「股市漁夫」創辦人莊志雄表示，若單看指數，情況係好正面，但其實美股市寬好差，逾60%股份低於50天線，港股都接近60%，大部分股票都因為加息受壓。佢又認為，市場變得兩極化，而加息壓力仍未完全消化，資金重新集中買入有增長故事、人工智能(AI)背景嘅股票，半導體股例如AMD、英特爾(Intel)，股價過去1周升得好厲害，反映投資者相信AI嘅盈利增長及未來生產力，可以抵銷高利率壓力。

Lewis又話，參考過往7次加息，加息後3個月股市都要跌，不論平均回報還是中位數回報，不過，今次納斯達克100指數ETF(Invesco QQQ)短短1周累升6%，值得留意係，喺正常情況下，如果美元走強，新興市場就會跌，但當周新興市場整體累升約5%。

【名家給力場】美科技股回勇有咩啟示？(上)

當Nasdaq不斷創新高，人工智能、企業盈利及資本開支成為市場主旋律，投資者自然容易相信升市仍有基本面支持。不過，真正值得留意的，未必是指數去了哪裏，而是市場內部究竟發生了甚麼.........

第二階段股票僅三十多隻，新訊號不多。反向ETF出破後仍錄正回報，反映市場不穩。金融及醫療保健相對較多第二階段個股，恒生生科ETF在通道中性區，可作觀察。七月底至今訊號以紅為主，顯示市況未準備好，不宜硬做。九月、十月屬傳統淡季，宜多看幾個星期，等待更多正回報訊號確認。

好淡並存：Mag7升穿70、暫時受加息影響有限，並自六月底跑贏標指；惟銀行股跌破頭肩頂頸線，美匯轉強，油價仍企穩100美元之上。金價在50%回調位守穩。商品（Plan C）續領先，銅、金、鋼鐵及能源陸續有訊號，但新Q訊號尚未轉綠，屬反彈而非趨勢確認。九月、十月仍宜謹慎。

「股市漁夫」創辦人莊志雄指，當前局勢完全冇改善，沙特8月產量已係1990年以來最少，雖然美國話幾日內可修復受損輸油管道，但亦有人估計要停運5至6周，國際能源資訊署(IEA)已警告，2026年全球原油日供應會減少近600萬桶，唔止影響供應，亦會影響埋需求，依家油價企喺100美元樓上，IEA將2026年原油需求下調至每日減少250萬桶，反映高油價引發需求破壞，令消費者開支緊縮。

此外，美國原油庫存爆冷大增逾700萬桶，反映當地實體需求受損，而高度依賴紅海重要港口延布(Yanbu)嘅歐洲，冬季能源價格或受到重大衝擊，現時確立咗全球供應鏈極度緊繃及脆弱嘅結構，並非短時間內可以解決。

Lewis又話，最近油價同債息嘅1個月滾動相關性升至0.96，即油價每升1美元，長債息就升1至2個基點，呢個情況並唔常見，如果兩者唔能夠盡快脫鈎，加上胡塞武裝控制紅海關鍵島嶼，油價恐進一步推高債息。

佢認為，聯儲局今晚(16日)加息0.25厘已係市場共識，重點在於會後聲明會否展現偏鷹言論以壓抑市場需求，先有望壓住債息，並打破油價主導債息嘅關係。

【名家給力場】油價會繼續Lead住債息？(上)

九月加息機會已達八至九成。運輸與工業股跌破解放日起步的上升軌，市寬跌穿40%，超過六成美股失守50天線。銀行股尚未轉弱，暫屬黃燈。能源仍是真正領袖板塊，惟商品指數已近通道頂，超配者宜再平衡。標普與恒指同處中軸之下，本週尚有FOMC及期權結算，投機倉應收斂，等待政策明朗。

喺香港，講市寬最有系統、最常被引用嘅權威來源之一係股市漁夫。創辦人莊志雄博士把海外技術分析常見嘅工具，變成香港投資者可以日日對照嘅語言；中文譯名「市寬」亦係由佢想出。面對市場，唔好淨係問「指數升咗未」，而要問「市寬幾多」。

港股權重集中，幾隻大股郁一郁指數可以好靚，但中小型股、主題股、收息股可以完全唔同方向。記住三個畫面：市寬同指數一齊向上，升勢較闊；指數創新高但市寬下跌、出現**背馳**，喺股市漁夫框架入面會視為黃色警報；市寬持續偏弱，風險管理往往比追標題更重要。

市寬唔係水晶球，亦唔係即禁買賣掣——佢最有價值嘅，係改你問問題嘅方式。想重溫原講法，可以睇返莊博專文《什麼是市寬》：

00:53：10年美債逼近5厘：市場「幫手加息」同YCC

02:46：M7分化；能源長期高如何鎖死通脹

03:36：美債失避險光環？資金轉商品能源

04:36：啞鈴策略：能源防禦 + AI／半導體進攻

05:41：農產品期權、南美 vs 東南亞

08:03：美股區間偏弱；黃金定價睇咩

10:59：港股內捲同22500：美股跌時相對安全？

【Now財經台】環球長債息同油價一齊向上，美股三大指數連跌，港股亦連跌多日。勝利證券首席顧問陳建良（金Sir）今集由主權債、能源、Nasdaq／M7三條主線拆局。港股22500、內捲同AI只係背景，唔係標題主菜。

金Sir指，聯儲局單靠「口術」壓通脹效果有限，市場自己推高債息等於「幫手加息」。美國10年期債息逼近5厘、長端更高，當局開始用類似孳息曲線控制（YCC）思路，印錢買債，避免金融系統因高息爆破。過去「買美債避險」嘅慣性邏輯，喺佢眼中可能已動搖。主權債唔一定再係安全嘅避風港。

能源方面，短期油價波動未必即刻傳導到食品，但能源價格長期化上升，會推高肥料同食品成本，令通脹更難回落。金Sir預期，能源同資源板塊有機會取代美債，成為新一代避險資產之一。美股科技亦出現明顯分化：M7唔再齊升齊跌，資金喺板塊之間「轉嚟轉去」，似一種美股版資金內捲。納指／半導體可以做組合入面嘅進攻端，但唔宜全倉押注。

實戰上佢提出啞鈴策略：一端能源／資源作防禦，另一端AI／半導體作衝刺。下半場再講到農產品期權同南美（巴西／阿根廷）相對東南亞嘅取捨、美股區間偏弱、黃金受制於美息同大國貨幣錨定，以及流動性一旦收緊時現金同商品都會受壓。港股方面，唔排除進一步下試22500，但內捲嚴重；若美股真係明顯回調，處於相對低位嘅港股反而可能「安全少少」。

【名家給力場】港股10月跌到22500點？(上)

我們特別邀請專家，在這場免費線上研討會中，為你深入剖析：

💡 研討會精華重點：

1.      黃金與商品大解析：急升過後，長線上行空間還有多少？

2.      AI 產業鏈透視： Nvidia 勁爆業績背後，資本開支泡沫隱憂如何影響美股？

3.      宏觀匯市與部署： 9 月美聯儲降息預期 x 日元干預常態化，投資者該如何鎖定勝局？

「股市漁夫」創辦人莊志雄指，環球通脹問題由2020年開始一路向上，如果央行想根治通脹，加息幅度必須高過通脹率1%至2%，但依家各央行都冇呢個決心，純粹靠回購操作等，力度應該唔夠，必須由聯儲局出手，做量化寬鬆(QE)或扭曲操作(Operation Twist)，加上美國總統特朗普(Donald Trump)傾向減息，估計聯儲局主席沃什(Kevin Warsh)都唔會逆佢意，財政部只可以將長債息喺5.3厘水平封頂，力保唔會失守5.5厘，但要跌落5厘以下就好難。

Lewis又話，6月底SpaceX發行250億美元長債後，各大科技巨企都開始加碼，美國30年期孳息率由4.8厘水平飆至5.3厘，依家巨量AI相關債務發行，規模相當於美國每年發債總量70%，呢啲優質債變相係同美國國債爭緊生意，從而出現供求問題。

佢續指，有分析指，大量發債會推高美債約0.3個百分點，例如Google母公司Alphabet發30年期債，孳息率接近6.4厘，遠遠高過美國債券，自然好多投資者都會選擇佢，令整體債券長期融資成本全面提高。

【名家給力場】美債息高企同巨無霸科企發債潮有關？(上)

「股市漁夫」創辦人莊志雄指，招數未必有用，因為宣布嘅效果比較明顯，美國聯儲局主席沃什(Kevin Warsh)剛上任時，喺議息會議發言偏鷹，將2年及30年期嘅息差壓咗落去，孳息曲線平咗，但7月議息會議又放鴿，息差就抽咗上去，令財長要貝森特出手。

Lewis又話，市場默認5.5厘係「死線」，所以依家財政部同聯儲局聯手要「封頂」，但封到個頂，就壓唔到落嚟，要聯儲局幫手做大量量化寬鬆(QE)先可以。

佢提到，聯儲局做QE時會印銀紙，創造新嘅基礎貨幣，然後買入政府債券，呢個係比較中性嘅做法，但依家唔係咁做，因為財政部想改變平均債券個年期，發行國庫券去回購現有嘅長期債券，縮短整體債務年期，都可以釋放流動性。

【名家給力場】美債息好難壓低？(上)

「股市漁夫」創辦人莊志雄表示，美匯指數8月至今跌唔夠1%，同期金價就升咗15%，金礦股更飆42%，Bitcoin價格亦抽升25%，所以話金價升純粹基於美元貶值交易就講唔通。

佢又話，其實第1季已提到減持黃金相關倉位，金價今年見咗高位後，大部分時間喺每盎司4000至5000美元上落，接近4000美元就可以加返少少，不過，現時去返近4700美元，已過4500美元呢個中間位，但唔期望今年會破頂，即使今次將美債回購規模提高1倍，都只係40億美元，同以往美國聯儲局做量化寬鬆以數萬億美元計，相對於整體美債市場喺好細嘅數目。

Lewis又指，市場會憂慮美國政府連通脹都未控制好，會質疑增加美債回購規模係咪針對根本性嘅財赤，所以金價表現係市場向政府發出訊號，增加美債回購規模又唔理通脹，長期係削弱美元、美債地位。

【名家給力場】金價今年難再破頂？(上)

【報告下載】Howard Marks 對AI人工智能的最新看法