【漁民系列】找到陪跑隊友

「請注意頁底重要聲明」

大家好,小弟漁過塘😁
 
去年8月得到博士邀請寫文章分享心得,感到十分榮幸,所以好認真咁去寫,但寫完自己覺得唔滿意,之後改完又改,改完又再改⋯⋯改改吓,最後覺得自己其實無咩好分享,所以就放低咗。
 
唔覺唔覺用左漁夫就快9個月,除咗一反多年來「紅卜卜」表現之外,更重要係慢慢打破咗一啲長期嘅心魔,這對我嚟講先係最最最大嘅得著!要走更遠的路,就先要放低背負著多年嘅千斤重擔。
 
廢話少講,先交代我嘅背景,小弟投機炒股前前後後十幾廿年,以往都好似一般人咁,睇吓報紙、聽吓評論、去吓講座。當然有用過莊博舊舖嘅系統,不過當年未掌握到,表現不算理想,但聽過博士幾次講座,認定博士係本地少數穩打穩扎的分析員。
 
直到去年中,唔覺意見到博士公開的YouTube介紹,覺得同幾年前有明顯分別同提升,諗嚟諗去,忍痛付出好多個月嘅午餐錢去join 漁夫系統(我每天 $40以下一個午餐😏)。
 
因為睇咗博士幾個系統介紹YouTube片,加上用過舊系統,初時以為自己有些少idea 應該點操作,點知一睇FAQ先知唔簡單!跟住落嚟繼續要返工 + 睇每日市況 + 閱讀舊文,都唔少嘢要睇,不過亦心知力不到不為財。
 
我好好彩,上年6月開始跟漁夫教的方法去trade,一開始就有好表現,我花咗啲時間回想,總結以下幾點致勝原因:
 
1. 好認真聽博士的市況分況,我意思不是「聽分析就可以贏錢」,而是把漁夫想像為trading buddies。
 
2. 學識乜嘢係值博率(risk-to-reward) ,盡量避免/限制虧損 (小弟以前紀律比較鬆散)。
 
3. (近兩個星期才想通,後得博士Video證實)市寬於低位時有較好的值博率,剛好是小弟重新出發之時市寛回升。
 
4. 以往投資我只識向前衝,所以博士的 Plan ABCDE 對我影響很大,雖然並沒有完全跟 Plan ABCDE(因資金所限),但此觀念對我影響很大,不同情況有不同的PLAN!方知道什麼是scenario based asset allocation ,怎樣做到攻守兼備。
 
可能一開始太順,用咗三個月就有唔錯嘅成績,8月尾時喺用戶專區留咗個post:
 
 
之後?幾個衰衝動嘅行為,什麼「資產配置」「風險管理」「避免損失」,忘記了大半。9月尾之後投資組合大調整,還好當時仲有聽博士的市況分析,知道市寬回落,好快就 lock 住大部分 profit,本來應該等候時機再戰,不過之後心急撈底導致頻頻出錯,信心又再失去了。
 
 
如圖所示,去到9月尾,組合一輪急跌,即刻停止大部分交易,我同自己講,唔可以失去信心,好好回想自己問題先,不要亂trade,加上 9月尾要遠行,就順便停賽兼自我反省。為咗整理好思維,我停止了一段時間唔日日望住個市,先比自己返回平靜嘅心情。大家可能會覺得我太誇張,但對我嚟講停賽係必需的,因為我當時好怕好怕重回以前的舊路(組合長期紅卜卜),呢個心理陰影對我嚟講唔易克服,我當時的確需要D時間去應付。
 
以前我沒有做 trading note 的習慣,所以只憑記憶去review並不易,所以花了不少時間。現在回望,出錯的主要原因是:
 
1. 放棄咗「資產配置」的理念。唔分配好資產,變相太集中喺某行業,順風順水時當然無問題,風向一轉就會好大壓力,而且易做出錯誤決定。
 
2. 放鬆咗 trading 的紀律,沒有管理好 stop,有啲持股有 stop,有D又無,交易前沒有想清楚 risk-to-reward ratio。
 
十二月至一月,我開始跟返個市嘅節奏,pick up 返漁夫分析同市況,慢慢做返啲trade,開始做 trading note,為下一次「手風唔順」要再 review 時做好準備。
 
回顧自己的問題,不一定即刻知道答案,有時係睇吓漁民分享、睇吓漁夫分析時會發現有D嘢唔記得咗!
 
最後,我想講呢大半年最大嘅得著係⋯⋯
 
跑步訓練需要教練同陪跑隊友、行山爬山訓練要有隊友拉安全繩裝安全扣、專題研究需要隊友之間分工、合作和交流。但 trading 呢?我們應該「獨立思考減少外界影響」,還是「一齊研究互相學習」?對我嚟講,漁夫平台剛剛好做到這個平衡,漁民分享是很好的經驗同知識交流,漁夫每周影片提供很多我不知道、沒有注意的事,可增長知識。我在這個平台找到陪跑嘅隊友。
 
Happy Trading😃
 

重要聲明:股市漁夫內的所有內容,包括本影片,絕不構成任何投資意見或購買任何股票及金融產品的特定推薦意見及/或不構成任何游說或要約,以購買、出售或以其他方式交易任何證券、期貨、期權或其他金融工具或其他產品,漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意,漁夫系統的所有訊號,並非是買賣訊號或任何投資建議,而所有訊號均是全自動用第三方提供之客觀市場數據計算出來的結果,當中並不涉及任何人為的想法、修改、修訂或任何投資建議。本網站包含的所有內容、資訊、訊號,並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前,投資者應考慮各種金融產品的個別特點、個人的投資目標、可承受的風險程度及其他因素,並適當地尋求獨立的財務及專業意見。

詳情請重溫股市漁夫FAQ免責聲明。

最後更新: 2021-02-24