【漁民系列】Formula X

「請注意頁底重要聲明」

我係漁民字D,今次分享一點我用什麼心態及考慮什麼因素去玩投資這博奕遊戲。


我會幻想自己是一名電競賽車手,現在同時間揸緊兩部Formula X賽車(點解叫X? 或者當X Files,其實名嘅嘢不重要),一部係自己 [車價雖然較高,但撞花都係自己,而且撞慣😆,車身花晒(Win Rate) ,甚至撞到甩門都預咗,最緊要仲行得,獎金足夠應付所有賽事開支及生活],另一部係老友 [正常家用車,估計雖然佢話信任兼拜託我,但都係少撞為妙],兩部車截然不同,車主背景沒有一絲相似,要求及可承受損失亦不一樣。比賽獎金是中途計算,但隨時有障礙物不止扣減獎金,隨時亦可Total Loss,GG⋯⋯

這賽道特色是沒有預先給予地圖,更沒有先知預計到下一秒會發生甚麼事,有很多分岔道(投資工具)可以行,路旁有很多路牌(新聞?),但抱歉,很多是假的,路面亦有很多標示(消息?),其實都係任劃的,亦必然不是平路,隨時可以遇上意想不到的路面情況,大石或垃圾是常見吧。

車輛配置及通訊系統是可以自由選擇,我自己採用了漁夫港美雙重系統用作車輛賽道及天氣分析,自己時間及處理能力有限,另外只添置了普通Browser,看看其他漁夫每周有提到的數據,例如MOVE,某些名人(燈)社交帳號,通訊方面主要參與漁夫FB群組討論區及跟幾位留意國際政經消息的朋友討論不同情況的可能性及可做的相關準備。

這個博奕遊戲發展了很久,市場充斥有很多不同新舊技術模組,有啲係天價(例如BBG),有啲係免費(例如SMA、RSI、SCTR)。隨著資訊科技幾何級進步,社交媒體及「Pay床」等等亦孕育了很多大師,有技術型的(最多人喜歡的) ,有心理型的(人性不嬲鍾意口甜舌滑,理得佢係唔係渣男),坊間亦多了很多工作坊及課程,甚至有些課程可獲得政府個人進修開支扣稅,總之乜都有,學生學完數旗仔,睇吓公司通告,看吓CCASS,期權N咁多式,甚至乎學院有師兄師姐做助教,搞到以為只要勤力讀多啲notes,真係可以學以致用,出事就一定係收錢嗰個錯,自己科咗水就梗係大晒!大部分學生以為資料越多就越強勁。其實有些真係有用,不過只是時間不同,用法又會不同。拳擊教練同親自落場係天與地兩碼子的事情啊!

今年頭8個月賽道特色主要係多下坡道,但好似Maverick,就算自己已經係Best Of The Best (男男女女,主要認受膚色要齊,其實已是一個騙局),Mach 10速度飛緊爆炸唔死得嘅傳奇都係得一個,而且其實亦只是虛構故事 (今次真係冇金融機構出事?),依家睇乜最好唔好太認真,現實是今年好多戰機都中彈(基金大虧蝕) ,Top Gun機師(基金經理) 充滿挑戰生存下去。大家幻想吓如果自己揸住架普通飛機,就算熟讀飛行手册,配備最先進飛行系統,但缺乏飛行經驗,真係可以Come Back追回幾十個?現實是雖然很多下坡道,但亦會中途出現不少上坡道,總之見步行步,安全第一命長久。有一朋友移民到日不落帝國,賣樓吐現,問怎樣保本,我反問「尾元」本身不是本嗎?我想講叫佢Join漁夫系統,睇曬所有FAQ,不過都係算,移民前要賣樓已經夠頭痕。

過去幾個月,我自己架車都花晒,今年兩次入PIT (主要指數挾淡),好彩中間上了金融小說網課,第二次已經好過第一次,架車仲行緊。至於朋友架車,之前幾個月大霧,借機鍛鍊自己,泊咗架車休息幾個月,大概十日前見到飛雲:

(1)   PFIX 似乎見底即將回升

(2)   VIX 跌穿20

(3)   MEME爆破 (例如:BBBY)

(4)   S&P 500 急速反彈到200天平均線

(5)   DXY調整完成再回升,黃金再跌

(6)   美股系統過去一兩星期很多Q信號表現已經落後於最早一兩批的

(7)   媒體多了說牛一或慢牛

(8)   雖然已經急速反彈,但好似很多基金仍然愁雲慘霧

 

所以縱使大家有很多短線擔心,例如今次究竟有幾多個假身,但直覺話畀我知有以上因素而得出的RR應該很吸引,所以我幫了朋友架車裝咗渦輪引擎以高速過個「即新Hole」髮夾灣 (新開大量淡倉,亦有開些小長倉) 好彩過咗無炒車,高速行咗陣直路,點知星期五又遇上連續髮夾灣,好彩架車仲行緊冇炒車⋯⋯一如以往見步行步⋯⋯

親身揸兩架車好處是鍛鍊精神分裂,我揸兩架車是兩種不同揸法及選擇不同分岔路道路,條條大路通羅馬,Plan A/B/C/D/E已介紹了很多分岔路。請留意,可以局部地區性天氣不同,但大範圍極端天氣根本仲未改變。陽光普照大牛市當然可以躺平玩被動收入,但現在高槓桿玩被動收入真係可以繼續?我現在有選擇性槓桿,但不是被動,就算幾個月Do Nothing,一直都是主動決定,因為我冇信心揸普通家用車渡過變種熊市挾淡倉。

車輛好,飛機好,Features可以很多,Manual可以很厚,課程可以很長,不過我哋係玩緊Dogfight Football,同時進攻和防守,而且對家亦次次不同。(Maverick精神)

我有打機,亦有上網睇吓人打機,不過不是喜歡打機,玩GT,Flight Sim,AoE,其實類似自己打下麻雀,又睇下其他人打,自己打波,睇人打波,只是工具不同,但大部分都是搏奕,牽涉計畫,應變,運氣,心態及很多不知或不能控制因素,但絕不能假手於人,呢場賽事係自己落場。

世上應該沒有神一般的分析及操作,只是流血重傷後仍不放棄,不賴地硬,願意自己繼續學習及作出改變,迎難而上的平常心實在太罕有。

彩蛋:

我同朋友講(笑),我的教育課程 (其實不存在)現在正式加價一倍,每小時$20000,反正坊間很多課程都係萬萬聲,你哋又知我生活得如何,但我可以幫你慳番很多冤枉學費及時間,(所謂)專業律師都要收費,我唔收費即係我唔專業,而且人性就是你收費唔夠一定水平,即係你冇料到,人性也。

坦白講,我多年來有介紹不同朋友用漁夫以前及現在的系統,有的留,有的走,正常過正常,沒有對錯,如男女朋友,緣分也。但以前有位高手(不熟,已多年沒有聯絡) ,以前很懷疑舊舖的系統,但近年見到他加入了漁夫,改了名,但看留言我知是他,他看了漁夫7月中分享的經歷,留言說更了解漁夫,我內心很高興,因為高手間接肯定了我的直覺,男人就是這樣。

重要聲明:股市漁夫內的所有內容,包括本影片,絕不構成任何投資意見或購買任何股票及金融產品的特定推薦意見及/或不構成任何游說或要約,以購買、出售或以其他方式交易任何證券、期貨、期權或其他金融工具或其他產品,漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意,漁夫系統的所有訊號,並非是買賣訊號或任何投資建議,而所有訊號均是全自動用第三方提供之客觀市場數據計算出來的結果,當中並不涉及任何人為的想法、修改、修訂或任何投資建議。本網站包含的所有內容、資訊、訊號,並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前,投資者應考慮各種金融產品的個別特點、個人的投資目標、可承受的風險程度及其他因素,並適當地尋求獨立的財務及專業意見。

詳情請重溫股市漁夫FAQ免責聲明。

最後更新: 2022-09-03