【Now財經台】阿里巴巴(09988)昨日(20日)收市後派咗第2季成績表，經調整純利按年跌38%，差過預期，資本開支按年及按季都大升，不過，阿里美國預託證券(ADR)昨晚先跌後升，阿里港股今日(21日)開市早段一度升近3%，高見129.8元，但之後走勢逆轉，曾倒跌3.7%，點睇阿里放榜後港美股價表現？ 勝利證券首席顧問陳建良指，市場喺業績前已偷步做部署，由於依家市場資訊愈來愈發達，投資者一上網就可以搵到唔少資料，令市場對業績有一定預期估，美股及港股都有呢個情況，所以業績一出，其實股價早已偷步反映晒。 KL估計，未來呢種情況只會愈來愈多，業績已變成「終點」，唔再係「起點」，如果投資者跟業績做反應，可能會畀人夾返轉頭，因此，只能改變玩法。 【名家給力場】炒業績股要轉玩法？(上) 【名家給力場】炒業績股要轉玩法？(下)
【Now財經台】全球首富馬斯克(Elon Musk)旗下SpaceX，今晚(12日)就會登陸納斯達克，呢個史上最大嘅世紀IPO集資額高達750億美元，雖然市場質疑集團估值太貴，睇返以往嘅明星股上市首年，股價都自高位大幅回調幾成，如果散戶想喺上市後買貨，應該點部署？ KL又話，傾向等股價回調之後再買貨，因為上市首日一般都會出現雙位數波幅，投資者情緒好易受影響，如果有擔心，就可以等出咗衍生產品再參與，但相信依家太空相關交易所買賣基金(ETF)，已經喺私人市場慢慢吸納SpaceX，散戶唔需要等SpaceX入指數，應該都會有被動投資者，有封閉性基金(Closed-end Fund)同埋太空相關嘅ETF成為被動買盤。 【名家給力場】等SpaceX上市後回調再買貨？(上) https://finance.now.com/mobile/special/experts/309/article/974382 【名家給力場】等SpaceX上市後回調再買貨？(下) https://finance.now.com/mobile/special/experts/309/article/974386
勝利證券首席顧問陳建良指，有分析指，買SpaceX就好似10幾年前買比特幣(Bitcoin)，一係輸晒，一係升幾百倍，以往嘅明星股上市後跌得比較多，係因為之後出現咗明顯競爭對手，甚至替代公司，KL估計，SpaceX上市首日股價好大機會升，但由於市值大，唔會一開市就倍倍聲咁升，加上太空概念進入門檻好高，市場上暫時搵唔到第2隻同類股份替代，佢預期，SpaceX之後好大機會可以發展到好似人工智能(AI)般大嘅概念，所以唔使太擔心，但就要留意呢類股份好易受個別事件影響。
