「請注意頁底重要聲明」
【投資分享】靜靜雞地贏10%+的現金要約及股東需注意的事項｜股市漁夫最強選股系統
大家好，又係我漁得水，好耐冇同大家見面!
今日我決定寫一篇有關現金要約的文章，分享我第一次買嘉里物流(636HK) ，學玩現金要約的點滴。事緣5月28日京東物流（2618HK)上市，有親戚因為IPO抽唔中，又見到暗盤價升左30%，去到$52.35, 問我要唔要一開市高追？我回左一句: 「其實順豐先係龍頭股」！如果京東物流個價去到$52+，個市值重大過順豐，咁點解我唔買嘉里物流(636HK），順豐收購佢喎！
根據今年2月的交易安排，順豐向嘉里物流(636HK)提出以每股18.8元收購嘉里物流51.8%股權，涉資達175.55億元。與此同時，嘉里物流需要向母公司嘉里控股出售葵涌及粉嶺多項倉庫資產，總代價135億元；出售完成後，大部分會用於回饋股東，預算派發每股特別股息7.28元。
如果順豐現金要約成功，接納順豐收購的嘉里物流股東，可以收到$26.08($18.8+$7.28), 以當時股價($23.6)計，賺$2.48左右，而且嘉里物流(636HK)Beta <1, 跌市轉啲防守型股票，穩陣喎！當收息，有成10%+，又幾好喎！同親戚講完我睇法之後，打算少少哋玩吓。如是者到6月尾，我見到漁夫系統起$23.55出了破訊號，需知嘉里物流(636HK)上一次出破，由$11.8升到上$25+，高低位升成一倍，嗰次唔夠guts入，已經揼爆心口。所以我認為今次有啲值搏率，加上2個月前，約7月中，我見個市唔對路，減持了手上啲股票，決定換馬嘉里 。
之後我上網睇左幾篇文章，當時網上大部分聲音都用同一角度分析，認為順豐開出非常闊綽的要約價$26.08，相等於27倍市盈率。所以應該接受現金要約，如果長期看好，就收完特別股息，待除淨後才低位買入！但從來冇人提過，如果要約成功通過，變成無條件後，(1) 股東手上的股票會否被lock 倉？（要約成功當天貨被勾走，不能沽，因為你已答應賣給順豐） (2) 順豐只收51.8%股權, 大部份股東為了要約通過，也投贊成票，有機會只能售出部份股份，手上的股票，有機會變成碎股。(3) 順豐收唔足的股份，幾時退回給股東？需知炒股票，時間點好重要！我執筆時正值14/9，即除淨當天，我可以話俾大家知，未獲要約人接納並承購的股份退回時間表有點混亂，因為嘉里延遲了派息，好多時間未釐定，我自己當時以為除淨前13號碎股會入倉，然後14號除淨當天可以AO沽，點知出事! 問證券行交收部，都冇答案。但股價已經沽到落$18.36, 穿左$18.8, 接近全日低位。再睇啲Q&A, 好似話截止日期（9月16日)之後的10日內。所以我可以講一句，冇落場玩過，淨係睇所謂理論性文章，一定出事！因為想像同現實，係有一定距離！
何謂現金要約
現金要約是指要約人在特定時間，面向公司全體股東發出的，以某一個統一價格收購公司股份的要約，目的經常是取得公司的控股權和/或將其私有化。現金要約可分為強制要約收購和自願要約收購兩種。
以嘉里物流(636HK）的例子屬於自願要約收購。要約人自願作出收購決定，並根據目標公司總股本確定預計收購的股份比例，在該比例範圍內向目標公司所有股東發出收購要約。
1. 嘉里物流持倉股東接納要約的股份數目加上要約人的股權後超過51.8%。現金要約就會變成無條件要約，則要約人可以收購接納要約的持倉股東的股票。所有方面成為或被宣佈為無條件，根據收購守則該等要約將於其後維持至少14日可供接納，惟不得進一步延長。
2. 嘉里物流持倉股東接納要約的股份數目加上要約人的股權後沒有超過51.8%，那麼這個要約就不會變成無條件現金要約，如果部分要約失效，順豐收購就不成功。公司違反彼等各自於倉庫出售協議中之完成義務而沒有完成，則不會支付特別股息。
嘉里物流(636HK)股東要成功透過部分要約出售股票，要符合以下四個條件:-
(1) 9月2日下午4時正前，收到相當於已發行股數51.8%的有效申請
(2) 於首個截止日期的50%以上股東名冊登記股東並不是要約人及其他一致行動人士持有
(3) 該等股東須於批准及接納表格上填上批准部分要約收購的股數
(4) 嘉里物流台灣業務出售持續條件已經達成
1. 6月29日，漁夫最系統在$23.55對嘉里物流(636HK) 發出了破訊號。
2. 8月27日，嘉里物流(636HK)中期多賺2.15倍，純利33.8億元。每股盈利1.88元。派中期息0.211港仙，按年增加91.8%。業績利好後，股價開始有提振作用，慢慢向上升。
3. 9月2日，嘉里物流(636HK)公布，順豐控股部分要約收購公司51.8%股權，所有條件均已達成，且部分要約在所有方面已成為及謹此宣布為無條件。9月3日(上圖: 紅箭嘴)股價創新高到27.15元。
** 重點來了！點解9月3日會創新高？由於大部份股東簽了要約冇貨起倉，見到靚價但沽唔到！所以我認為自己蠢左，唔應該接受要約賣俾順豐!
（下圖為我的日結單，顯示9月2日8,000股貨被提走）
4. 同日(9月2日) ，嘉里物流表示，要約人已收到就部分要約收到10.26億股的有效接納，相當於已發行股份約56.8%；持有3.36億股的合資格股東批准部分要約，相當於合資格股東所持股份總數約53.5%，以及概無收到購股權要約的有效接納。
以我個人持有8,000股為例，按比例獲配發的基準計算如下:
接納的股份: 931,209,117/1,026,397,095*8000 = 7,258股
零碎股份: 8000-7258= 741股( 500股一手 + 241股碎股)
經驗總結:
1. 今次有賺錢，但時間上拿捏有失誤，始終未試過現金要約操作，睇公告的功力不足，要再鍛煉一下，因為魔鬼永遠在細節。
2. 不能盡信經紀，因為佢只會回你，冇貨你都沽唔到架！
3. 收回現金要約本金需時，相比市場上沽（T+2)，可能蝕了1-2星期的機會成本。
4. 有前輩笑我，叫我唔好諗啲「精甩尾」嘢，話市場專收「叻仔」。其實我好奇心強，想學吓點玩啫。今次雖然冇賺盡，但我都開心，起碼我知道個tricky point起邊，唔係齋聽啲人講接受啦，有溢價都唔say yes, 傻左呀？
5. 睇漏左收購要約變成無條件後會維持14日（9月2日+14天，即到9月16日）俾你接納。反而簽左要約，俾人綁手綁腳，冇左彈性！
6. 漁夫系統功不可抹，肯用系統尋寶，在淡市中都有收穫！
=====================================================================
如果大家想知道邊個行業板塊轉好，資金轉向炒乜?，漁夫系統最新功能--板塊能量圖或許會幫到你！有興趣可看看延伸文章利用漁夫系統，輕鬆選股話咁易!
股市漁夫係今年六月中推出全新功能「板塊能量圖」。板塊能量圖是莊志雄博士及漁夫團隊最新研發的大市指標之一。為了讓投資者更容易掌握股市中每個板塊的能量強弱度，股市漁夫港股系統及漁夫美股系統都加入了板塊能量圖功能。
漁夫系統: https://www.stockfisher.com.hk/plans
一眼看清大市中短線方向全天候資產配置例子教學每週會員片總結宏觀觀察股市掃描助手幫你省時找出潛在轉勢股份股價提示功能用戶教育短片示範
=============================================================================
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
