文章分享

勝利證券首席顧問陳建良指，因為未來嘅人工智能(AI)及高質素生產力，都需要大量低成本電力供應，所以每個國家都用緊自己嘅方法搶佔緊能源市場，美國係狂開採石油，而內地就靠太陽能。 

KL續指，太陽能行業已經鬥到爛晒，喺過去幾年都冇見過人LONG，鬥得太爛時就要蝕住賣，即中國要貼錢畀外國增加能源供應，佢相信，中國會出手禁止呢個情況出現，反而會crack down太陽能產能，然後發展垃圾發電、核能發電、水力發電。 

佢認為，內地今次會花更多精力喺能源基建上，因為呢啲行業喺「反內捲」及大部分資金嚴重不足下，相對容易有曙光。 

【名家給力場】內地發展能源基建易見曙光(上)

勝利證券首席顧問陳建良認為，美股今輪反彈應該已接近尾聲，早前大跌係因為市場擔心關稅問題，但之後傳出中美談判消息，更指會大幅下調關稅，令市場開始變得樂觀，帶動美股反彈。 

但KL認為，由於最終結果仍然係未知之數，因此，佢估計，美股5月市況會開始變Chok，但波幅會持續收窄，建議投資者高沽低買。 

【名家給力場】美股5月宜高沽低平倉

【Now財經台】港股繼昨日(20日)急瀉逾500點後，今日(21日)仍未止跌，恒生指數更一口氣跌穿10天及20天線，插穿24000關，仲有約兩個星期就踏入第2季，點評估恒指第2季表現？Long Short策略合唔合適？ 

勝利證券首席顧問陳建良估計，恒指第2季會喺22800至25300點上落，依家港股Beta值正在下調，Beta值一般是用嚟衡量一隻股份嘅風險大，佢認為，第2季唔會出現齊升齊跌嘅局面，個股表現會較為分化。 

KL建議，做多啲Long Short及區間交易(Range Trade)，過咗3月又會有一批公司出業績，相信市場會較為理性，並會對業績有反應，因此，佢估計，港股第2季唔會暴瀉，但亦好難日日創新高。 

【名家給力場】下季炒港股可考慮呢兩個玩法 ( 上 ) 

勝利瑞柏基金管理合伙人暨投資總監陳建良估計，中央將因應農曆新年期間整體消費，以及春節假後復工數據做部署，若消費數據向好，就唔需要推咁多刺激政策，反之亦然，所以的確會進入一個相對冇討談空間嘅時間。 

KL續指，估計恒指明年較大機會呈橫行格局，但同過往慢慢飄落去嘅橫行唔同，因為外資唔會喺經濟啱啱復甦後，就即刻投資港股及A股，所以佢認為港股明年唔會升好多，但亦唔會出現資金大舉流走或沽空嘅情況。 

佢又預期，港股明年板塊輪動會幾明顯，唔同板塊會輪流炒上，而且係短線升完一浸就跌，所以較難捕捉政策市反彈，佢建議投資者明年僅適量參與，唔好太進取。 

【名家給力場】恒指2025年料橫行 散戶唔好太勇(上) 

勝利瑞柏基金管理合伙人暨投資總監陳建良指，內地首次舉行發布會係想表示國家會支持醫療板塊，令市民能夠買到新生物製藥。此外，醫保局亦容許新生物製藥適量加價。整體而言，國家希望令內地醫療水平上升，市民對未來嘅憂慮減少，從而帶動消費上升。 

KL續指，美國生物安全法案雖然禁止美國生物公司同中國企業合作，但歐洲一啲福利較為完善嘅國家，仍然需要靠中國生物製藥公司提供廉價藥物，因此，KL認為法案令美國藥廠成本提高，最終係損害緊美國，相反對內地其實係有利。