「四巫日」即指數期貨、指數期權、個股期貨及個股期權同日結算，於每年3月、6月、9月、12月的第3個星期五進行，而今晚(21日)就係第2季度嘅「四巫日」。

勝利瑞柏基金管理合伙人暨投資總監陳建良指，Nvidia屬於大市值股份，股價兩個月前仲升1倍，唔排除美股指數會喺短時間內形成一個「階段性頂部」，而「四巫日」最大影響係，當中有好多價內期權(in the money call option)到期，相信大市之後會變得波動。

至於應唔應該趁低吸納Nvidia，KL又話，Nvidia升到咁高，帶挈唔少類似嘅晶片股一齊升，但睇Nvidia呢隻股份最好小心啲，現階段唔太建議趁低吸納。

【名家給力場】美股主要指數或已見重要階段性頂部 

「股市漁夫」創辦人莊志雄認為，見到股市都幾兩極化，如果用指數睇市，由於指數受最大隻嘅股份影響較多，指數因大股做得好，例如英偉達(Nvidia)及蘋果公司(Apple Inc.)股價近期做好，帶動指數創新高，已連續375個交易日，冇明顯跌多過2.05%，對上10幾年都冇試過，對上一次出現呢個情況，就特朗普(Donald Trump)做總統時，長升一段時間後，喺2018年2月急挫，當時VIX抽到好高，再出現呢個情況嘅機會係增加緊，雖然指數表現強勁，即所謂internal，好多對冲基金經理如Stanley Druckenmiller都好著重internal，即整體股市表現係點，見到有兩樣嘢係比較奇怪，即係兩極化方面，首先係...

【名家給力場】美股兩極化2大異象

「股市漁夫」創辦人莊志雄指，暫時未見到指數有咩問題，如果投資者揸住一直破頂嘅「萬億股王」，可以繼續持有，但就要留意其他持貨，因為美股頭50隻市值最大股票，今年第2季後波幅突然擴大，而且係歷年來最大，波幅擴大容易導致股價急挫，事實上，有部分股份已開始受影響。

Lewis又話，雖然指數靠「股王」破頂，但市寬就向下，紐約交易所中線市寬更跌穿50強弱分界，出現市寬同指數背馳嘅情況，踏入6月市寬甚至未有回升，情況係非常罕見，而納指情況更差，所以投資者要留意，如果手上持股已跌穿50天線，建議要先行離場。

莊志雄又指，喺極端背馳嘅情況下，除非市寬回升，否則，指數會被拖低，現時市寬係反映美國經濟現況，高盛經濟驚喜指數已跌至今年低位，反映近期美國經濟數據差過預期，要留意對股市嘅影響。

【名家給力場】美股有貨跌穿呢個位要離場

1. 標普500表現：標普500達到了5,341.88的記錄盤中高點。圖表顯示了隨後的急劇下跌，顯示出罕見的反轉，當日的收盤水平標記為5,267.85。

2. 市場寛度：升跌比例極為負面，為-5.39。這表明每一隻上漲的股票，就有超過五隻股票下跌，這是市場寛度疲軟的跡象。

3. 每日交易範圍：高低點範圍擴大到1.61%，這表明反轉當天的波動性增加。

4. 收盤百分位：標普500在其當日範圍的13百分位收盤，表明它在非常接近當天低點的位置收盤，而非高點。

以上數據表明，經過下跌反轉之後，市場存在顯著的沽壓和疲軟的市場寛度，這兩者都可能預示著基於歷史模式，市場可能會有進一步的短期下行運動。按照提到的歷史數據，在像上週四那樣的下跌反轉之後，標普500通常會經歷一次輕微的短期修正。這個全球最受關注的指數在過往14次出現類似情況，有12次在隨後三周下跌。

勝利瑞柏基金管理合伙人暨投資總監陳建良指，唔可以用「調整」形容近日嘅跌勢，依家唔係牛市，更應該以「升市」去看待，因為牛市意味股市跌就要撈、升都唔減持，相反，喺「升市」期間跌就要減磅。

KL認為，港股4月底展開嘅升浪已經完結，依家要視為跌市，所以唔係「調整」，而係跌市開端，至於會跌幾多，睇返港股過往嘅模式，「升得快，跌得慢」，相信唔會跌得好急，股價會先反覆波動，估計最少會跌到17000點水平。佢又提醒，唔夠貨或買夠貨嘅投資者不宜撈貨，尤其係指數股。

「股市漁夫」創辦人莊志雄指，依家美股最強板塊係公用股，第2季至今公用股交易所買賣基金(ETF)累升11%，大幅跑贏標指，必需消費品ETF亦升得靚過標指，而呢兩個防守性板塊係升得最好。

Lewis續指，電力公司Vistra Energy(VST)及Constellation Energy Corporation(CEG)係最強公用股，不過，估值已經太貴，因為揸美債最少收4至5厘息，造定期更有5厘以上，反觀VST及CEG股息率唔夠1厘，純粹炒核電概念。佢又指，如果投資者想炒核電概念，不如直接買核電相關股，例如Global X鈾ETF(URA)，都值得留意。

【名家給力場】核電概念公用股太貴兼息少 不如買...

#港股 #恒指  #美股

嘉賓：#陳建良 勝利瑞柏基金管理合伙人暨投資總監

主持：范巧茹

0:00 嘉賓【陳建良】

0:50 港股走勢

8:40 不會選擇指數成份股

15:50 恒指/港股開市活躍股份

20:15 炒股心法分享

27:55 中海油(0883)

36:18 港交所(0388)

40:56 Z.com：https://demo-hk.forex.z.com/join/pcwe...

41:26 三星ETF專線

43:28 追Beta的好處

45:22 禪遊科技(2660)

48:35 美股進入跌浪

勝利瑞柏基金管理合伙人暨投資總監陳建良指，內房股跌得太殘，所以會少啲「淡倉」，加上普遍市場會認為「跌得殘，彈得快」，而港股又平，所以好多人入手。佢話因為恒指較多成分股，所以認為恒指會比科指反彈得較慢，而如果恒指升穿18000點，科指就應該會有起碼4000點。

KL提醒要避開以往較強勢、較多人入市嘅板塊，例如電訊股、銀行股，呢啲之後會較落後，甚至冇得再升，反而之前落後嘅科網股，可能有機會追上可以留意下。

【名家給力場】入市要避開以往較強勢嘅板塊

勝利瑞柏基金管理合伙人暨投資總監陳建良認為，Netflix業績唔算好差，投資者主要留意收入(revenus)及每股盈利(EPS)，對Netflix呢類增長股嚟講已算交到功課。至於集團明年開始唔再公布每月每戶平均收入(ARPU)及subscription number等數據，相信係預期呢兩個數據增長未必太勁，主要同全球化及唔同地方有唔同定價有關。

KL又指，雖然Netflix係美國streaming TV龍頭，但唔係冇競爭，長遠而言，增長係咪可以持續？佢認為，Netflix收入增長會放慢，反而專注喺cost cutting。

至於「科技7雄」(Magnificent 7)餘下6家公司會陸續出業績，佢相信都會係好壞參半，市場應該唔會只反映中東局勢，仲會包括之前爆炒嘅人工智能(AI)相關企業嘅業績係咪交到貨，以及美國聯儲局會唔會掉頭加息，估計美股後市都係傾向向下Chock。

【名家給力場】KL:Netflix 收入增長會放慢

「股市漁夫」創辦人莊志雄估計，隨著美國政府嘅國債負擔愈來愈重，加上中東局勢緊張，聯儲局今年或會減息1次，但指減息後通脹可能更不受控。

Lewis指出，過去6個月受訪基金經理普遍對美國債市、股市前景比較樂觀，所以大幅減少手頭現金，並大量買入包括股票、長債等長期資產(long-duration assets)。佢引述美銀4月調查指，基金經理嘅股票配置繼續上升，而目前現金僅佔基金經理管理資產4%。

Lewis續指，環球通脹開始見底回升，市場對減息次數嘅預期愈縮愈少，經理就有壓力減倉提高現金水平，到時美股有機會調整至少1個月。

【名家給力場】小心美股減倉潮沽壓

「股市漁夫」創辦人莊志雄指，減息預期暫時影響唔到股市，因為聯儲局官員經常出嚟發表言論，令市場有個錯誤預期，以為今年真係會減息，佢提醒，要留意聯儲局會唔會唔理通脹，6月就開始減息。

Lewis又認為，當市場估計聯儲局冇誠意減息遏通脹，就會諗有咩可以對沖通脹，因為股市估值貴，推高估值反而不利投資者，所以唔會從估值方面入手，反而睇返3月會發現減息預期降溫，壓制咗債價及科技股，唯獨商品相關工具做得好，所以佢提醒，資產配置一定要有商品類，因為商品喺投資組合中最不受通脹影響。

【名家給力場】資產配置一定要有商品

 本次研討會將會剖析港股之隱藏機會及指標性啓示，立即重溫研討會內容。