【Now財經台】阿里巴巴 (09988) 昨日(20日)派咗一份亮麗嘅季度成績表後，股價升勢持續，今日( 21日)一度飆近15%，迫近140元關口，首席執行官吳泳銘指，未來3年會大增人工智能 (AI)嘅投入，睇返股價表現，市場除咗滿意呢份成績表外，相信亦睇好集團AI發展前景，係咪都唔怕高追？此外，嗶哩嗶哩( B站)(09626) 上市後終於首次實現季度盈利，股價前景係咪都可以睇好？ 勝利瑞柏基金管理合伙人暨投資總監陳建良認為，阿里業績都算交到貨，由於集團喺AI方面投入咁多資金，依家阿里旗下通義千問及DeepSeek喺大型語言模型相對較領先，加上阿里受惠於電商呢棵搖錢樹，所以市場會對阿里較有信心，繼而憧憬阿里嘅AI發展，但佢又認為，投資者唔應該高追阿里，宜等股價回落返先再做部署。 B站方面，KL覺得公司錄得盈利，除咗動畫方面受惠於AI，亦同Z世代用戶有關，因為隨著Z世代用戶成長，佢哋嘅消費力提升會帶動B站遊戲業務盈利，不過，同阿里情況一樣，B站股價已升咗唔少，因此，投資者宜等股價回調後再入手。 【名家給力場】陳建良:ATMXJ 將會有新名(上) 【名家給力場】陳建良: ATMXJ 將會有新名( 下)
