【漁民系列】Hea著用 悶著贏

「請注意頁底重要聲明」

大家好,我係漁心😁
 
多謝船長俾我喺度分享操作心得。先講返我嘅background,我係2018年Q4入會嘅,我過去幾年都係日頭返工,深夜先至有時間上網做功課。所以基本上只係買賣美股唔玩港股的!你無睇錯⋯⋯我full paid個漁夫港股年費但主戰場係美股⋯⋯目的只係為咗睇博士嘅市場氣候,同埋最緊要係跟船長學投資。事實上,近兩年從船長身上學嘅比我之前十幾年自己睇書學嘅仲要多,因為好多嘢外面根本無人敎,所以兩年前我諗都無諗就入咗會。
 
今日主要分享吓未有漁夫美股版前我係點樣操作,睇完你就會明依家有個美股工具有幾幸福!
 
因為我每日只有好少時間做功課,所以主要都係做中長線,希望揀中好股坐一個大浪,所以如果你係主動炒嘅話,我嘅方法可能唔啱你,請留意!
 
我基本上都係分開weekly tasks 及daily tasks,因為我主要係做中長缐,所以講咗weekly 先。
 
Weekly tasks:
 
1. Monday : 睇兩次市場氣候!💪🏻💪🏻Make sure 自己大概明白個market 有乜嘢要留意,吹緊乜風,及有乜投資機會,再睇自己個倉有乜嘢雖要執。開市後睇吓有冇啲特別嘢,啲alert有冇雖要改⋯⋯etc. 
 
2. Saturday / Sunday: Review自己個倉,用weekly chart 睇多次所有貨主要支持位喺邊度,set 好 alert。睇多次market breadth 同比較所有sector同上星期有冇大分別(refer to FAQ內常用網站),如有有時間人肉scan 所有sector 嘅股票,睇吓有無好嘢!(未有漁夫美股版前主要用3rd party software 同 TradingView) 
 
3. 調整ABCDE嘅比重,汰弱留強。
 
至於daily tasks,每日開市前快睇一次所有主要資產變動(ES, NQ, US10Y, GC, SI, CL, VIX, BTC, SOX, DBA, DBC ..... 等等)。再睇吓自己個倉有冇邊一隻股票出現大波動,有的話要第一時間處理。無的話基本上無alert 就可以收工!有時間嘅話就上網,睇吓有冇其他投資幾會等等。 (係呀,15分鐘乜都睇完夠簡單未?)😁
 
講返個我等咗兩年嘅漁夫美股版。最大用途係:
 
1. 有咗signal⋯⋯唔使我多講啦,有用港股版嘅都知個signal有幾強!以前我係人肉scan美股🤪⋯⋯一來我只係老散經驗唔夠睇啲位無咁準,二來用3rd party software 有好多限制,有咗signal 之後睇圖變得簡單咗(快 scan 嘅時候, 要details 睇我可能都會返去TradingView 用自己嘅indicator)
 
近期例子有FCX,未有系統時我足足遲過signal 成個月先見到。
 
2. 多咗好多filters,以前用3rd party software 根本無可能有效率地sort。因為咁以前weekly 要人肉一隻一隻scan ,現在只要filter咗最強嘅來睇就得,唔使全部睇,用少咗好多時間。因為咁我現在weekday都可能會scan 多一兩次,所以反應快咗!(點scan 已經有好多高手分享過,博士教育片都有show,我就唔多講啦。)
 
最後我想講嘅係,唔同人有唔同需要,導致點用一個工具都會有唔同,所以了解自己係非常重要。唔知我呢種hea著用悶著贏嘅方法啱唔啱你呢?😜
 

 

漁民系列推薦文章:

2.      【漁民系列】掌握市場脈搏的15分鐘流程

3.      【漁民系列】終於我喺港股都賺到錢啦!

4.      【漁民系列】尋找突破股的流程

5.      【漁民系列】超啱使,終於找到了

6.      【漁民系列】坐領袖股順風車 做個趨勢投資者

 

 

重要聲明:股市漁夫內的所有內容,包括本影片,絕不構成任何投資意見或購買任何股票及金融產品的特定推薦意見及/或不構成任何游說或要約,以購買、出售或以其他方式交易任何證券、期貨、期權或其他金融工具或其他產品,漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意,漁夫系統的所有訊號,並非是買賣訊號或任何投資建議,而所有訊號均是全自動用第三方提供之客觀市場數據計算出來的結果,當中並不涉及任何人為的想法、修改、修訂或任何投資建議。本網站包含的所有內容、資訊、訊號,並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前,投資者應考慮各種金融產品的個別特點、個人的投資目標、可承受的風險程度及其他因素,並適當地尋求獨立的財務及專業意見。

詳情請重溫股市漁夫FAQ免責聲明。

最後更新: 2020-12-24