【Now財經台】騰訊控股(00700)昨日( 13日)交咗份靚季績，第3季賺逾631億人仔，當中以遊戲業務增長最標青，遊戲收入按年升15%，海外更按年急升43%，首度突破200億人仔，但值得留意係，集團資本開支減少，高盛估計，係同晶片供應有關，而騰訊亦下調全年資本開支指引，集團人工智能 ( AI )策略係咪有變？ 勝利證券首席顧問陳建良指，騰訊本身唔需要咁多資本開支，因集團已經有一個完整嘅微信生態圈，遊戲、廣告、社群、支付等功能集於一身，騰訊嘅AI發展有「後發先至」嘅優勢。 KL又話，依家因為GPU缺貨先導致市場瘋搶，就算騰訊遲啲先買GPU，仍可以做到強勁嘅產品，市場唔需要擔心騰訊嘅能力，佢又估計，騰訊股價有力跑贏恒生指數。 【名家給力場】騰訊AI發展有「反先」優勢 ( 上 ) 【名家給力場】騰訊AI發展有「反先」優勢 ( 下 )
【Now財經台】日本軟銀集團(SoftBank Group)昨日(11日)披露已清倉英偉達(Nvidia)，套現逾58億美元，轉向押注OpenAI，不過，睇返微軟(Mircosoft)早前公布嘅季績，OpenAI仍未有錢賺，單季虧損更擴大至120億美元，拖累微軟股價，到底美國人工智能(AI)行業巨額投資係咪可以持續？幾時先有錢賺？ 「股市漁夫」創辦人莊志雄指，呢啲都係未知之數，只可以從OpenAI自己嘅預測去睇，不過關於微軟我哋可以留意股價喺7月已經見頂，約555美元，依家距離高位約10%，雖然公司話盈利有改善，但股價喺呢段時間向下，公司指出，原因係OpenAI仍然蝕緊錢，但其實呢件事好普遍，根本唔值得關注。 Lewis認為，未來更需要關注係，好似微軟呢啲級數嘅公司，基本上債券冇可能違約，但最近公司嘅信貸違約調期(CDS)上升，反映市場認為微軟違約風險高咗，再睇OpenAI嘅自由現金流...... https://finance.now.com/analysis/post.php?id=948583&type=338 https://finance.now.com/analysis/post.php?id=948584&type=338【名家給力場】微軟違約風險升溫有咩啟示？(上)
【名家給力場】微軟違約風險升溫有咩啟示？(下)
【Now財經台】中美貿易緊張關係升溫，引發市場恐慌情緒，芝加哥期權交易所波幅指數(VIX)急升後，似乎跌唔落，呢個情況係咪反映美股其實未跌定？ 「股市漁夫」創辦人莊志雄指，美股暫時未仍穩定落嚟，因為有一啲程式買賣，嗰個波幅擴大，即VIX讀數高的話，機構投資者就會減倉，依家20係分水嶺，當VIX升到25，佢哋就會大幅減持，喺依家嘅情況下，就要觀察多幾日。 Lewis又指，根據美銀嘅基金經理調查顯示，基金經理現金水平跌至10年低位，上次出現呢個跌勢係2021年「契媽熱潮」，當時個市好瘋狂，但依家又去到呢個狀態，相信機構投資者已經係滿晒倉，等第4季炒上去，依家突然有美股震盪，機構投資者因為咁低嘅現金水平要加倉，係會有啲難度，加上9月聯儲局減息之後，未見環球流動性增加，反而係比以前少，按6個月變化嚟計，雖然仲有輕微增長，但已經接近0%條線。 https://finance.now.com/analysis/post.php?id=944906&type=338 https://finance.now.com/analysis/post.php?id=944907&type=338【名家給力場】美股仍未喘定要睇實VIX(上)
【名家給力場】美股仍未喘定要睇實VIX(下)
