【Now財經台】雖然昨日(29)有強勢嘅內銀股力撐大市，但恒生指數最終又失守23000關，港股喺今日(30日)喺10月最後一個交易日反彈，3大指數升逾1%，港股近期突然大跌，又突然反彈，點睇依家嘅市況？應該點揀股？ 

勝利證券首席顧問陳建良指，現時港股係一個「急升慢跌」格局居多，又認為依家冇乜特別消息，令市場有改觀最重要係跌得太多、超賣得太緊要，所以有返少少Value，就夾返上去，出現「急升慢跌」係因為淡倉累積得太多，就要斬倉先得，如果美股今晚反彈，再夾多一棍就要唞一唞。

KL又話，依家唔建議揀前排睇落走勢好好嘅股份，例如醫藥股，如果要撈貨，可以考慮已經自高位回落超過過60%以上嘅股份，因為係跌得多嘅股份會有多啲彈藥，較大機會反彈或回升。

【名家給力場】港股撈貨「愈殘愈啱」？(上)

在上集《美股一週回顧》影片中，針對圖表有兩處需要更正：

1.  Dec26 係指 2026年12月到期的期權，並非「26號」。

2.  SMH 的 1SD move 應為約 13% 升幅，而非 20%。
（原因：當時應看圖表右側的 Y 軸刻度）

感謝各位留意，抱歉造成混淆。

「股市漁夫」創辦人莊志雄表示，費城半導體指數(SOX)自10月7日見頂回落，顯著下跌，以收市價計，截至10月22日止，已累跌約18%，反而非AI股同期升近6%，原因係唔少非AI股同息口相關，例如屬於防守性嘅必需消費品、醫療及房地產板塊等。

Lewis又話，呢個輪動其實唔太健康，因為資金去咗打防守戰，轉向公用股、收息工具、國債都係趨向保守嘅做法。市寬方面，納斯達克指數自上周五(23日)反彈，但納斯達克指數嘅中線市寬喺上周一(19日)已開始反彈，領先咗幾日，所以，近日市寬的確係有領先指標作用。

「股市漁夫」創辦人莊志雄指，其實依家已經幫緊，不論納指、M7、半導體股、存儲股，喺9月中至10月都有得升，但10月初開始跌，尤其係半導體及存儲股，後者自高位回落逾20%，近期市場最大關注點係企業嘅穩健程度，M7有好強勁現金流一定係穩健，所以見到大型雲端企業股價，過去1個月表現平穩，托住成個指數。

此外，大型雲服務供應商如Coreweave，市場擔心集團財務壓力，CDS升咗好多，表現好差，如果市場依家咁擔心企業穩唔穩健，嚟緊會迎來Anthropic嘅巨無霸IPO，會唔會影響集團上市及估值？

莊志雄就話，其實現在已經有影響，之前SpaceX上市搶咗好多資金，吸咗市場好多水，之前已提及，SpaceX上市後發完債，見到美債息抽高，正正反映吸水嘅問題，據Anthropic上市文件顯示，依家傾緊嘅基建項目涉及7500億美元，絕大部分7至10年內唔可以取消，市場就開始擔心.........

勝利證券首席顧問陳建良認為，今年消費情況差過預期，以汽車銷售為例，一般嚟講，相比農曆新年，黃金周有更多人買車，但睇返內地車企銷售，除咗小米集團(01810)外，其他車企銷售按年都要跌，可能市場對大額消費仍然審慎，所以車股都唔係好升。

內房方面，KL就話，內地喺長假前推出房貸貼息新招，令一、二線城市睇樓人數上升，反映市場認為政策改變，變成心理作用大於實際，只要有需求就可以買。對於最近出現「日光盤」情況，即一開賣就沽清，KL認為，內地只係學咗香港嘅模式，即推盤數量少及提供優惠，所以好快就賣晒。

至於二手成交反映更多投資者有意入市，但實際上樓市係咪轉勢仍言之尚早，不過，最少市場已對樓市冇咁悲觀。

【名家給力場】內地車企成「黃金周」輸家？(上)

「股市漁夫」創辦人莊志雄表示，若單看指數，情況係好正面，但其實美股市寬好差，逾60%股份低於50天線，港股都接近60%，大部分股票都因為加息受壓。佢又認為，市場變得兩極化，而加息壓力仍未完全消化，資金重新集中買入有增長故事、人工智能(AI)背景嘅股票，半導體股例如AMD、英特爾(Intel)，股價過去1周升得好厲害，反映投資者相信AI嘅盈利增長及未來生產力，可以抵銷高利率壓力。

Lewis又話，參考過往7次加息，加息後3個月股市都要跌，不論平均回報還是中位數回報，不過，今次納斯達克100指數ETF(Invesco QQQ)短短1周累升6%，值得留意係，喺正常情況下，如果美元走強，新興市場就會跌，但當周新興市場整體累升約5%。

【名家給力場】美科技股回勇有咩啟示？(上)

當Nasdaq不斷創新高，人工智能、企業盈利及資本開支成為市場主旋律，投資者自然容易相信升市仍有基本面支持。不過，真正值得留意的，未必是指數去了哪裏，而是市場內部究竟發生了甚麼.........

好淡並存：Mag7升穿70、暫時受加息影響有限，並自六月底跑贏標指；惟銀行股跌破頭肩頂頸線，美匯轉強，油價仍企穩100美元之上。金價在50%回調位守穩。商品（Plan C）續領先，銅、金、鋼鐵及能源陸續有訊號，但新Q訊號尚未轉綠，屬反彈而非趨勢確認。九月、十月仍宜謹慎。

「股市漁夫」創辦人莊志雄指，當前局勢完全冇改善，沙特8月產量已係1990年以來最少，雖然美國話幾日內可修復受損輸油管道，但亦有人估計要停運5至6周，國際能源資訊署(IEA)已警告，2026年全球原油日供應會減少近600萬桶，唔止影響供應，亦會影響埋需求，依家油價企喺100美元樓上，IEA將2026年原油需求下調至每日減少250萬桶，反映高油價引發需求破壞，令消費者開支緊縮。

此外，美國原油庫存爆冷大增逾700萬桶，反映當地實體需求受損，而高度依賴紅海重要港口延布(Yanbu)嘅歐洲，冬季能源價格或受到重大衝擊，現時確立咗全球供應鏈極度緊繃及脆弱嘅結構，並非短時間內可以解決。

Lewis又話，最近油價同債息嘅1個月滾動相關性升至0.96，即油價每升1美元，長債息就升1至2個基點，呢個情況並唔常見，如果兩者唔能夠盡快脫鈎，加上胡塞武裝控制紅海關鍵島嶼，油價恐進一步推高債息。

佢認為，聯儲局今晚(16日)加息0.25厘已係市場共識，重點在於會後聲明會否展現偏鷹言論以壓抑市場需求，先有望壓住債息，並打破油價主導債息嘅關係。

【名家給力場】油價會繼續Lead住債息？(上)

九月加息機會已達八至九成。運輸與工業股跌破解放日起步的上升軌，市寬跌穿40%，超過六成美股失守50天線。銀行股尚未轉弱，暫屬黃燈。能源仍是真正領袖板塊，惟商品指數已近通道頂，超配者宜再平衡。標普與恒指同處中軸之下，本週尚有FOMC及期權結算，投機倉應收斂，等待政策明朗。