今日有用戶問：「其實依家都幾難搵方向，bad news不斷浮現，但整體美股大市跌得唔算多，我想問吓莊博，美股目前市況係咪已經price-in咗年底加息去到2.5厘樓上嘅負面影響？如果係，其實市場反應真係好溫和吓？」
答：漁夫看的 「整體大市」，永遠都係
市寬，這個行之有效的指標其實已經跌咗好多，市寬弱代表散戶入市贏面偏低，只係標普500指數跌幅未即時跟上，令一般投資者覺得美股仲係好勁，甚至有唔少人認為「牛三」快將出現！如果美股係
牛市，點解科技及消費板塊會咁弱？
市場喺熊市初期，未必一定有效率地反映價格。例如2008年第二季，當時標普500指數上上落落，大盤指數有冇能力預視得到2008年第三季雷曼會爆煲？
另外，2000年第一季尾，科網股已經爆破，當時標普500指數要等幾耐先急跌？答案係6個月！
漁夫已經講咗好多次，市場要令到所有人都失去方向感，亦即是索羅斯所講的DISORIENTED，大盤指數先至俾個真方向你睇，到時啲人已經俾個市chok到暈晒，唔識應對真正嘅大跌市。
今晚開市夾升，好多淡友又再懷疑人生，一旦受唔住壓力就會忍痛平倉，點知幾個鐘頭之後美股就由升轉跌。作為一個散戶投資者，捕捉短線方向係毫無優勢，因為短線一定唔及電腦程式及AI反應快，而且大戶經常設置短線走勢陷阱，散戶跟車太貼好容易中伏。所以大家無時無刻都要專注大方向(Big Picture)來部署中長線投資，千萬不要被財經新聞及短線股價波動牽着走，搞到自己完全DISORIENTED！
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
詳情請重溫股市漁夫FAQ及免責聲明。
最後更新： 2022-04-21
