散戶反應都一樣, 始料不及。猶幸就係因為價格之前未有跟隨基本因素走, 令文樂有一定戒心, 於早前回落至$1640整固既數天走左部份trading position,周五晚$1590左右手痕先入番些少。

回顧一下黃金最近18個月既走勢, 個人認為可分三個階段:

第一階段: 

18年8月中 至 19年5月底 (約9個半月)

起點: 1160, 高位: 1340, 終點: 1270

升幅180 (約16%), 

跌幅70 (即約升幅的40%)

 

第二階段: 19年6月初 至 19年11月底(約6個月)

起點: 1270, 高位: 1550, 終點: 1450

升幅280 (約22%), 

跌幅100 (即約升幅的35%)

文樂劃趨勢線既方法係盡量將多個升浪中期既底部連接, 呢個方法未必標準, 不過始終認為有助提早ALERT自己, 所以堅持這一種劃線方法。

當下跌至接近趨勢線前就需要觀察, 準備操作 Trading Position,跌穿趨勢線後既反彈浪浪底, 如未能企穩/接觸紅線, 則確認能量減弱, 回落整固,兩次於Fibonacci level 0.618 見支持, 兩三次支持整固後進入另一上升階段。

第三階段: 2019年12月初至今:

  • 以升幅計, 由期初1450到最近高位1680左右, 都有230, 即16%左右。昨晚回落至Fibonacci level 0.5 亦見支持。留意今次回落未有明顯跌穿50天線。
  • •如第三階段升浪已完成: 估計會於上升時多於一次受制於紫色趨勢線及1620,  而整固目標應該係1570甚至1540, 即兩個 Fibonacci levels,可分注低位買入。留意有機亦有危,如果明顯跌破1540, 我會走晒trading position, 因為睇唔透,就要做好風險管理。
  • 如第三階段升浪未完成⋯⋯應該要於下一次升浪之中至少明顯升穿1600, 所謂升穿係指回落時企穩1600或以上 (都係果句分注低位買入)。
  • 雖然周五晚大跌收市, 但係文樂都暫時未敢判斷已完成第三階段升浪, 市況*波*動大, 單日數個百分點既升跌幅, 只能視為調整。

以上操作其實唔會賺多好多, 不過總算幫自己對走勢掌握, 所以長揸core position遠比短炒trading position重要。對於未有貨而打算開始建倉既朋友, 建議可用以上方法觀察, 並分三至五注入. 唔使心急, 最重要係保本,千萬不要高追,要buy on dips。

另外, 周五晚有一個有趣既發現, 單日黃金走勢(5分鐘圖), 出現與標普500近乎完美既正向關係, 仲要係俾標普500 lead 住走. 如果下周股市真係反彈既話……? 哈哈, 無得估, 只能夠等開估。

另外, 文樂於周五美市收市前細注入咗GDX 同 SLV, 原因係PLAN C 工具於本周初跟唔到PLAN A B行,早前一度被我徹底遺棄, 見周五晚回落咁多, 所以忍唔住, 入返基本注,哈哈!

有時, 做幾多分析都好, 當刻既落場執行係最難同最有價值的。

漁文樂

重要聲明:股市漁夫內的所有內容,包括本影片,絕不構成任何投資意見或購買任何股票及金融產品的特定推薦意見及/或不構成任何游說或要約,以購買、出售或以其他方式交易任何證券、期貨、期權或其他金融工具或其他產品,漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意,漁夫系統的所有訊號,並非是買賣訊號或任何投資建議,而所有訊號均是全自動用第三方提供之客觀市場數據計算出來的結果,當中並不涉及任何人為的想法、修改、修訂或任何投資建議。本網站包含的所有內容、資訊、訊號,並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前,投資者應考慮各種金融產品的個別特點、個人的投資目標、可承受的風險程度及其他因素,並適當地尋求獨立的財務及專業意見。

詳情請重溫股市漁夫FAQ免責聲明。

最後更新: 2020-02-29