「請注意頁底重要聲明」
「永遠不要投資當下」--- 這是我偶像 Stanley Druckenmiller 的名言。成功的投資者應關注未來18至24個月的市場或經濟走向，而非僅對當前狀況做出反應。
2024年的時候，我估計美國FED為了救經濟，最終一定會停QT、減息，甚至可能重啟QE。雖然時間點唔敢話一定係2025年下半年，但我都建議大家早啲部署。當時覺得對沖美元長期貶值風險，最穩陣的工具就係貴金屬同商品相關資產。至於好多人追捧的比特幣，我自認了解仲未夠深入，加上波幅實在太大，不適合放太高比重落去，而且同我持有的美股相關性又高，所以冇乜信心同會員分享。
基於呢個宏觀框架，我建議大家為美元長期貶值做好對沖，主力揀黃金、白銀、金礦股同商品相關ETF做風險資產核心。幸運的是，今年呢個決定真係幫到我和會員賺到超額回報！黃金、白銀、金礦股同鈾ETF全部明顯跑贏標普500，甚至連股王NVDA都追唔上。其中金礦股ETF更加狂升155%！ 不過能源ETF就真係有啲失望，只得7%回報，跑輸大市。
2) 投資非美市場，避開高估值陷阱
年初時我有提過，要留意一啲估值相對低水位的非美市場，包括歐洲金融股、中國科技股、巴西同南韓股市ETF，反而要避開當時專家吹捧但估值貴的印度🇮🇳。結果今年南韓股市爆升98%、歐洲金融股升65%、巴西升46%、中國科技股升25%，全部大幅拋離只升1%的印度！今年再次證明：投資怎可以只睇勢頭（動能），完全唔理估值貴唔貴呢？
3) AI 股，只揀具技術與執行力
講到納指七雄同AI相關選股，我年中時大膽指出，GOOG同TSLA先係最終贏家，仲要留意記憶體股MU，而對META同OpenAI就相對負面，因為覺得朱克伯格同阿特曼喺AI科技嘅理解，始終唔及馬斯克同佩奇咁深厚。半年過去，MU、GOOG同TSLA真係大幅跑贏其他七雄，META下半年更加錄得雙位數跌幅。雖然可能只係巧合，但喺人人吹捧OpenAI嗰陣夠膽講呢啲話，其實都有啲壓力。
2025年漁夫的策略其實偏保守，仍然持有大約兩成現金收3.5-4.5%利息（等緊更好嘅加注時機），否則整體回報應該會再靚啲。不過咁樣做進可攻、退可守，亦有個最大好處：晚晚瞓得安穩。
總括嚟講，2025年真係充滿學習同驚喜，希望未來繼續保持謙虛、穩陣前行，大家一齊加油！🙏
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
