文章分享

斯坦利·德魯肯米勒指出，當資金充斥市場時，人們會做出愚蠢的決策。當這種情況持續了11年之久時，人們將做出更加愚蠢的舉動。他警告稱，這些潛在問題正在浮現，給經濟帶來了風險.........

「股市漁夫」創辦人莊志雄指，解決辦法只有阻止存款流失，因為存款再流失，銀行只能減少信貸，聯儲局要快速減息先可以阻止存款流失，不過，短期內減息會令通脹落得好快。美國今晚公布嘅6月消費物價指數(CPI)預期會向下，但由於基數效應，7月CPI或掉頭向上，因此，聯儲局下半年好難減息。

Lewis又話，如果銀行可以捱到逾1年，等手上嘅美債到期，就可以轉去投資高息美債，到時就可以加存款息，成功解決問題，但問題係呢啲地區銀行捱唔捱到咁耐，加上根據過往經驗，銀行收緊信貸後，失業率就會飆升，對經濟造成好大壓力。

佢又話，美國依家已經喺衰退邊緣，美國嘅經濟領先指標已跌咗一段時間，市場普遍認為經濟會硬著陸，睇返往績，美股都會跌幾成，甚至一半。

【名家給力場】美經濟難避過硬著陸？(上) :

KL續指，聯儲局資產負債表過去幾日大升，喺依家貨幣政策寬鬆，但唔減息嘅環境下，銀行為吸引存款而加存款息，貸款時亦更審慎，推高利息成本，銀行淨息差將大幅收窄，造成惡性循環。佢又話，銀行唔少抵押資產係國家債券，可能因為聯儲局一直唔減息，要面對貨幣貶值風險，亦對銀行造成財務壓力。

KL又認為，今年不宜沾手歐美金融股，並預期整個金融業將會信貸收縮，引發美國樓市爆煲，持有唔少國債投資嘅保險公司將續受加息影響，更嚴重嘅情況係，某啲中型國家嘅國債會出事。

【名家給力場】救歐美銀行業實將急性病變慢性重病 (上)

「股市漁夫」創辦人莊志雄指，投資者真係唔好跟車太貼，市場普遍睇利率期貨去做加息預測，如果過去1個月真係跟住啲市場預測去做投資部署，真係好容易「左一巴、右一巴」，比市場牽住走。

Lewis又話，美國依家係步向衰退，經濟會硬著陸，但通脹又未回落，呢個情況唔係靠加息減息可以扭轉。佢估計，聯儲局今個月會加息0.25厘，但之後就會暫停，原因係...

【名家給力場】聯儲局加埋今次息會收手？ (上)

勝利瑞柏基金管理合伙人暨投資總監陳建良指，其實呢個炸彈一直存在，隨著聯儲局要持續加息遏通脹，會影響好多資產價格，如果銀行買長債或者投資冇乜流動性嘅產品，一旦利息上升，而喺借短買長下，如果後者跌就要面對liquidity crunch，邊間會爆係好難講，但會產生漣漪效應，佢認為呢個效應已經發酵咗，好多人都有誤解，加息就要買銀行股，KL認為，首先要諗下點解要加息，唔係因為經濟好而加息，反而係被逼加息，資產價格會下調，銀行可能要面對違約潮。

KL續指，舊年出現「金融黑洞」，科網股因為加息喺10月冧價，依家似乎進入「金融黑洞2.0」，資產泡沫離開科技股進入生活層面。

【名家給力場】「金融黑洞2.0」殺埋身？ (上)

https://finance.now.com/analysis/post.php?type=309&id=786656

【名家給力場】「金融黑洞2.0」殺埋身？ (下)

「股市漁夫」創辦人莊志雄指，混亂係聯儲局一手造成，依家再推遲減息，未來可能因為加息加過龍，導致美國經濟嚴重衰退，睇返終極利率，由於局方經常「嗡三嗡四」，令市場參與者之前以為利率已見頂，但依家又走出嚟講嘢，原因係過去1個月公布嘅數據，反映通脹仍高居不下，佢又話，佢之前已經估計美國通脹已見頂，但要急速回落唔係咁易。

Lewis又指，若聯儲局之前冇講放慢加息步伐，如果投資者只係估估下就唔會亂炒，1月講完嘢之後，令投資者有個錯覺聯儲局好快加完息，甚至今年開始減息，由於局方冇預測能力，通脹走向亦唔會知，一見到數據唔對路，又要掉轉講，增加咗美國利率預期嘅波動性，絕對唔係好事。

【名家給力場】聯儲局亂嗡令市場混亂 (上)

Lewis解釋，目前聯儲局關注嘅「超級核心」通脹(supercore inflation)，即係核心通脹減住房價格，升幅大過預期，令市場再次調整對加息幅度及周期嘅預測。

根據衍生工具市場數據顯示，利率期貨交易員預期，聯儲局最終會加息至6厘以上，進一步遏通脹，Lewis認為，通脹見頂後唔會立即回落，高息率將繼續對債市及股市造成壓力。

Lewis續指，標指嘅股份收益率同聯邦基金利率好近，削弱咗持股吸引力，估計今年機構投資者會抽走股市資金去做現金投資，至於納指，佢就話可以用基金倉位指標作相反指標，因為…

【名家給力場】美股3月繼續調整 (上)

「股市漁夫」創辦人莊志雄指，美國通脹係難達標，雖然預期會見頂回落，但估計速度係會慢，噚晚出爐嘅CPI就證實咗。佢又話，CPI細分項中，最大係租金，而睇返各分項亦唔係整體向下，如果睇返過3個月嘅變化，逾半細分項嘅升幅係多過12月嘅升幅，係有一種再度加速嘅味道，唔止回落速度慢，係有掉頭回升嘅風險。

Lewis又話，租金喺2021年後持續向上，所以最近會聽到聯儲局想搬龍門，想做一個「超級核心通脹率」出嚟，即唔包括食品、能源、租金，而衣食住行中有3項都唔包，唔知呢個「核心」係點，其中租金佔CPI近40%，撇除咗租金，通脹當然會回落，但市場buy唔buy係另一回事。

【名家給力場】美通脹有掉頭回升風險(上)

「股市漁夫」創辦人莊志雄指，呢個係市場解讀，但最重要係睇返資產價格表現，因為可以反映市場點樣解讀，反而市場人士點講係另一回事。佢認為，過去一星期資產價格表現幾奇怪，可能市場聚焦喺美股標普500指數身上，但其實鮑威爾發言後，或重磅科技股出咗業績後，出現一個奇怪現象，就係美元升，美債跌價，美債息升，而對利率十分敏感嘅黃金，價格亦下跌，如果睇返資產價格，除美股外，偏向係「水緊咗」。

Lewis又話，嗰個星期鮑威爾講咗兩次嘢之後，睇資產價格除美股外都係偏緊，所以佢講嘢鷹或鴿並唔重要，最重要係睇返資產價格表現。

貨幣供應的增長趨勢可以顯示股票市場和各類風險資產價格未來一段時間內的走向，股市漁夫會在會員文章內定時更新各貨幣供應指標的最新讀數。

「股市漁夫」創辦人莊志雄指，投資者好多時留意今日發生嘅事，但始終要睇返個趨勢，其實由舊年第4季開始，主題係熊市反彈，特色係之前強勢嘅美元回一回，令好多股市指數造返好啲，以龍頭美股為例，雖然過去1個月累升3%至4%，但有一點要留意，睇返標指嘅走勢，舊年6月係插咗落去，之後一直處於上上落落嘅狀態，仲未擺脫下降軌，其實係類似熊2狀態，即係跌咗近20%後，造返一個反彈，但又破唔到頂，跟住又呈一個上落格局，龍頭已經係咁，其他市場都可能畀龍頭牽著，最重要龍頭唔好出事。

Lewis又話，日本市場係今年最少人談論嘅風險因素，日本央行今日出咗聲明後，日圓應聲下跌，行長黑田東彥就快卸任，維持政策不變係正常，但令佢聯想到當年美國聯儲局狂做寬鬆政策，令美國經濟表現似乎好好，但2008年就出現雷曼倒閉事件，因之前過度印銀紙，印出一個樓市泡沫，最後要靠QE收科，依家日本嘅情況有啲類似。

「股市漁夫」創辦人莊志雄表示，見底有兩個條件，首先係要沽嘅人已經沽晒，香港之前好明顯係，聽到最差嗰日有基金經理宣布香港科技股已經清咗倉，而宣布後就啱啱見底。即係話當投資者悲觀到一個程度，跌到15000點就睇10000點，當市場出現呢啲極度悲觀情況，股市係有機會見底。

佢續指，其次係睇基本因素，估值係咪去到歷史低位，依家美股肯定唔係，美股跌咗逾20%後，標指經周期調整市盈率仍有20倍以上，歷史低位一般係10幾倍，通脹失控年代甚至見過單位數。

Lewis認為，港股可以睇高一線，因為恒指已跌到低過帳面價值，怛恒指係咪可以見底回升，暫時仍未肯定，但大市有15%至30%股份已經見咗低位，即有啲股份唔會跌穿舊年低位，但唔代表恒指唔會再探底，因為美股未跌完，就有機會拖累恒指。

「股市漁夫」創辦人莊志雄認為，當連長年面對通縮嘅日本都轉鷹，反映環球通脹情況已經嚴重失控，各國央行其實冇計控制通脹，指炒作減息憧憬係言之尚早。佢續指，數據顯示日本早前已開始縮表，可見今次行動並非突然。

Lewis又指，美債引伸波幅喺各國央行減加息幅度後，仍未穩定落嚟，預期明年債市會愈來愈波動，又話今年現金及收息工具跑贏大部分資產，認為明年嘅投資策略可保守啲，例如投資美國短期國庫債券(T-bills)，幾個月內就可以連本收返3至4厘息。

嘉賓：莊志雄 

主持：范巧茹