文章分享

【ETF 投資教學】買 ETF 之優勢及隱藏成本

買 ETF 之優勢及隱藏成本

ETF 是交易所交易基金, 全名係 Exchange-Traded Fund。ETF 是一種旨在追蹤特定市場指數、股票、債券或商品的投資工具。其運作模式為基金公司首先籌組一個資產組合以複製特定指數或資產類別的表現,繼而將該資產組合的擁有權分拆為基金單位,並在交易所上市發行,讓投資者可透過買賣這些基金單位,間接持有相關資產。
 
ETF 可分為被動型及主動型兩種類型。被動型 ETF 如盈富基金(02800)、QQQ 等,旨在追蹤指數表現,前者緊隨香港恒指,後者則追蹤美國納斯達克指數;至於主動型 ETF 如 ARKK 基金,則由基金經理主動挑選投資標的。
 
ETF 投資有以下四大優勢:
 
一、高流動性
ETF 在交易所買賣,可隨時進場買入或賣出,避免了無交易對手的困擾。
 
二、風險分散
投資者毋須籌足巨資,即可透過 ETF 一次過投資於一籃子股票、債券或其他商品,降低單一資產集中風險。
 
三、低成本
被動型 ETF 由於無基金經理,可大幅節省人力成本,故費用遠低於主動管理的互惠基金。一般而言,互惠基金每年的管理費介乎資產淨值的1%至2.5%,另加認購費、贖回費及表現費;相比之下,香港 ETF 的管理費通常在2%以下,大部分約為1%左右,視乎所追蹤的標的物而定。盈富基金的年費率更只有0.05%,且獲豁免印花稅。至於海外大型 ETF,如追蹤標普 500 指數的 VOO 基金,其管理費低至0.03%。
 
四、高透明度
ETF 的組合資產及資產淨值一般會每日公開,投資者可清楚知悉所持有的資產,管理層的職能亦較易監察,與互惠基金每月才公布一次表現及持倉的做法有別。
 
有見及此,近年愈來愈多大型基金經理在涉足新市場時,均傾向透過購入ETF進行,可謂是行之有效的投資方式。一般投資者亦應善用 ETF 工具,方能在分散風險之餘,亦享有低費用及高透明度等優勢。

立即收看: bit.ly/stockfisherETF1

【名家給力場】美國通脹真係走到最後一里?

 
「股市漁夫」創辦人莊志雄指,如果想美股繼續升,聯儲局就要放棄打擊通脹,除非聯儲局表明不論通脹指標係咪回升都唔會理,美股先有機會升,但就會犧牲咗長債,因為通脹始終會慢慢升返上去,而長債價格就會冇反應,其次係要犧牲美金,其實同日本一樣,只要貨幣貶值就可以谷高股票指數,而主流媒體成日話通脹係最後一里(Last mile),已經講咗8個月,只要講得愈來愈多,喺呢種氣氛主導下,就會令人相信通脹一定會回落,唔理正式通脹指標係咪回升緊,就可以令股市或指數繼續升。
 
Lewis又留意到,大部分通脹報道都係講按年及按月變化,但其實聯儲局主席鮑威爾(Jerome Powell)係會睇以3個月或6個月年率化嘅核心通脹率,尤其係個人消費開支(PCE),而過去12個月嘅年率化核心CPI昨日(12日)顯示仍然向下,不過,如果睇3個月或6個月就見到通脹已經回升,而前者更升至4.1%,加上之前做咗超級核心通脹指標,呢個指標係連租金都撇除埋就升4.5%,是9個月以來最高水平,反映升勢都幾凌厲。
 

【名家給力場】美國通脹真係走到最後一里?(下)

https://finance.now.com/analysis/post.php?id=849775&type=338

【名家給力場】美股翻炒減息?

【Now財經台】美股去年第4季開始炒減息,今年就炒「金髮女孩經濟」(Goldilocks Economy),即經濟穩定增長、低失業率、通脹溫和受控,令美股不斷破頂,不過,美國近期多項經濟數據表現麻麻,「花旗經濟驚喜指數」亦再度回落,係咪因為市場又炒返減息,帶動金價衝高? 

「股市漁夫」創辦人莊志雄指,美國上周出咗消費信心等數據後,由於表現普遍差過預期,如果「花旗經濟驚喜指數」升就代表經濟數據好過預期,相反,指數向下就反映整體數據差過預期,由於去年第4季數據差過預期,市場認為通脹有機會回落,所以就炒減息,但到今年數據好過預期,尤其2月嘅通脹數據,市場就唔再炒「金髮女孩經濟」,似乎係一個唔錯嘅局面,但2月中之後經濟數據又轉差,有可能市場再炒減息推高個市,但要留意未來一至兩周出爐嘅數據,因為...

【名家給力場】美股翻炒減息?(上)

https://finance.now.com/analysis/post.php?id=848529&type=338

【名家給力場】美股翻炒減息?(下)

https://finance.now.com/analysis/post.php?id=848530&type=338【Now財經台】美股去年第4季開始炒減息,今年就炒「金髮女孩經濟」(Goldilocks Economy),即經濟穩定增長、低失業率、通脹溫和受控,令美股不斷破頂,不過,美國近期多項經濟數據表現麻麻,「花旗經濟驚喜指數」亦再度回落,係咪因為市場又炒返減息,帶動金價衝高? 

「股市漁夫」創辦人莊志雄指,美國上周出咗消費信心等數據後,由於表現普遍差過預期,如果「花旗經濟驚喜指數」升就代表經濟數據好過預期,相反,指數向下就反映整體數據差過預期,由於去年第4季數據差過預期,市場認為通脹有機會回落,所以就炒減息,但到今年數據好過預期,尤其2月嘅通脹數據,市場就唔再炒「金髮女孩經濟」,似乎係一個唔錯嘅局面,但2月中之後經濟數據又轉差,有可能市場再炒減息推高個市,但要留意未來一至兩周出爐嘅數據,因為...

【名家給力場】美股翻炒減息?(上)

https://finance.now.com/analysis/post.php?id=848529&type=338

【名家給力場】美股翻炒減息?(下)

https://finance.now.com/analysis/post.php?id=848530&type=338

【名家給力場】美基金經理押注減息 爆買債券隨時出事

 
「股市漁夫」創辦人莊志雄指,睇返美銀嘅基金經理調查,過去20年,未見過咁多基金經理認為今年一定減息,如果睇2年期利率,未來兩年會減4次息,根據過往經驗,聯邦基金利率表現係緊貼2年期利率,而後者最近係升緊,尤其去年12月之後,因此,最易出錯就係呢個位,太多人以為今年開始減息,其實「新債王」岡拉克(Jeffrey Gundlach)指,如果用2年期利率量度,預期聯儲局今年減息1次,明年就減3次,呢個就係落差。
 
Lewis又話,但基金經理幾乎100%認為今年會減息,所以佢哋買債買得好勁,見到overweight債券係最多,所以好大機會喺呢度出錯。
 
 

【名家給力場】聯儲局今年或要掉頭加息?

 
「股市漁夫」創辦人莊志雄指,可能係,甚至要掉頭加息,美國超級核心通脹按年升4.4%,按月升幅更加係2002年以來較高水平,但呢個已經唔計租金、能源及食品,但其實聯儲局已不斷搬龍門,連租金都剔除,但仍按年升4.4%,最大可能係美國人嘅通脹預期愈來愈高,因為實質收入增長已經跟唔上通脹升幅,工資係被蠶食。
 
Lewis又話,呢度仲未計過去兩個月航運價格不斷上漲,唔少航線升幅已超過100%,有研究機構指,當航運價格升1倍,會影響環球通脹0.7個百分點,如果運費全線升200%,會影響環球通脹1.5個百分點,如果紅海、巴拿馬等危機未解決,通脹係好難回落。
 
 
 

【名家給力場】債息突抽高對美股有啟示?

【Now財經台】近期美股唔少人工智能(AI)相關股喺業績期暴升,標普500指數亦跟住創新高,但市寬走勢就愈來愈背馳。「股市漁夫」創辦人莊志雄指,紐交所周一(5日)只有不足20%股份上升,係1962年以來從未見過嘅異常情況,提醒美股後市或會好波動。

佢又話,債市亦出現異常,上周五(2日)至周一兩日內,美國10年期債息突然抽高近30點子,對上一次升咁多已經係2022年3月,當時聯儲局開始加息。

Lewis續指,同ISM服務業商業價格指數喺過去1個月抽升有關,而服務業喺當地消費物價指數(CPI)嘅佔比最重,美債息急升或反映債市投資者預期,上半年通脹隨時不跌反升,並對主流嘅減息預期有所警惕

【名家給力場】債息突抽高對美股有啟示?()

https://finance.now.com/analysis/study.php?topicId=3&newsId=844379&c=

 

【名家給力場】債息突抽高對美股有啟示?()

https://finance.now.com/analysis/study.php?topicId=3&newsId=844380

 

【名家給力場】美股已出現泡沫?

【Now財經台】美股持續強勢,道指昨晚(30日)又破頂,但標指及納指回套,聯儲局已展開一連兩日嘅議息會議,議息結果將會喺本港時間周四(2月1日)凌晨公布,議息結果會點樣左右美股後市?美股升至現水平有冇出現泡沫?

 

「股市漁夫」創辦人莊志雄指,最近多咗人講要「擁抱泡沫」,市場依家等緊聯儲局議息聲明,上次議息聲明出爐後,美股就升咗一大浸,其中,標指升咗20%,相信好多人「擁抱泡沫」嘅想法就係預期聯儲局再「放鴿」,推高指數,但唔知今次有冇上次咁勁。

 

Lewis以用之前泡沫時期表現製作嘅納指拼圖為例,用納指1999至2000年升勢同2023至2024年比較,pattern上相似,但幅度唔同,上次升得急啲,今次嘅形態相似,但幅度就冇咁大。睇返拼圖嘅軌跡,時間點會到3月初,屆時要留意幾點,包括聯儲局之前為咗救中小銀行,推出短期融資計劃係咪真正完結,因為市場似乎唔信會完結,所以會繼續炒,因此,相信納指3月唔會見頂回落,其次係聯儲局想繼續「放鴿」,就要睇通脹係咪持續回落,亦係影響今年可唔可以減息5次嘅變數。

 

至於係唔係泡沫,除咗可以睇估值,都可以睇最大嘅公司係美股市場佔比有幾大。1929年及2000年嘅泡沫都出現最大市值10%嘅股票佔股市比重約73至75%,而目前情況就係佔約74%,用呢個角度衡量就喺泡沫。因為正常唔會認為前10%股票會佔市場90%,而10%股票佔市值約70%已經係好誇張嘅數字。除此之外都要睇下有無基本面支持,例如……

【名家給力場】美股已出現泡沫?(上)

https://finance.now.com/analysis/post.php?id=843148&type=338

 

【名家給力場】美股已出現泡沫?(下)

https://finance.now.com/analysis/post.php?id=843149&type=338