【Now財經台】今日(28日)係港股11月最後一個交易日，恒生指數喺月結日反覆向下，繼續受制26000關，至於美股11月走勢同港股差唔多，截至昨日(27日)止，標指今個月僅微跌0.4%，但科技股走勢轉差，點睇港股及美股12月嘅表現？ 勝利瑞柏基金管理合伙人暨投資總監陳建良估計，美國聯儲局12月減息後，大市就會穩定返，到時可以再夾返上去，如果下次議息會議前冇特別新消息傳出，估計美股會輕微反彈。 港股方面，KL指出，依家市場關注科技股現金流多過前景，同埋擔心內地科技股進步得太快會引爆「內捲」，令呢啲公司好難有錢賺，喺暫時未有明確方向前，港股可能要再橫行多一段時間。 【名家給力場】港股12月或繼續橫行(上) https://finance.now.com/analysis/post.php?id=950700&type=309 【名家給力場】港股12月或繼續橫行(下)
2025 年即將結束，全球經濟充滿變數：AI 技術迅猛發展？邊類型公司會是贏家或者輸家？香港樓市在政策調整下有沒有復甦跡象？而美元走勢受美聯儲政策與地緣政治影響，預期將出現重大轉折。知名投資機構加大對 AI 相關股票的配置，但會否也是泡沫？若美國因衰退而進入減息周期，對各類資產價格又會帶來什麼潛在影響？與以往周期有何異同？指數波動加劇，投資者必須及早布局應對。 面對 2026 年的投資變局，您準備好了嗎？立即報名參加這場免費網上研討會，深入剖析「AI 贏家與輸家」、「香港樓市觀察」以及「美國減息周期何去何從」，助您掌握關鍵策略與先機！ 名額有限，報名從速 !! 研討會詳情如下: 時間: 2025 年 12 月 10日（星期三）︱晚上 21:00 - 22:30 (香港時間) 地點: 網上 Zoom 進行 人數: 500 人 只此一場，免費報名參加 : https://insight.stockfisher.com.hk/202512webinar
【Now財經台】騰訊控股(00700)昨日( 13日)交咗份靚季績，第3季賺逾631億人仔，當中以遊戲業務增長最標青，遊戲收入按年升15%，海外更按年急升43%，首度突破200億人仔，但值得留意係，集團資本開支減少，高盛估計，係同晶片供應有關，而騰訊亦下調全年資本開支指引，集團人工智能 ( AI )策略係咪有變？ 勝利證券首席顧問陳建良指，騰訊本身唔需要咁多資本開支，因集團已經有一個完整嘅微信生態圈，遊戲、廣告、社群、支付等功能集於一身，騰訊嘅AI發展有「後發先至」嘅優勢。 KL又話，依家因為GPU缺貨先導致市場瘋搶，就算騰訊遲啲先買GPU，仍可以做到強勁嘅產品，市場唔需要擔心騰訊嘅能力，佢又估計，騰訊股價有力跑贏恒生指數。 【名家給力場】騰訊AI發展有「反先」優勢 ( 上 ) 【名家給力場】騰訊AI發展有「反先」優勢 ( 下 )
【Now財經台】港股踏入9月持續強勢，恒生指數已升至逾4年高位，今朝(12日)大幅高開逾450點後，升幅一度擴大至近500點，高見26585點。星展最新上調恒指12個月目標至28000點，又話喺最牛嘅情況下，恒指有望升至30500點，但有3個前提，就係更明確基本面穩定跡象、更強刺激政策，或有更充裕流動性。恒指係咪有力再上？ 勝利證券首席顧問陳建良指，現時全球大部分機構投資者都低配A股及港股，若恒指升勢持續，將會吸引一批原本冇留意A股及港股嘅資金流入。佢又估計，恒指將逐步推升，但如果升得太急，例如1個星期升逾1500至2000點，投資者就要小心大市可能會出現大調整。 【名家給力場】港股或因一個情境出現大調整(上) https://finance.now.com/analysis/study.php?topicId=3&newsId=940558 【名家給力場】港股或因一個情境出現大調整(下) https://finance.now.com/analysis/study.php?topicId=3&newsId=940559&c=
【Now財經台】「人形機械人第一股」優必選(09880)日前宣布奪得一份2.5億人仔嘅合同，刺激股價大升，但其實公司仍蝕緊錢，點睇內地機械人概念股前景？呢類股份係咪值得投資？ 勝利證券首席顧問陳建良指，中國發展機械人絕對有優勢，製造機械人需要好多雷達及感知組件，而雷達等相關零件被中國壟斷，量產雷達自然令價格大幅下跌，對呢啲企業有利，中國生產製造機械人元素嘅供應鏈非常完整。 KL又話，昨日(4日)機器人相關股下跌，主要係中央壓制投資者對A股熾熱氣氛，雖然機械人產業長遠會發展得好，但依家唔係追入好時機，佢建議，想增加港股配置嘅投資者，可以留意一啲估值平或「中特估」概念股。 【名家給力場】機械人概念股未到追入好時機(上) 【名家給力場】機械人概念股未到追入好時機(下)
