經濟

【名家給力場】部署通脹睇實呢個指數

 
「股市漁夫」創辦人莊志雄指,如果睇返一啲調查,普遍認為通脹只係暫時性,但睇返佢哋嘅倉位又係另一回事,高資產值人士揸債券嘅比重約18%,係歷年來最少,過往平均比重約27%,亦睇到個比重係一路跌緊,如果認為通脹只係暫時性,比重應該係會維持,反映佢哋睇通脹唔係暫時性。
 
Lewis又話,部署通脹可以留意道瓊斯交通指數,因為可以預先睇到後市方向。
 
 

【名家給力場】港股上衝最後一根稻草

【Now財經台】港股今年開局相當強勢,喺北水瘋狂掃貨下,由年初27000點水平殺上噚日嘅30000點,雖然企唔穩,但已累升超過3000點,大市今日繼續調整,後市會點走?

長證國際資產管理部董事總經理陳建良認為,港股第一季會出現倒V情況,投資者現時應諗下減持邊啲股份,而並非見北水湧入就跟住買。去年11-12月應該就是需要勇進的時候。如閣下依家先湧入嚟,風險肯定唔同咗。加上有好多不確定因素,例如中美關係等等,是沒有任何根本性改變。除非大市出現大調整後,才有機會真正再創新高。否則,估計恒指大有機會喺現水平倒V回落。