文章分享

【名家給力場】散戶網軍暫「冚旗」3、4月再出動？

【Now財經台】上星期開始，全球焦點都落喺美國嘅「挾淡倉風暴」，相關股份嘅股價勁Chok，但「主角」當然係GameStop(GME)，依家股價已經自高位回套咗唔少，沽空比率亦大幅下降，之後網軍轉戰嘅白銀，升勢亦回順咗，散戶網軍玩挾淡倉，去到呢一刻係咪要唞唞？

「股市漁夫」創辦人莊志雄指，近期大家都好關注GameStop同白銀，但其實挾淡倉呢個現象，已經行咗幾個月，如果睇返美股沽空指數，喺舊年10月左右破頂，呢堆畀人沽空最多嘅股票，喺2018年至2020年第三季都跑輸標普500指數，喺拜登當選前後，市場開始炒復甦，最畀人睇淡、最殘嘅股票，就開始挾上嚟，所以個指數喺11月後，係大幅跑嬴標指。Lewis估計，玩沽空挾淡倉暫時應告一段落，即未來一至兩個月。至於挾淡倉幾時會再出現，應該係...

 

【名家給力場】北水一停大落後股隨時...

【Now財經台】港股噚日終於出現突破，升上年半高位，成交更達破紀錄嘅逾3000億元，只要資金繼續湧入，港股係咪仲有得升？衝30000關只係第一步？

「股市漁夫」創辦人莊志雄指，如果北水繼續係咁湧入嚟，當然會再升，其實年初至今，成個環球股市都係玩緊炒落後，而香港算係相對落後嘅股市。Lewis又話，如果港股過到30000點呢啲大位，係會繼續去，因為屬於一個突破，但佢提醒，買太落後嘅股份要小心，如果北水一停，呢啲股份好可能「遲升先跌」。

【名家給力場】一個焗聯儲局「收水」的原因

【Now財經台】日前有美國聯儲局官員放風話想「收水」，市場反應唔大，但最新又有另一派官員話唔急於「收水」，到底局方現階段應唔應該「收水」？

「股市漁夫」創辦人莊志雄認為，「收水」只係得個講字，因為根本冇本錢去做，2018年聯儲局一「收水」，美股即由升轉跌，但當時經濟基調其實十分強勁，更遑論依家美國經濟千瘡百孔，點可能「收水」。

Lewis又話，如果聯儲局真係要「收水」，都係被迫而非自願，2018年係局方覺得經濟好轉而「收水」，但聯儲局未來要「收水」只有一個原因，就係...

【名家給力場】美股2021年繼續上？

 
「股市漁夫」創辦人莊志雄指，其實美股今年係先跌咗逾30%再升返上嚟，波幅係好大，今年以嚟暫時升約14%，埋單升多啲，還是升少咗都唔太肯定，但個別股份係好勁，例如TESLA升咗幾倍，比近期發力嘅Bitcoin升得更多，8月借拆細挾高，最近就炒作入標指成分股。
 
Lewis認為，TESLA已經透支未來幾年嘅銷售增長，但股價唔一定會即刻跌，都要睇市場氣氛，而對沖基金經理都似乎睇好明年第一﹑二季表現，即代表仲有三至六個月炒，呢個推斷係基於未來半年經濟會復甦，因為有疫苗。不過，要留意一旦個市逆轉會好快。