【名家給力場】礦業股最快5月爆「抽水潮」？ 【Now財經台】受惠於美元回軟，內地金礦股連日發力，今日其他金屬資源股亦造好，不過，勝利瑞柏基金管理合伙人暨投資總監陳建良提醒，投資礦業股應回歸基本面，切忌只見外圍因素就盲目高追，亦要小心美國突然出現通縮，佢更預期，呢個板塊今輪抽升後，最快5月就會爆「抽水潮」。 KL表示，金屬礦嘅質量同公司估值關連性最大，內地高質量礦唔多，加上開採金屬礦須投放好多資本，導致唔少中資礦企有高負債問題。 佢續指，業績期剛剛過咗，可以做返公司行動(corporate action)，話參考以往國企礦業股嘅歷史，某啲高負債、高市帳率(PB)公司或會趁高位配股，咁啱今日有隻五礦資源(01208)價量齊升，KL就話投資者要小心配股風險。 【名家給力場】礦業股最快5月爆「抽水潮」？
大家好！漁得水又跟大家見面！ 近年好多趨勢投資者都用VCP形態選股，VCP選股只代表一個買入機會，並不是所有VCP形態的股票都值得買入。如未清楚VCP的基本定義及用法，可以重溫較早前選寫的VCP文章(2023年更新版)。 VCP選股方法一般贏面比率 (win rate) 大概只有40%。如果市寬向下，用VCP選股，勝率會大減。VCP選股在這種市況下，出現假突破及stop hunting的機會比較高。2023年2月10日, VCP 始創人米sir 也在其個人Twitter表示 (見下圖) ，好幾隻美股出現假突破，包括：PRDO, ESE, AXON,POST, DE,CVX,AMLX,MDGL,BOWL及TMUS。今次同大家分享一下VCP選股失敗的原因及提高勝算的5大法則。
【Now財經台】農曆新年假期多咗人去澳門、入賭場玩兩手，由舊年10月底低位至今，幾隻主要賭股普遍倍升，但銀河娛樂(00027)股價表現相對差，賭收方面其實有幾大改善？賭收由不同部分組成，其中VIP應冇法回復至疫前水平，靠中場、高端中場及非博彩收益，可唔可以彌補到VIP流失嘅收益？ 勝利瑞柏基金管理合伙人暨投資總監陳建良指，睇返訪澳旅客數字，今個農曆新年假期訪澳旅客中，香港旅客復甦情況最理想，大約恢復到2019年約70%，來自其他地區嘅旅客恢復到約30%。至於賭收方面，中場恢復至2019年近50%，VIP就回復至20%以上，銀娛股價表現相對差，同賭收組成有關，市場認為中場係賭收支柱，即使VIP復常，估計都去唔返2019年一半，VIP客唔係冇，只係注碼細咗好多。 KL認為，炒賭股要留意復常後，賭收會唔會增加，訪澳旅客人數反而冇咁重要。 【名家給力場】澳門「旺丁」帶挈唔到賭股
【Now財經台】美股今年勢錄得2008年以嚟最大年度跌幅，另一邊廂，中國月初突然放寬嚴格嘅防疫政策，令市場重燃明年經濟重啟嘅憧憬。勝利瑞柏基金管理合伙人暨投資總監陳建良認為，美股明年仍未見底，較睇好中資股及港股表現。 KL預期，中國明年初會出現恰到好處(Goldilocks)嘅增長，惟之後會「由滯入脹」，令全球商品需求急升，企業更難控制成本，人民又要求高工資，不排除傳導至歐美，令當地通脹難以回落，屆時各國央行難出現政策轉向(pivot)，有機會引發金融機構或樓市泡沫爆破，其中聯儲局會率先被逼轉向而減息，佢擔心上述情況明年前半段就會發生，到時美股難有運行。 KL又話，明年唔適合用狗股策略揀股，因為今年跌得最殘嘅港股藍籌，大部分係增長股，估計明年價值股會受追捧，除咗息高、估值平，亦因為唔少殘股喺過去2個月已大幅反彈。 【名家給力場】狗股策略2023年用唔著(上) https://finance.now.com/analysis/post.php?type=309&id=773546 【名家給力場】狗股策略2023年用唔著(下)
【Now財經台】港股3大指數喺上月低位反彈逾20%，重上18000點大關，步入技術牛市，係咪進一步確認已經見咗今年低位？之前個巿累積咗咁多蟹貨，恒指短期係咪會喺現水平上落，先整固一下？ 勝利瑞柏基金管理合伙人暨投資總監陳建良指，兩週前節目提到恒指見底應該應驗，而好消息亦令巿場反應相當猛烈。不過，投資者唔好太興奮由極消極轉為極樂觀，因為股巿續受加息大環境影響，現時反而不應該追貨，。 至於恒指後市會點走，KL估計，年底前會繼續喺18000點或以下水平徘徊，波幅逐步縮小。 https://finance.now.com/analysis/post.php?id=766354&type=309 https://finance.now.com/analysis/post.php?type=309&id=766355 【名家給力場】恒指重上18000唔好太興奮(下)
【名家給力場】美股太早炒減息預期？ 【Now財經台】美國上月生產者物價指數(PPI)升幅細過預期，反映通脹再有降溫跡象，噚晚美股3大指數向上，不過「股市漁夫」創辦人莊志雄指，美股呢轉升浪唔太合邏輯。 Lewis分析指，睇返過去一周各類資產價格表現，雖然股市升，但同衰退有關嘅債價及金價亦有得升，至於同經濟相關嘅油價就向下，其實係反映經濟基本面唔好。佢又話，美股呢輪升得勁，純粹係資金炒緊聯儲局政策轉向(Fed pivot)嘅憧憬。 佢續指，據最新利率期貨顯示，聯儲局最快明年7月先會減息，依家炒pivot係太早，就算聯儲局減息，亦唔代表股市見底，據歷史統計顯示，聯儲局開始減息後，美股會再跌27%至58%。 【名家給力場】美股太早炒減息預期？(上) https://finance.now.com/analysis/post.php?id=765871&type=338 【名家給力場】美股太早炒減息預期？(下) https://finance.now.com/analysis/post.php?type=338&id=765872
