文章分享

【ETF 投資教學】買 ETF 之優勢及隱藏成本

買 ETF 之優勢及隱藏成本

ETF 是交易所交易基金, 全名係 Exchange-Traded Fund。ETF 是一種旨在追蹤特定市場指數、股票、債券或商品的投資工具。其運作模式為基金公司首先籌組一個資產組合以複製特定指數或資產類別的表現,繼而將該資產組合的擁有權分拆為基金單位,並在交易所上市發行,讓投資者可透過買賣這些基金單位,間接持有相關資產。
 
ETF 可分為被動型及主動型兩種類型。被動型 ETF 如盈富基金(02800)、QQQ 等,旨在追蹤指數表現,前者緊隨香港恒指,後者則追蹤美國納斯達克指數;至於主動型 ETF 如 ARKK 基金,則由基金經理主動挑選投資標的。
 
ETF 投資有以下四大優勢:
 
一、高流動性
ETF 在交易所買賣,可隨時進場買入或賣出,避免了無交易對手的困擾。
 
二、風險分散
投資者毋須籌足巨資,即可透過 ETF 一次過投資於一籃子股票、債券或其他商品,降低單一資產集中風險。
 
三、低成本
被動型 ETF 由於無基金經理,可大幅節省人力成本,故費用遠低於主動管理的互惠基金。一般而言,互惠基金每年的管理費介乎資產淨值的1%至2.5%,另加認購費、贖回費及表現費;相比之下,香港 ETF 的管理費通常在2%以下,大部分約為1%左右,視乎所追蹤的標的物而定。盈富基金的年費率更只有0.05%,且獲豁免印花稅。至於海外大型 ETF,如追蹤標普 500 指數的 VOO 基金,其管理費低至0.03%。
 
四、高透明度
ETF 的組合資產及資產淨值一般會每日公開,投資者可清楚知悉所持有的資產,管理層的職能亦較易監察,與互惠基金每月才公布一次表現及持倉的做法有別。
 
有見及此,近年愈來愈多大型基金經理在涉足新市場時,均傾向透過購入ETF進行,可謂是行之有效的投資方式。一般投資者亦應善用 ETF 工具,方能在分散風險之餘,亦享有低費用及高透明度等優勢。

立即收看: bit.ly/stockfisherETF1

【財經短打】納指破頂?

成日聽到人講納指破頂,「頂」嘅定義係乜嘢?係唔係用歷史高位?如果唔係,怎樣去定義「頂」?事實上,納指的歷史高位係兩年前創下的,現處於大約三年前的水平。另外,現時仍有超過6成NASDAQ上市的股票低於200天線。升幾個月代表有得trade,但冇改變大趨勢。

以下係ChatGPT回應:

「納指破頂」這個說法通常指的是納斯達克指數(NASDAQ)達到新的歷史最高點。

納斯達克指數(NASDAQ),即使它沒有創下新的歷史高位,短期內的上漲也可能會被某些交易者或分析師視為有交易機會的「頂」。然而,對於納斯達克指數目前處於三年前水平,並且有超過60%的股票低於其200天移動平均線,這說明市場正經歷一段調整期或下行趨勢。儘管可能會有短期的反彈或交易機會(如你所說的“升幾個月”),但如果大部分股票仍然低於長期移動平均線,這可能意味著整體市場趨勢仍然是負面的。

 

在這種情況下,一個短期的上漲可能不會改變長期的下降趨勢,這就需要對大趨勢有深入的理解和分析,以便更好地評估整個市場的健康狀況和未來的方向。

【名家給力場】美國經濟難軟著陸

【Now財經台】美國眾議院通過罷免議長麥卡錫(Kevin McCarthy),加上市場憂慮聯儲局會維持高息一段更長時間,道指今年升幅昨晚(3日)已經蒸發晒兼倒跌,投資者原本預期聯儲局第3季加完息,明年初就會減息,並憧憬美國經濟可以軟著陸,但睇返美股嘅表現,似乎反映美國經濟要硬著陸?

「股市漁夫」創辦人莊志雄認為,美國經濟會硬著陸,上季唔少人預期會軟著陸,因為加息周期就快完,而經濟數據表面上又唔太差,但市場似乎忘記咗通脹上升周期嘅歷史,仲以為個玩法係通脹回落期,呢代人喺上世紀80年代開始投資到依家,都習慣咗通脹長期回落嘅情況,每次加完息利率就好快回落,央行因通脹回落就可以減息減得好狠,甚至做埋QE(量化寬鬆)救經濟,今次同過往每次大衰退前嘅講法都一樣,就係預期經濟會軟著陸,例如2007、2008年,當年連央行官員都係咁講,但最後經濟陷入衰退。

Lewis又話,每次聯儲局「收水」都會影響全球金融狀態,而今次加息速度之急,係過去幾十年未見過,所以今次冇事發生及可以軟著陸嘅機會近乎零,佢估計未來一定會「有事」發生。

【名家給力場】美國經濟難軟著陸(上)

https://finance.now.com/analysis/post.php?id=823239&type=338

【名家給力場】美國經濟難軟著陸(下)

https://finance.now.com/analysis/post.php?id=823240&type=338

【名家給力場】兩個指標話你知美經濟難軟著陸

【Now財經台】美國聯儲局再放鷹,主席鮑威爾話已經準備好喺適當時候進一步加息,而最新利率點陣圖顯示,官員普遍預期,聯邦基金利率將會喺高位維持一段較長時間,並預期明年減息兩次,較6月時預測少兩次。 

「股市漁夫」創辦人莊志雄表示,官員預期加息周期未完係合理,因為當地通脹非持續向下,自6月基數效應消退後,通脹數據再度回升。佢分析指,全美獨立企業聯盟(NFIB)小型企業加價指數,一般係領先核心通脹數據約4個月,依家指數回升緊,佢相信走勢反映核心通脹有機會回升。

Lewis續指,世界大型企業聯合會(The Conference Board)公布嘅美國經濟領先指標,按年變幅已跌至零,而1967年至今,每次出現呢種情況後,美國經濟都會陷入衰退,並指聯儲局仍有加息壓力,而數據已跌至2001年或2008年金融海嘯時水平,繼續「收水」就只會繼續跌。

佢認為,從上述數據睇,美國經濟唔似可以「軟著陸」,更似會出現滯脹。

【名家給力場】兩個指標話你知美經濟難軟著陸(上)

https://finance.now.com/analysis/post.php?id=821493&type=338

【名家給力場】兩個指標話你知美經濟難軟著陸(下)

https://finance.now.com/analysis/post.php?id=821494&type=338

【漁夫補習班重播】2023 年 8 月主題 資產配置加減學 付費會員獨家

【漁夫補習班重播】2023 8 月主題 資產配置加減學

2023 舉行之漁夫補習班  - 資產配置加減學」已經完滿結束。莊博於今次補習班內強調資產配置之概念、重要性及背後操作。亦係補習班內解答會員近期市況之問題。如果想與其他師兄師姐一樣,係不明朗之情況下,都可做到資產配置,控制風險。立即點擊以下連結重溫補習班內容。

 

 漁夫補習班 - 2023 8月主題 資產配置加減學 影片重溫

【網上研討會重播】「小心假牛市! 熊三已逼近」 付費會員獨家

【網上研討會重播】 - 「小心假牛市熊三已逼近」

 

 

2023 年 7 19 舉行之網上研討會 「小心假牛市熊三已逼近」已經完滿結束。由於反應熱烈,報名人數超過上限。若您錯過本次研討會,現在可以點擊以下連結進行重溫。

 

 

網上研討會 -「小心假牛市熊三已逼近」影片重溫

【名家給力場 - 莊博】美股「最後逃生門」倒數中?

【Now財經台】美國通脹見頂,銀行危機又可能令聯儲局要再「放水」,加上標指持續向上,美股係咪已經見到曙光,甚至步入牛市?

「股市漁夫」創辦人莊志雄指,雖然美國通脹持續降溫,但同聯儲局2%嘅目標仲有一段距離,因此,通脹見頂唔代表聯儲局會「放水」。佢又話,唔可以單憑標指表現去判斷市況,因為當中幾隻大價股已佔幾成市值,佢認為依家只係托住標指畀大戶散貨,其實Silvergate爆煲後,近兩個月標普中型股指數及小型股指數都大跌,而避險資產如黃金及美國10年期國債都跑嬴標指,如果美股真係步入牛市,情況應該係相反。

Lewis續指,依家美股「最後逃生門」已倒數緊,依家市寬表現差,1月仍有80%股份升至50天線樓上,依家減少至不足40%,反映市場依家喺度派緊貨。

【名家給力場】美股「最後逃生門」倒數中?

https://youtu.be/xDwKwIPo8A4

【號外Webinar重播】金融黑洞 2.0? 潛在影響與機遇 錄影 付費會員獨家

【網上研討會】 號外:金融黑洞 2.0? 潛在影響與機遇

講者: 陳建良(KL / Sir)與莊志雄博⼠ (Dr. Lewis Chong)

 

- Silicon Valley Bank 被接管前因後果

- 一石擊起千重浪,有機會被波及與影響的個體行業
- Fed / FDIC
會在甚麼情況下「救市」,有何考量?
-
潛在可能情景與認對考慮
-
投資者如何穿越金融黑洞全身而退甚至從中補捉機遇

 錄播連結請按此

 

【名家給力場 - 金Sir】救歐美銀行業實將急性病變慢性重病

【Now財經台】歐美近日接連有銀行倒閉或頻臨爆煲,雖然第一共和銀行及瑞信獲同業和央行出手打救,不過,勝利瑞柏基金管理合伙人暨投資總監陳建良認為,今輪救亡行動只係幫到一時,因為整個歐美銀行業已出現慢性嘅信貸收縮危機!

KL續指,聯儲局資產負債表過去幾日大升,喺依家貨幣政策寬鬆,但唔減息嘅環境下,銀行為吸引存款而加存款息,貸款時亦更審慎,推高利息成本,銀行淨息差將大幅收窄,造成惡性循環。佢又話,銀行唔少抵押資產係國家債券,可能因為聯儲局一直唔減息,要面對貨幣貶值風險,亦對銀行造成財務壓力。

KL又認為,今年不宜沾手歐美金融股,並預期整個金融業將會信貸收縮,引發美國樓市爆煲,持有唔少國債投資嘅保險公司將續受加息影響,更嚴重嘅情況係,某啲中型國家嘅國債會出事。

【名家給力場】救歐美銀行業實將急性病變慢性重病 

https://youtu.be/Y3drt9ObZLc

 

【名家給力場】聯儲局加埋今次息會收手?

【Now財經台】聯儲局下星期就會議息,但市場對加息嘅預期不斷改變,主席鮑威爾之前「放鷹」,市場就估計今個月會加息0.5厘,但近期發生矽谷銀行(SVB)爆煲事件,最新估計只會加息0.25厘,甚至有大行認為要掉頭減息,投資者似乎都無所適從。

「股市漁夫」創辦人莊志雄指,投資者真係唔好跟車太貼,市場普遍睇利率期貨去做加息預測,如果過去1個月真係跟住啲市場預測去做投資部署,真係好容易「左一巴、右一巴」,比市場牽住走。

Lewis又話,美國依家係步向衰退,經濟會硬著陸,但通脹又未回落,呢個情況唔係靠加息減息可以扭轉。佢估計,聯儲局今個月會加息0.25厘,但之後就會暫停,原因係...

【名家給力場】聯儲局加埋今次息會收手?

https://youtu.be/Pybzg8KZmRs

【名家給力場 - 金Sir】「金融黑洞2.0」殺埋身?

【Now財經台】美股噚晚重挫,其中,道指瀉逾500點,美國銀行股成跌市災區,主要畀兩單消息拖冧,首先係加密貨幣銀行Silvergate宣布關閉,其次係矽谷銀行母公司SVB爆流動性危機,呢兩件事影響有幾大?會唔會持續發酵變成另一個炸彈?

勝利瑞柏基金管理合伙人暨投資總監陳建良指,其實呢個炸彈一直存在,隨著聯儲局要持續加息遏通脹,會影響好多資產價格,如果銀行買長債或者投資冇乜流動性嘅產品,一旦利息上升,而喺借短買長下,如果後者跌就要面對liquidity crunch,邊間會爆係好難講,但會產生漣漪效應,佢認為呢個效應已經發酵咗,好多人都有誤解,加息就要買銀行股,KL認為,首先要諗下點解要加息,唔係因為經濟好而加息,反而係被逼加息,資產價格會下調,銀行可能要面對違約潮。

KL續指,舊年出現「金融黑洞」,科網股因為加息喺10月冧價,依家似乎進入「金融黑洞2.0」,資產泡沫離開科技股進入生活層面。

【名家給力場】「金融黑洞2.0」殺埋身?

https://youtu.be/Usq_yWyqizw

【名家給力場】聯儲局亂嗡令市場混亂

【Now財經台】美國聯儲局主席鮑威爾噚晚喺參議院作證時「放鷹」,指已準備好喺必要時擴大加息幅度,利率見頂水平可能高過預期,利率期貨即時有反應,今個月加息0.5厘嘅機會急升至70%,過去半年,市場對美國嘅加息預期大上大落,依家係咪處於一個比較混亂嘅狀況?

「股市漁夫」創辦人莊志雄指,混亂係聯儲局一手造成,依家再推遲減息,未來可能因為加息加過龍,導致美國經濟嚴重衰退,睇返終極利率,由於局方經常「嗡三嗡四」,令市場參與者之前以為利率已見頂,但依家又走出嚟講嘢,原因係過去1個月公布嘅數據,反映通脹仍高居不下,佢又話,佢之前已經估計美國通脹已見頂,但要急速回落唔係咁易。

Lewis又指,若聯儲局之前冇講放慢加息步伐,如果投資者只係估估下就唔會亂炒,1月講完嘢之後,令投資者有個錯覺聯儲局好快加完息,甚至今年開始減息,由於局方冇預測能力,通脹走向亦唔會知,一見到數據唔對路,又要掉轉講,增加咗美國利率預期嘅波動性,絕對唔係好事。

【名家給力場】聯儲局亂嗡令市場混亂 

https://youtu.be/RmrpQ2dP18E

【名家給力場】美股3月繼續調整

【Now財經台】2月債息急升令美股3大指數受壓,道指今年升幅一度化灰,雖然標指及納指有得升,但「股市漁夫」創辦人莊志雄指,標指主要靠8隻重磅科技股撐,加上納指嘅長線市寬向下,種種指標都反映美股仲有排調整。

Lewis解釋,目前聯儲局關注嘅「超級核心」通脹(supercore inflation),即係核心通脹減住房價格,升幅大過預期,令市場再次調整對加息幅度及周期嘅預測。

根據衍生工具市場數據顯示,利率期貨交易員預期,聯儲局最終會加息至6厘以上,進一步遏通脹,Lewis認為,通脹見頂後唔會立即回落,高息率將繼續對債市及股市造成壓力。

Lewis續指,標指嘅股份收益率同聯邦基金利率好近,削弱咗持股吸引力,估計今年機構投資者會抽走股市資金去做現金投資,至於納指,佢就話可以用基金倉位指標作相反指標,因為…

【名家給力場】美股3月繼續調整 

https://youtu.be/7Cidd8UWntI

【名家給力場】美通脹有掉頭回升風險

Now財經台】雖然美國通脹持續回落,但速度冇市場預期咁快,睇返CPI組成嘅各個分項,基本上都持續向上,美國通脹要達到聯儲局2%嘅目標,莫講今年,甚至出年係咪都未必可以達標?

「股市漁夫」創辦人莊志雄指,美國通脹係難達標,雖然預期會見頂回落,但估計速度係會慢,噚晚出爐嘅CPI就證實咗。佢又話,CPI細分項中,最大係租金,而睇返各分項亦唔係整體向下,如果睇返過3個月嘅變化,逾半細分項嘅升幅係多過12月嘅升幅,係有一種再度加速嘅味道,唔止回落速度慢,係有掉頭回升嘅風險。

Lewis又話,租金喺2021年後持續向上,所以最近會聽到聯儲局想搬龍門,想做一個「超級核心通脹率」出嚟,即唔包括食品、能源、租金,而衣食住行中有3項都唔包,唔知呢個「核心」係點,其中租金佔CPI40%,撇除咗租金,通脹當然會回落,但市場buybuy係另一回事。

 

【名家給力場】美通脹有掉頭回升風險

https://youtu.be/hsDcnTeDITY

【名家給力場】中資科網股重回戰國時代

【Now財經台】近日科技股焦點一定係市傳抖音「踩過界」搞外賣生意,同美團(03690)「爭食」。傳抖音下個月進軍外賣市場,依家正喺北京、上海、成都做內部測試,消息一出,美團股價跌唔停,美團嘅市場分額會唔會畀抖音搶走好多?對美團長遠成本及盈利有冇影響?

勝利瑞柏基金管理合伙人暨投資總監陳建良指,要做一個成功嘅團購要留意3個部分,分別係用戶、商家及最重要嘅「騎手」,抖音主要嘅受眾係年青人,同用戶之間嘅黏性未必好強,亦未必有足夠嘅「騎手」去維持運作。

不過,KL認為,美團唔會坐以待斃,為咗競爭相信會再投資搞宣傳,難免要燒錢。若從較悲觀嘅角度睇,雖然內地對科企嘅監管明顯「鬆咗手」,市況亦好轉咗,但呢次競爭可能令科網股...

【名家給力場】中資科網股重回戰國時代 

https://youtu.be/hsDcnTeDITY

【名家給力場】鮑威爾鷹定鴿唔重要

【Now財經台】隔晚聯儲局主席鮑威爾發表講話,雖然同日前亞特蘭大聯儲銀行行長嘅口徑一致,話美國經濟持續強勁,利率峰值可能高過預期,但市場似乎未受佢嘅言論影響,仲解讀為鮑威爾言論唔夠鷹,美股照升,鮑威爾講話係咪真係冇市場預期咁鷹?

「股市漁夫」創辦人莊志雄指,呢個係市場解讀,但最重要係睇返資產價格表現,因為可以反映市場點樣解讀,反而市場人士點講係另一回事。佢認為,過去一星期資產價格表現幾奇怪,可能市場聚焦喺美股標普500指數身上,但其實鮑威爾發言後,或重磅科技股出咗業績後,出現一個奇怪現象,就係美元升,美債跌價,美債息升,而對利率十分敏感嘅黃金,價格亦下跌,如果睇返資產價格,除美股外,偏向係「水緊咗」。

Lewis又話,嗰個星期鮑威爾講咗兩次嘢之後,睇資產價格除美股外都係偏緊,所以佢講嘢鷹或鴿並唔重要,最重要係睇返資產價格表現。

視頻鏈接https://youtu.be/bfifUGGwJBw

【名家給力場】日本市場風險不容忽視

【Now財經台】過去1個月,睇返唔同ETF類別嘅表現,上月以新興市場ETF表現較好,一路炒美元回軟及中國經濟重啟,日圓ETF只係排第2位,點睇嚟緊嘅走勢?未來係咪繼續炒中國重啟因素?

「股市漁夫」創辦人莊志雄指,投資者好多時留意今日發生嘅事,但始終要睇返個趨勢,其實由舊年第4季開始,主題係熊市反彈,特色係之前強勢嘅美元回一回,令好多股市指數造返好啲,以龍頭美股為例,雖然過去1個月累升3%至4%,但有一點要留意,睇返標指嘅走勢,舊年6月係插咗落去,之後一直處於上上落落嘅狀態,仲未擺脫下降軌,其實係類似熊2狀態,即係跌咗近20%後,造返一個反彈,但又破唔到頂,跟住又呈一個上落格局,龍頭已經係咁,其他市場都可能畀龍頭牽著,最重要龍頭唔好出事。

Lewis又話,日本市場係今年最少人談論嘅風險因素,日本央行今日出咗聲明後,日圓應聲下跌,行長黑田東彥就快卸任,維持政策不變係正常,但令佢聯想到當年美國聯儲局狂做寬鬆政策,令美國經濟表現似乎好好,但2008年就出現雷曼倒閉事件,因之前過度印銀紙,印出一個樓市泡沫,最後要靠QE收科,依家日本嘅情況有啲類似。

【名家給力場】小心美股興倒轉炒