文章分享

【名家給力場】澳門「旺丁」帶挈唔到賭股

【Now財經台】農曆新年假期多咗人去澳門、入賭場玩兩手,由舊年10月底低位至今,幾隻主要賭股普遍倍升,但銀河娛樂(00027)股價表現相對差,賭收方面其實有幾大改善?賭收由不同部分組成,其中VIP應冇法回復至疫前水平,靠中場、高端中場及非博彩收益,可唔可以彌補到VIP流失嘅收益?

勝利瑞柏基金管理合伙人暨投資總監陳建良指,睇返訪澳旅客數字,今個農曆新年假期訪澳旅客中,香港旅客復甦情況最理想,大約恢復到2019年約70%,來自其他地區嘅旅客恢復到約30%。至於賭收方面,中場恢復至2019年近50%,VIP就回復至20%以上,銀娛股價表現相對差,同賭收組成有關,市場認為中場係賭收支柱,即使VIP復常,估計都去唔返2019年一半,VIP客唔係冇,只係注碼細咗好多。

KL認為,炒賭股要留意復常後,賭收會唔會增加,訪澳旅客人數反而冇咁重要。

【名家給力場】澳門「旺丁」帶挈唔到賭股()

https://finance.now.com/analysis/post.php?id=778153&type=309

【名家給力場】澳門「旺丁」帶挈唔到賭股()

https://finance.now.com/analysis/post.php?id=778154&type=309 

 

【名家給力場】炒內地重啟勿走漏公路股

Now財經台】市場近排熱炒內地重啟概念,餐飲、內需、旅遊出行股炒到依家,部分上升動力開始減弱,勝利瑞柏基金管理合伙人暨投資總監陳建良就話,市場一直睇漏咗公路股,又話呢個板塊食正農曆新年假期出行需求上升。

KL分析指,目前內地人較難去國外旅遊,而政府唔再呼籲「就地過年」,相信唔少人會趁春節回鄉過年及探親,令公路交通流量大增,而疫情封控期間,公路營運商屢次被要求減價,KL預期,復常後收費將會回升。

瑞銀報告亦指出,內地公路收費今年會大幅反彈,個別公司甚至有機會超越2019年水平,又預期中央及地方政府將推出唔同政策,支持交通基建合作發展自動駕駛,可提升交通流量,但該行提到基建係好長遠嘅發展,唔會咁快見到效果。

瑞銀又話,行業今年預測息率普遍有8厘,現時估值屬於吸引。KL補充,公路股估值比其他重啟概念股低,加上派息唔少,建議投資者等趁股份回調入貨。

【名家給力場】炒內地重啟勿走漏公路股()

https://finance.now.com/analysis/post.php?type=309&id=776070

【名家給力場】炒內地重啟勿走漏公路股()

https://finance.now.com/analysis/post.php?id=776071&type=309

【名家給力場】狗股策略2023年用唔著

Now財經台】美股今年勢錄得2008年以嚟最大年度跌幅,另一邊廂,中國月初突然放寬嚴格嘅防疫政策,令市場重燃明年經濟重啟嘅憧憬。勝利瑞柏基金管理合伙人暨投資總監陳建良認為,美股明年仍未見底,較睇好中資股及港股表現。

KL預期,中國明年初會出現恰到好處(Goldilocks)嘅增長,惟之後會「由滯入脹」,令全球商品需求急升,企業更難控制成本,人民又要求高工資,不排除傳導至歐美,令當地通脹難以回落,屆時各國央行難出現政策轉向(pivot),有機會引發金融機構或樓市泡沫爆破,其中聯儲局會率先被逼轉向而減息,佢擔心上述情況明年前半段就會發生,到時美股難有運行。

KL又話,明年唔適合用狗股策略揀股,因為今年跌得最殘嘅港股藍籌,大部分係增長股,估計明年價值股會受追捧,除咗息高、估值平,亦因為唔少殘股喺過去2個月已大幅反彈。

【名家給力場】狗股策略2023年用唔著()

https://finance.now.com/analysis/post.php?type=309&id=773546

【名家給力場】狗股策略2023年用唔著()

https://finance.now.com/analysis/post.php?id=773547&type=309

【名家給力場】重啟概念股不是炒完就是炒錯 來年「滯」「脹」互易

Now財經台】過去1個月,市場炒作多隻內地重啟經濟概念股,涵蓋餐飲、旅遊、酒店及零售板塊。不過,勝利瑞柏基金管理合伙人暨投資總監陳建良認為,內地經濟重啟或未如想像般順利,中美經濟情況亦會調轉。

經過3年疫情嚴格防控後,KL話內地人口愈趨老化,人與人之間接觸變少,加上內地當局冇谷針,估計嚟緊疫情傳播速度會好快,尤其是老年人為免受感染,可能選擇「自封」,即係留守家中並囤積藥物,所以經濟重啟過程或比預期慢,現時炒重啟概念股係太早。

KL又預期,中國明年完全解除防疫措施後,很有可能步美國後麈出現嚴重通脹,對必需消費品構成負面影響,甚至間接令美國不能明顯減息來挽救經濟衰退,明年可能出現滯脹。

佢續指,比較擔心內地電訊股及食品股前景,前者即使技術有升級,但國家唔畀行業加價,難以提升每用戶平均收入(ARPU),後者作為民生用品會影響通脹數據,成本上升亦令股份估值偏高,後市有可能迎來調整。

名家給力場】炒重啟概念股時機未到()

https://finance.now.com/analysis/post.php?type=309&id=771416

 

【名家給力場】炒重啟概念股時機未到()

https://finance.now.com/analysis/post.php?id=771418&type=309

 

【名家給力場】恒指重上18000唔好太興奮

 Now財經台】港股3大指數喺上月低位反彈逾20%,重上18000點大關,步入技術牛市,係咪進一步確認已經見咗今年低位?之前個巿累積咗咁多蟹貨,恒指短期係咪會喺現水平上落,先整固一下?

 

勝利瑞柏基金管理合伙人暨投資總監陳建良指,兩週前節目提到恒指見底應該應驗,而好消息亦令巿場反應相當猛烈。不過,投資者唔好太興奮由極消極轉為極樂觀,因為股巿續受加息大環境影響,現時反而不應該追貨,。

至於恒指後市會點走,KL估計,年底前會繼續喺18000點或以下水平徘徊,波幅逐步縮小。

https://finance.now.com/analysis/post.php?id=766354&type=309

【名家給力場】恒指重上18000唔好太興奮()

https://finance.now.com/analysis/post.php?type=309&id=766355

 

【名家給力場】美股太早炒減息預期?

【名家給力場】美股太早炒減息預期?

Now財經台】美國上月生產者物價指數(PPI)升幅細過預期,反映通脹再有降溫跡象,噚晚美股3大指數向上,不過「股市漁夫」創辦人莊志雄指,美股呢轉升浪唔太合邏輯。

Lewis分析指,睇返過去一周各類資產價格表現,雖然股市升,但同衰退有關嘅債價及金價亦有得升,至於同經濟相關嘅油價就向下,其實係反映經濟基本面唔好。佢又話,美股呢輪升得勁,純粹係資金炒緊聯儲局政策轉向(Fed pivot)嘅憧憬。

佢續指,據最新利率期貨顯示,聯儲局最快明年7月先會減息,依家炒pivot係太早,就算聯儲局減息,亦唔代表股市見底,據歷史統計顯示,聯儲局開始減息後,美股會再跌27%58%

【名家給力場】美股太早炒減息預期?()

https://finance.now.com/analysis/post.php?id=765871&type=338

【名家給力場】美股太早炒減息預期?()

https://finance.now.com/analysis/post.php?type=338&id=765872

 

【名家給力場 - 金Sir】發展商是否真的要「蝕賣樓?」本港地產股最危險係邊隻?

Now財經台】中原地產創辦人施永青以《發展商要準備蝕本賣樓》為題撰文,表示市況向下,發展商做生意要面對現實,即使用蝕本價都要賣樓。

勝利瑞柏基金管理合伙人暨投資總監陳建良認為,發展商係咪要蝕本賣樓,好睇發展商嘅財政實力同借貸水平。佢指絕大部分發展商嘅借貸水平遠低於對上幾次樓市下跌周期,形容普遍持貨能力高,未必會劈價促銷。

不過,KL睇淡港鐵公司(00066)及領展房產基金(00823),因為港鐵乘客量下跌,加上政府為大股東,公司自主能力較低,港鐵嘅估值喺公用股中唔算平;至於領展方面,受到10年期國債息率影響,佢總結話,發展商或放慢賣樓步伐,係低流轉下唔建議加注地產股。

【名家給力場】發展商難賣樓 咪加注地產股()

https://finance.now.com/analysis/post.php?id=763951&type=309

【名家給力場】發展商難賣樓 咪加注地產股()

https://finance.now.com/analysis/post.php?type=309&id=763952

【名家給力場】聯儲局政策難轉向?

Now財經台】港股喺美國聯儲局議息結果出爐前夕連彈兩日,美股方面,道指喺10月罕有勁彈近14%,除咗憧憬內地明年3月開關外,另一個反彈「推手」係市場憧憬聯儲局政策轉向,睇返依家嘅形勢,美國短期內掉頭減息機會大唔大?

「股市漁夫」創辦人莊志雄指,其實今年3月、4月都炒過一次轉向,去到7月至8月中又炒一次,期間聯儲局嘅終極利率一路升,雖然局方官員之前話唔應該高過5厘,但最新已升穿5厘,點解會出現呢個情況?今次已經唔係第1次喺聯儲局喺開會前,借《華爾街日報》一個記者放風,喺剛過去嘅星期日話,終極利率應該高啲,而局方嘅態度似乎跟住標指走,指數高返啲,局方就鷹啲,似乎係想管理市場預期,而終極利率今年係持續向上,睇唔到轉向情況。

Lewis又話,政策轉向可能係中國防疫政策轉向,呢個喺第4季係更加重要,因為會影響好多資產價格表現,尤其係商品,例如中國通關,唔多唔少會影響油價,由於價格上返去,美國能源股近期都造返好啲,通脹就較難回落,令聯儲局政策就更難轉向。

至於經濟衰退情況會持續幾耐,莊志雄就話...

【名家給力場】聯儲局政策難轉向?()

https://finance.now.com/analysis/post.php?id=763432&type=338

【名家給力場】聯儲局政策難轉向?()

https://finance.now.com/analysis/post.php?type=338&id=763433

 

【名家給力場 金Sir】中資電訊股最後都會「終移動」

【名家給力場】中資電訊股最後都會「終移動」

Now財經台】港股上日見逾13年低位,美國債息繼續抽升,散戶想為資金尋找避風港,究竟傳統防守性資產如中資電訊股能否成為救星?

勝利瑞柏基金管理合伙人暨投資總監陳建良指,中國移動(00941)、中國電信(00728)季績差過市場預期,中資電訊股上季嘅經營開支升幅顯著,又話通訊費用佔內地通脹數字好大部分,如果要解決通脹問題,中央好可能先向屬國有企業嘅電訊業開刀,因為價格較其他一籃子日常使費容易控制,因此憂慮行業再有降費風險。

【名家給力場】中資電訊股最後都會「終移動」()

https://finance.now.com/analysis/post.php?id=761144&type=309

【名家給力場】中資電訊股最後都會「終移動」()

https://finance.now.com/analysis/post.php?id=761145&type=309

【名家給力場】做美元定存要小心

Now財經台】金融市場依家嘅恐慌情緒,其實唔止喺債市出現,其他資產亦有類似情況,當跨資產都有呢個問題時,到底情況有幾嚴重?此外,有調查發現,基金經理揸現金水平係高咗,根據過往經驗,一旦出現呢個現象係咪要更加警惕?

「股市漁夫」創辦人莊志雄指,跨資產類別表現嘅波幅係居高不下,情況比2008年初更差,當時由於美國開始減息,跨資產類別波幅一度回落,之後發生雷曼事件,波幅又抽咗上去,意味各類資產齊齊向下,依家一直處於150樓上,意味市場依家非常不安。

Lewis又話,今年係股債一齊跌,投資者過去幾十年都會做就係股價合一,即組合內60%係股票,40%係債券,今年係100年以來最差,表現遠差過2008年,今年大量機構投資者股債合一嘅組合跌咗30%,負財富效應將會好嚴重,會影響外國甚至全世界投資者嘅消費意欲。

佢又話,基金經理現金水平持續增加,睇返過去10年,當基金經理嘅現金水平高企,都係一個買貨時機,係一個相反指標,但今次美股係泡沫爆破,現金水平要再高啲先係入市時機,點解依家咁多人匿去現金,因為股債都唔掂,所以好多人揸美元,最近聽到唔少人教人做美元定存,甚至做1年定期,Lewis提醒投資者必須小心,因為...

【名家給力場】做美元定存要小心()

https://finance.now.com/analysis/post.php?id=760643&type=338

【名家給力場】做美元定存要小心()

https://finance.now.com/analysis/post.php?type=338&id=760644

 

【名家給力場】(金Sir) 通脹回落已不能阻止金融黑洞

 Now財經台】港股上星期單日勁彈過千點後,之後又跌過,恒指暫時連跌第5日,累跌逾1500點,其實唔止港股弱,外圍市況都幾差,不過,亞太區股市今日叫做定返少少,到底呢個尋底格局仲要持續幾耐?

勝利瑞柏基金管理合伙人暨投資總監陳建良指,跌市無謂估底,因為根本好難估,亦意義唔大,即使美國通脹回落,聯儲局放慢加息步伐,都救唔到個市。

KL又話,股市要喺谷底反彈,要等一啲「事情」發生,例如今日日圓跌穿146,令央行唔止放慢加息步伐,而係急速增加流動性,到時先可能對大市有影響

【名家給力場】通脹回落已不能阻止金融黑洞...()

https://finance.now.com/analysis/post.php?id=759306&type=309

【名家給力場】通脹回落已不能阻止金融黑洞...()

https://finance.now.com/analysis/post.php?type=309&id=759307

【名家給力場】11月前出現「金融黑洞」?

Now財經台】美國通脹維持高企,聯儲局就不斷加息,希望遏制通脹,主席鮑威爾更直言,不惜犧牲經濟都要繼續加息遏通脹,不過,去到依家似乎仲係遏唔到通脹。

勝利瑞柏基金管理合伙人暨投資總監陳建良指,依家聯儲局因為仲未遏制到通脹而繼續加息,而今年係加息加得最急嘅一年。根據通脹馬力,聯邦基金率應高於通脹預期2厘,同埋要維持兩年先可以遏制通脹。現時美國通脹屬於結構性通脹,而非需求性通脹,如果美息維持喺4厘至6厘,會對能源及金融業有負面影響,睇返美國10年期債券下跌幅度,今年債價跌咗約17%,係歷年最多,即代表加息加得好快,令金融機構喺穩定資產及負債之間更難取得平衡。

KL又話,負財富效應可以遏制通脹,但喺需求急跌下,可能會出現金融黑洞,更唔排除會喺11月出現,因此,未來要密切留意市場情況。

【名家給力場】11月前出現「金融黑洞」?()

https://finance.now.com/analysis/post.php?id=756216&type=309

【名家給力場】11月前出現「金融黑洞」?()

https://finance.now.com/analysis/post.php?type=309&id=756217

 

 

【銀色債券2022】(配發結果) 8月23日起開始認購 保底4%息率+派息日期

大家好!漁得水又跟大家見面!

政府宣佈新一批的銀色債券將於914日公開發行,年滿60 (1963年或之前出生)或以上的香港居民可認購是次銀色債券。在現時不確定的金融市場環境下,政府發行的銀色債券能為年長居民提供更多穩定的投資產品。第七批銀色債券保底息率4%,目標發行額為350億港元,政府會視乎市場反應酌情將其提高至最多450億港元。

【名家給力場】公用股殺完後,香港電訊板塊是否穩陣?

Now財經台】港股繼續陰乾式向下,不過,香港電訊(06823)及數碼通電訊(00315)股價今年逆市靠穩,股息率仲有7厘,投資者係咪可以考慮買本地電訊股避險?

勝利瑞柏基金管理合伙人暨投資總監陳建良指,2隻電訊股最新公布嘅業績都幾靚仔,撇除補就業計劃補貼仍有增長,加上成本唔太受息口及能源價格影響,似乎都係穩陣之選。

不過,市場低估咗一個風險,就係經濟下行時,行業可能會爆發價格戰。

KL預期,電訊商短期會爆發價格戰,又指消費者喺經濟差時會「慳啲使」,或「轉會」至較平嘅電訊商,而近期嘅手機銷售數據都呈下跌趨勢,意味即使電訊商成本穩定,未來收入亦可能會跌。

陳建良續指,5G喺香港逐漸成為主流,電訊商為咗搶佔市場份額,好可能會用低價吸引新客上台,以及同舊客續約,到時盈利就會壓縮得好快。

佢又指,若電訊商真係爆價格戰,低價嘅上台合約起碼為期23年,意味盈利起碼受壓12年,電訊股息率又追唔上美國加息速度,所以買嚟收息抗通脹係唔成立,因此,投資呢個板塊前要諗清楚。

【名家給力場】公用股殺完後,香港電訊板塊是否穩陣?()

https://finance.now.com/analysis/post.php?id=753290&type=309 

【名家給力場】公用股殺完後,香港電訊板塊是否穩陣?()

https://finance.now.com/analysis/post.php?type=309&id=753291