「股市漁夫」創辦人莊志雄指，要通航應該仲有變數，美國總統特朗普(Donald Trump)所講，其實同伊朗嘅回應有分歧，佢認為6月底前，唔好隨便聽信雙方嘅說話，更多應該睇博彩市場嘅賠率係點。

Lewis又話，如果霍爾木兹海峽到7月、8月都仍未復常，對運油及鍊油設施會有影響，市場對復航嘅諗法係中性向好，雖然認為美伊雙方周五(19日)成功簽訂協議，但認為簽完要復航嘅機會就只得57%，要加倍留意賠率嘅變化。

油價方面，佢就話，依家有水雷失蹤，即使之後開通，船隻亦未必願意過，令通航時間再耐咗，如果7月仍然未通，油價會上到100美元，如果完全通航，就會落返80美元以下，但以目前情況估計，油價都會繼續喺70美元至80美元區間上落。

【名家給力場】海峽係咪順利通航睇實博彩賠率 (上)

「股市漁夫」創辦人莊志雄認為，依家美伊都認為可以拖到對方讓步，現時有個講法叫「Peace on」、「Peace off」，如果和平協議有得傾就係「Peace on」，咁個市就會升，冇得掂或談判有阻滯就「Peace off」，咁個市就會有震盪。

Lewis認為要傾掂數唔容易，但石油庫存持續減少，而庫存方面要留意一樣嘢，唔係減到零先唔Work，其實庫存要Keep住有70%至80%，一旦低過呢個水平，會對好多油管、煉油設施、運油設施有影響，雖然依家全球都冇一個單一明確數字，去定義極低庫存，但有唔少分析指，困存嘅石油包括管道、抽唔出嘅油、在運途中嘅油等，都要Keep住有70%至80%。

佢續指，如果以之前嘅水平為例，當係一個正常水平，即全球庫存約80億桶，若70%至80%，即跌到約62億桶就會有問題，據IEA(國際能源總署)及滙豐嘅預測，去到第4季就會Hit到呢個水平，到時就會好麻煩，佢認為，市場依家對呢個問題過分樂觀，因為...

【名家給力場】市場輕視石油庫存危機？(上)

「股市漁夫」創辦人莊志雄指，目前動力非常誇張，今年動力股喺大部分時間都跑贏低波幅股，但跑贏幅度已經偏離趨勢線5個標準差，係非常罕見嘅現象，以往出現類似偏差後，市場都會自動修正，例如2008年6月指數同樣偏離極遠，隨後下半年爆發金融海嘯，動力股跑輸，當時個股沽空比例都係好高，同現時市場狀況相近，相似情況亦出現喺2021年的「契媽」熱潮，但現階段好難預測大市幾時會正式掉頭。

Lewis又話，嚟緊可以留意幾個大日子，包括下周三(10日)美國將公布消費物價指數(CPI)，要留意今次會唔會突破4%，另外下周五(12日)SpaceX預期上市，相信會吸引龐大資金，早前被熱炒嘅半導體及儲存股，隨時有機會因資金流走而轉弱。

佢又補充，歐洲央行及日本央行將會喺下周四(11日)及6月16日公布議息結果，可以留意加息幅度會唔會超出市場預期，或反映環球央行開始收緊抗通脹，同埋6月17日，新任聯儲局主席沃什(Kevin Warsh)將會公開發言，可會關注其言論會唔會釋放收緊貨幣政策嘅訊號。

【名家給力場】美股動力股響「警號」？(上)

「股市漁夫」創辦人莊志雄指，若美國長債息升穿6厘係好大件事，佢估計，美國總統特朗普(Donald Trump)唔會畀呢樣嘢發生，必要時可能會迫聯儲局做Yield Curve Control，即係在市場買入美國長債，但睇返做Yield Curve Control最勁嘅日本，現時30年長債已升穿4厘，犧牲咗日圓及國民購買力，反映Yield Curve Control都唔係咁work。

Lewis又話，可以留意美債期權波動率指數(MOVE Index)，反映整個債市引伸波幅，index抽升就知個市有麻煩，例如2023年矽谷銀行倒閉和2025年嘅「解放日」，而2日前，期權到期日後，MOVE index升穿80警戒線，市場再次提起能源價格，正如先前提及，6月係個危險嘅時間，霍爾木兹海峽(Strait of Hormuz)唔開通，逾千萬桶石油無辦法輸出，唔夠油用令煉油廠有壓力，油價高企，債息和通脹抽升，央行之後可以做嘅嘢有限。佢建議，留意嚟緊MOVE index變化。

【名家給力場】美股有冇「麻煩」睇MOVE index(上)

「股市漁夫」創辦人莊志雄指，因為最近多咗美國價值投資者，同埋一啲大戶基金重新審視A股市場，如果貨幣每年穩定升值5%至6%，都唔使話股價升，單係股息回報夾埋已有10%，對外國投資者有一定吸引力。

Lewis又話，除非今次會面傾唔埋欄，如果最後結果出到嚟係正面嘅，相信會吸引更多資金流入A股，因為留意到A股近期表現唔錯，年初至今滬深300指數更跑贏標普500指數，未計股息收入A、H股收益已高過美股。

美股方面，佢又話，依家面臨有泡沫，整體經濟唔可能只由一個產業撐起，對比以往科網、石油泡沫爆破位約30%，半導體已經佔23%，更何況佢只係科技當中一個次產業(Subsector)，下面仲有唔少分支，要睇今次泡沫爆破嘅觸發點係咩，同埋留意6月呢個時間點。

【名家給力場】小心美股半導體泡沫6月爆破(上)

「股市漁夫」創辦人莊志雄指，呢個傳統資產配置做法，已維持咗幾十年，可以話經得起時間考驗，但就有個死穴，就係當通脹失控，美國聯儲局要大手加息時，股債好大機會同時跌，而組合因為有債券就會跑輸。

Lewis又話，睇返2008年，相比100%揸股票，呢個配置組合嘅抗跌力的確高啲，由於通脹喺未來幾年，甚至10年都好難控制，所以呢個新組合有參考價值，但未必可以完全照炒照跟。

佢續指，今年半導體及能源板塊表現特別好，可以話撐起咗成個美股，冇咗佢哋美股好難破頂，而當通脹惡化時，能源股可以幫到手，功能同債券好相似，就係當跌市時幫手撐住個組合，有防禦功能，而兩個板塊輪流升，加上有基本因素支持，新組合今年係做到效果。

【名家給力場】拆解「半導體+能源」新配置策略(上)