【漁民系列】投資好似揀生果

「請注意頁底重要聲明」

大家好!又係我漁三式😃
 
先多謝莊博邀請,同俾個機會我哋漁民有個平台互相交流。
 
我習慣用技術分析,睇圖表及趨勢。以下係我每一日都會做(假期就休息吓😄),投資組合就每周(不過會視乎突發情況)檢討一次。長線市寬持續向下時,通常觀察多,操作少,減少出錯機會,而且輕倉啲,壓力又冇咁大。
 
每次登入漁夫系統,我習慣冇預設股票號碼或者板塊。見到咩就做咩,類似莊博早前講過生果盤,邊樣當造平靚正就揀。有時冇嘢啱就唔會夾硬買。試過任性買完⋯⋯後果就係又苦又澀又輸錢。
 
平時每日用iPad花10至15分鐘㩒下篤吓,大致可以完成大市基本概覽。(個別股票分析另計時間),每日keep住做就會容易發現當中變化。
 
1)由上而下:-
 
每次都係由市寬及宏觀分析開始,然後觀察版塊能量變化,再去睇個股。我覺得比睇報紙網站及財經分析慳時間,又易執行。例如市寬已經決定現時處於進攻型/防守型。以往經驗話我知,逆市操作通常都係輸錢容易賺錢難😭。
 
 
2)大巿走勢:-
 
現時港股及美股中線市寬到達支持區;可惜長線市寬已穿50%分界線。美股長線市寬背馳又創新低需要提防。股票持倉比例已相應調低及注重防守,避免重倉受到壓力做錯投資決定,但為咗保持敏感度及市場觸覺,善用期權係一個選擇,因為風險可控。
 
 
 
 
3)板塊能量:-
 
頭兩個係防守板塊,同市寬趨勢吻合。
 
再下一個消費板塊,未知是否係下一個大市上升嘅領袖板塊?!再㩒入去發現汽車由十天前紅噹噹,最近五天變到白雪雪。雖然未至於綠油油如早前的公用股有動力咁上升。但汽車板塊多數有期權操作,用小注博大,風險可控嘅心態,就值得再入系統再睇清楚。當時見東風489剛破,可能追落後,再看圖表剛剛儲左一段成交密集區,OBV BB band 沿上方行。搵個期權啱價落注。12/8當日理想汽車(2015)上市,加上能量亦冇去到綠色轉強階段,乘着汽車股抽上幸運地有利潤已平倉獲利。
 
 
 
4)股市掃描:-
 
我開頭用系統時,多用以下icon篩選股票。因為系統已經設定咗不同大巿情況下,用邊一隻Icon比較有效。詳細使用方法可以看短片或者FAQ
 
 
當累積左一定嘅經驗之後,我覺得可以善用排序功能,因為可以簡化好多程序。例如同一板塊個股強到弱。動能強弱、升跌幅嘅強弱等等都一目了然。市場每日都有變化,系統就幫手慳時間搵出變化嘅重點。
 
例如使用強勢股功能,一個頁面就可以睇到現時狀況只有39隻強勢股。如汽車板塊一個月雖然仍然有升幅,但係能量已經開始減低。
 
另一個頁面,指出雖然呢六個月仍然跑贏恒生指數,但呢一個星期已經錄得跌幅。唔使自己左搵右搵靠估。
 
 
 
 
最後,每周都會檢討下自己投資組合。尋找機會重要,但係設定一個逃生門亦同樣重要。如果唔係一個有裂痕嘅水杯永遠裝唔到水。系統入邊已經有唔同功能,例如止訊號、系統預設止蝕位、自己設定止蝕位、電郵提示、股市掃描入邊技術分析用作汰弱留強頭自己嘅投資組合等等。不過執行就要靠自己啦。
 
 
 
我都經歷過冇止蝕血流成河嘅慘痛經歷。所以呢個表永遠放喺我當眼位置加以警惕。
 
 

重要聲明:股市漁夫內的所有內容,包括本影片,絕不構成任何投資意見或購買任何股票及金融產品的特定推薦意見及/或不構成任何游說或要約,以購買、出售或以其他方式交易任何證券、期貨、期權或其他金融工具或其他產品,漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意,漁夫系統的所有訊號,並非是買賣訊號或任何投資建議,而所有訊號均是全自動用第三方提供之客觀市場數據計算出來的結果,當中並不涉及任何人為的想法、修改、修訂或任何投資建議。本網站包含的所有內容、資訊、訊號,並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前,投資者應考慮各種金融產品的個別特點、個人的投資目標、可承受的風險程度及其他因素,並適當地尋求獨立的財務及專業意見。

詳情請重溫股市漁夫FAQ免責聲明。

最後更新: 2021-08-21