【Now財經台】恒生指數今年暫時累升近21%,雖然第2季經歷過4月美國總統特朗普(Donald Trump)突然發動關稅戰,以及中東局勢急升溫,但單計第2季,恒指仍升5%,點睇下半年走勢?邊啲股份買得過? 勝利證券首席顧問陳建良指,美國關稅戰仍然唔明朗,而中國制定嘅經濟措施就要睇關稅戰嘅發展,佢估計,恒指第3季將會維持「慢升急跌」格局,導致長線資金要繼續坐貨,但反而對港股有利。 KL又話,恒指第3季有機會見25000點,又話二、三線股可能會跟住唔同主題炒作,尤其係二線科技股及個別醫藥股。此外,亦可以留意第2季表現唔好嘅股份,例如電動車股,當唔同主題輪流炒嘅時候,呢啲股份有機會受惠。
第三季部署應該留意非指數成份股 (上)
https://finance.now.com/analysis/study.php?topicId=3&newsId=928108&c=
第三季部署應該留意非指數成份股 (下)
https://finance.now.com/analysis/study.php?topicId=3&newsId=928109&c=
在當前市場,人人睇住關稅股市反彈, 其實投資者最應該關注的是國債市場. 上一次美元國債比下降評級時, 就引發歐債危機, 呢次評級下降不到兩日, 就輪到日本國債缺乏需求. 如果美國30年期國債, 息率升到5%以上,全球資本市場可以再緊張起來。現時追買係唔會考慮。 【Now財經台】三生製藥(01530)昨日(20日)日公布,同輝瑞(Pfizer)簽獨家許可權,而輝瑞有機會入股三生製藥,刺激三生製藥股價急升。個別藥股有正面消息利好整個板塊投資氣氛,內地藥企有一定水平,又有成本優勢,連外資都睇中,內地醫藥業前景係咪可以繼續睇好? 勝利證券首席顧問陳建良認為,內地人口老化問題令醫藥需求增加,而人工智能(AI)協助開發新藥,逐漸取代進口藥物,因此,內地醫藥股長遠前景值得睇好。佢又指,現時唔少國家都傾向購買較平嘅內地藥物,令內地藥企攞到更多出口生意。 不過,KL認為,內地生物製藥股或創新藥股嘅portfolio唔及外國公司,而內地藥企又要持續面對內捲問題,令投資者會較難預測藥股走勢。佢提醒,對藥股有興趣嘅投資者宜打散嚟買,佢相信未來整體藥股嘅市值膨脹機會仍然好高。 【名家給力場】陳建良:藥股宜「打散」買(上) https://finance.now.com/news/post.php?id=922048&type=analysis 【名家給力場】陳建良:藥股宜「打散」買(下) https://finance.now.com/news/post.php?type=analysis&id=922049
【Now財經台】阿里巴巴(09988)上季收入按年增長逾6%,經調整EBITDA就按年增長逾35%,其中,淘天客戶管理收入(CMR)按年增長12%至710億人仔,好過預期,阿里股價今日(16日)顯著受壓,一度重挫6.6%,險守120元,到底業績出咗咩問題? 勝利證券首席顧問陳建良指,阿里第4季業績收貨,其中,電商業務表現唔錯,但電商盈利增速反映內地經濟及消費趨勢仍需時解決,亦要面對競爭對手京東集團(09618)、美團(03690)及拼多多嘅補貼搶客,加上市場對人工智能(AI)投入及業績期望過高,又擔心電商業務可能會受美國小額包裹關稅影響,呢啲都反映喺股價上。 KL認為,阿里AI業務未來會受惠於阿里雲增長,但由於阿里雲佔比較細,僅約10%,依家佔比最大仍然係電商,因此,阿里需時修復估值。 【名家給力場】阿里修復估值仍要靠電商?(上) 【名家給力場】阿里修復估值仍要靠電商?(下)