文章分享

【名家給力埸】美股「股災月」勢危?

【Now財經台】聯儲局下星期就會議息,焦點必定落喺局方會唔會宣布減買債,因為有可能推冧美股,繼而殃及港股?

勝利瑞柏基金管理合伙人暨投資總監陳建良指,美股今年已9次跌穿50天線,但之後都會創新高,最近4次都好接近期權結算日,大市都係先跌後升,但今次未必會咁行。

KL又話,美股前幾次波動,都係連跌後連升,但今次跌足6日先升返1日,依家仲繼續跌緊,踏入10月呢個傳統股災月,加上就快議息,可能令美股走勢進一步轉差,因此,美股唔單止危過港股,美股一跌,港股都可能跟跌。

 

【名家給力場】今季要睇實呢個板塊

 
「股市漁夫」創辦人莊志雄指,可以睇下恒指及200小時移動平均線圖,中港股市8月反彈後行人止步,但去到9月初,恒指升穿咗200小時線,反映市況有明顯改善,有機會補返7月底嘅裂口,到時先可以衡量恒指會唔會繼續升。
 
Lewis表示,高估值嘅科技股重創後砸住大量蟹貨,即使板塊反彈到蟹貨區,亦好容易畀蟹貨頂住而升唔到,甚至要倒跌。不過,低估值嘅建築及建材板塊過去1個月表現突出,其中,中國建築國際(03311)更升逾38%,加上8月歐洲現物料同機械短缺,將會推高價格,Lewis話未來幾個月可以多啲留意呢個板塊。
 
 

【名家給力場】美股隱現炒滯脹味道?

【Now財經台】美股上個月不停破頂,但一啲強勢板塊喺8月底嘅Jackson Hole年會前後,出現咗一啲「微妙」嘅變化? 

「股市漁夫」創辦人莊志雄指,會議前後分別好大,之前講過由6月30日開始到8月中,即上個星期開會前,美股係一個打防守嘅格局,例如公用股跑贏標指,其實都係延續第2季嘅表現,但上星期開會前夕,聯儲局官員出嚟講嘢,令市場出現一個好大變化,以上周一開始至噚晚收市計,已經唔打防守,防守工具如公用股、長債都要跌,但商品類嘅嘢就升咗好多,商品指數仲跑贏納指,最奇怪係連金銀指數都升,聯儲局講咗暫時唔會「收水」,市場理應risk on,但金銀指數都升,反映唔係risk on咁簡單,依家呢種狀態有啲炒滯脹嘅味道。

https://finance.now.com/news/post.php?id=681373

https://finance.now.com/news/post.php?id=681374

【名家給力場】美股下一浸沽...

【Now財經台】舊年受疫情影響,經濟玩法已經唔同晒,科網股成為疫情受惠股,近期喺香港上市嘅科網股畀監管風暴打殘,但美國科網股就似乎冇呢個問題。

「股市漁夫」創辦人莊志雄指,其實美國科網股都有呢個風險因素,因為呢啲公司係最賺錢,遲早會同佢哋分利潤,而美股唔會對呢啲風有即時反應,依家投資者一窩蜂衝入去買科網股,因為睇住指數喺咁升上去,要「搵掟匿」就一定係呢啲大市值股,但要減倉時係咪又最難?因為其他啲股份已經沽到穿咗200天線,下一浸沽就一定係仍然喺200天線樓上嘅股份。

Lewis又話,其實美國有好多泡沫已經爆破,「契媽」啲ETF係其中一個泡沫,同埋之前炒得好顛,以及好多衝去炒美股嘅香港散戶炒嗰啲,其實已經反彈完,「下一隻腳」就快出現,投資者一定要留意,因為...

https://finance.now.com/news/post.php?id=678050

https://finance.now.com/news/post.php?id=678051