「股市漁夫」創辦人莊志雄指，呢個傳統資產配置做法，已維持咗幾十年，可以話經得起時間考驗，但就有個死穴，就係當通脹失控，美國聯儲局要大手加息時，股債好大機會同時跌，而組合因為有債券就會跑輸。

Lewis又話，睇返2008年，相比100%揸股票，呢個配置組合嘅抗跌力的確高啲，由於通脹喺未來幾年，甚至10年都好難控制，所以呢個新組合有參考價值，但未必可以完全照炒照跟。

佢續指，今年半導體及能源板塊表現特別好，可以話撐起咗成個美股，冇咗佢哋美股好難破頂，而當通脹惡化時，能源股可以幫到手，功能同債券好相似，就係當跌市時幫手撐住個組合，有防禦功能，而兩個板塊輪流升，加上有基本因素支持，新組合今年係做到效果。

【名家給力場】拆解「半導體+能源」新配置策略(上)

「股市漁夫」創辦人莊志雄指，布油及紐油年初至今做得最好，前者已累升近80%，依家喺高位整固，似乎跌返落90美元水平機會唔大，不過，仍預期遠期原油不久將來會回落。另一方面，市場一開始相信戰事會喺短期內解決，依家拖下拖下兩個月都未搞掂，要留意住市場會唔會突然price in咗呢樣野。

喺呢個情況下投資又好、做交易又好，佢訧話，油相關嘅就比較易trade，油服股交易所買賣基金(ETF)表現相對穩定，雖然1月、2月升得急，但3月細幅度調整後又再破頂，跑贏其他ETF，而半導體估值已經去到非常高水平，市盈率(PE)45倍。

佢續指，睇返石油煉油業裂解差價，依家56至57美元水平，而年初不足20美元，代表煉油商賺多過1倍利潤，所以20倍PE其實係好低水平，亦係有基本因素支持嘅表現，高價格差有高盈利亦反映油需求殷切、供應緊張嘅原因。

【名家給力場】戰亂下油服股ETF最穩定(上)

美銀最新報告指出，美元正面臨「買家罷工」（buyers strike）。主要原因包括美國實施高關稅、威脅結束北約，以及OPEC石油美元體系受到挑戰等多重因素。外國投資者對增持美國資產的意欲明顯下降。目前外資已持有20萬億美元美國股票、10萬億美元美國國債及5萬億美元美國企業債，卻要為美國高達39萬億美元的總債務及每年1.2萬億美元的利息支出提供資金。在聯儲局面臨減息壓力的背景下，美國決策者最終可能選擇讓美元走弱，而非容許國債收益率大幅上升以吸引外資流入。本集將深入討論美元走弱對全球資產的影響，以及投資者應如何調整配置，以對沖美元貶值風險。

「股市漁夫」創辦人莊志雄指，呢個係最重要嘅問題，一直都話特朗普好大機會TACO(縮沙)，之後就要睇伊朗嘅反應，要睇霍爾木茲海峽通航情況，基本上喺特朗普TACO前，見到伊朗襲擊鄰國嘅次數係明顯少咗，4月初講緊每日逾百次嘅攻擊，4月7日已減至43次，針對科威特嘅攻擊更加係零，之前其實係主力攻擊科威特，的確係有啲收斂，不過，要通航唔係少次數，而係要零，呢方面真係要睇美伊傾成點。

Lewis又話，依家兩邊都唔想打，各有各嘅講法及宣傳，雖然依家不明朗因素少咗，但要通航就言之尚早，依家最重要除咗留意通航情況，亦要睇住博彩市場，如果4月30日之前復常，大約係50%，但佢認為要重返正常情況就好難，因為...

【名家給力場】霍爾木茲海峽通航好難復常？(上)

「股市漁夫」創辦人莊志雄指，上星期都講過，最重要睇住10年期債息，其實一直都講緊，如果去到4.3厘至4.5厘，意味特朗普有TACO(縮沙)壓力，美國借咗咁多錢，總債務高達40萬億美元，當中10萬億美元要喺未來1年續期，所以佢唔可以比債息扯得太高。

Lewis又指，去年「解放日」之後，特朗普TACO最主要水平係4.5厘，今年初TACO水平係4.3厘，今次佢企硬咗一陣，但去到4.5厘前，佢已經TACO，依家好嘅地方係，伊朗態度冇咁強硬，特朗普話明日有嘢宣布，咁啱係「解放日」一周年，佢似乎好睇重呢兩件事，問題係個爛攤子就留咗喺中東，霍爾木茲海峽(Strait of Hormuz)係咪可以好似之前咁全開，2000萬桶石油運輸復常，佢估計，未來1年都好難，但情況係比之前好咗，可能有1000萬桶通過到海峽，需要由中東進口石油嘅國家，除咗要畀高油價，亦唔夠石油用，呢啲國家有機會影響返當地經濟。

【名家給力場】特朗普最睇重兩件事(上)

「股市漁夫」創辦人莊志雄認為，特朗普始終係一個生意人，每個舉動都會考慮到債市及股市，現時10年期債息處於4.3厘及4.5厘嘅關鍵水平，市場都憧憬美國及伊朗有偈傾，所以10年期債息有機會進一步回落至4.3厘。

佢續指，特朗普依家TACO會令多國投資者重新檢視係咪仲要買咁多美債﹐還是轉買資源比較好，而昨晚(24日)2年期美債拍賣反應係3年以來最差，呢個正正係主要原因。

Lewis續稱，聯儲局過往會參考2年期債息去做決策，現時已經高過聯邦基金利率，代表市場現正向聯儲局發出「加息」訊號。佢認為，當經濟周期向下，聯儲局又加息，就好似疫情前聯邦基金利率高於消費物價指數(CPI)嘅情況，令市場出現一個負實質利率，甚至經濟陷入衰退，加上市傳聯儲局內部認為失業率及通脹會持續上升，會帶嚟一定滯脹(Stagflation)風險，最終或對市場造成嚴重嘅負面攻擊，拖累美國甚至環球經濟。

【名家給力場】市場向聯儲局發出「加息」訊號？(上)