https://finance.now.com/analysis/post.php?id=839443&type=338 https://finance.now.com/analysis/post.php?id=839444&type=338【Now財經台】雖然市場成日話「科技七雄」(Magnificent Seven)喺2023年撐住美股，但其實只得5雄撐住，蘋果公司(Apple)及Tesla冇份撐市，其中，Apple近日都開始被睇淡，先後被大行及券商降評級，主要係唔睇好iPhone未來銷情，其實早喺半年前，呢個情況係咪已率先反映喺股價上？
「股市漁夫」創辦人莊志雄指，雖然2023年第4季Apple仍然喺中國手機市場排第1位，但同比增長跌咗10%，由於中國市場利潤貢獻好大，相信未來每股盈利預測都要下調，不過，市場都流行先下調盈利預測，等數據出爐後就變成「勝預期」，但事實上睇到基本因素係轉差咗，尤其喺重要市場嘅市佔率正在下降。
Lewis又話，留意到冇乜人想換iPhone 15，睇返中國網站，見到第1個星期嘅銷售較2023年同期大跌30%，而喺拼多多平台即使iPhone 15或15 plus都要減價近20%。
【名家給力場】iPhone 15滯銷 Apple光環褪色？(上)
【名家給力場】iPhone 15滯銷 Apple光環褪色？ (下)
【Now財經台】美股噚日(2日)開局失利，3大指數僅道指向上，標指就微跌，納指更跌逾1%。不過，道指、納指喺2023年尾相繼破頂後，目前仍於高位徘徊，究竟標指喺2024年有冇機會破頂？「股市漁夫」創辦人莊志雄認為，有幾項指標反映標指破頂機會唔大。 https://finance.now.com/analysis/post.php?id=838267&type=338
Lewis分析指，標指喺過去70年只試過3次可以喺美國債息倒掛後500個交易日內收復失地，但最終都回落到孳息曲線倒掛前水平。由2022年6月中，10年期同1年期國債孳息曲線開始倒掛起計，至今已經過咗385個交易日。佢話，如果標指真係破頂，後市有可能要跌返落3700點水平。
佢又指出，過去3次收復失地嘅時候，標指經調整市盈率(CAPE)皆處於當時中位數或以下水平。然而目前32倍嘅CAPE明顯高於中位數，即16倍，但過去100年來，標指只喺兩個時期可以由32倍再炒上，分別係2000年對付「千年蟲」，以及2020年新冠疫情後嘅超低息環境。
【名家給力場】標指2024年難破頂？(上)
https://finance.now.com/analysis/post.php?id=838266&type=338
【名家給力場】標指2024年難破頂？(下)
https://finance.now.com/analysis/post.php?id=836516&type=338 https://finance.now.com/analysis/post.php?id=836517&type=338【Now財經台】資金流入推高美股下，「股市漁夫」創辦人莊志雄提醒，要留意以下3項因素反映美股後市或會受壓，首先對資金蜂湧入標普500 ETF(交易所買賣基金)要抱有戒心，因為2018年就曾經出現資金流強但VIX恐慌指數急升，標指繼而急跌嘅情況。
此外，Lewis分析被視為經濟寒暑表嘅FedEx業績，指出過去一年通脹高企下集團上季收入仍然按年大減，反映期內貨運量明顯大跌。佢又提及，根據道氏理論(Dows Theory)，當市場上貨品滯銷，運輸股表現就會較差，並指如果道指同道瓊斯運輸業平均指數冇喺同期齊創新高，可以解讀為反向驗證(non-confirmation)道指目前創新高唔合理，道指往往好快就會回落。
最後，Lewis透過統計歐元兌美元過去52年數據，推測美匯指數會喺1月回升，將對資產價格造成好大壓力，因為……
【名家給力場】美股1月要睇實3大事項(上)
【名家給力場】美股1月要睇實3大事項(下)
https://finance.now.com/analysis/post.php?id=835321&type=338 https://finance.now.com/analysis/post.php?id=835322&type=338【Now財經台】美國噚晚出咗11月通脹數據，其中，核心消費物價指數(CPI)按年升3.1%，符預期，消息一出，明年初減息預期隨即降溫，美國通脹係咪真係好難回落？聯儲局幾時先開始減息？
「股市漁夫」創辦人莊志雄指，聯儲局一直主要睇住核心通脹數字，而整體通脹數字都有增長，但如果拆開貨品及服務通脹數字睇，就會睇到分歧，服務通脹數字按年升近6%，貨品通脹數字按年要跌，佢又話，聽聞外國連蘋果公司嘅產品都要減價發售，可能係今年庫存比較多。
Lewis又話，產品價格應該差唔多見底，因為庫存都去得七七八八，感恩節前後大減價銷情都唔錯，但佢認為，明年庫存仲有冇咁多，仲有冇減價空間暫時仲係未知數。
佢提醒，產品價格錄得按年跌幅後，好多時都會回升，一旦產品價格回升，產品通脹再升返，而服務通脹一直居高不下，嚟緊就會見到核心通脹數字回升。Lewis預期，睇返依家嘅局面，聯儲局唔可以咁快減息。
【名家給力場】聯儲局幾時減息睇住產品價格(上)
【名家給力場】聯儲局幾時減息睇住產品價格(下)
【Now財經台】踏入12月，美股繼續企喺近期高位，噚晚出嘅職位數據不似預期，引發市場憂慮，令減息預期持續，聯儲局去年底開始加息，標指表現仍然唔錯，過去鮑威爾及局內官員時鴿時鷹，美股呢幾年其實係咪都跟住官員口風走？ 「股市漁夫」創辦人莊志雄指，鮑威爾2018年開始正式執掌聯儲局，呢6年有個pattern幾有趣，唔知點解美股喺單數年份表現較好，同埋升得比較穩定，而雙數年份期間就經歷過大跌，其中，2018年第4季自高位回落咗20%，而2020年因為新冠疫情更大跌逾30%，去年大部分跌幅都係第2季出現，跌咗約20%，一般嚟講，第4季表現應該唔似2018年，因為當年有1個好重要因素，就係鮑威爾剛執掌聯儲局就講錯嘢，話會自動導航咁「收水」，繼而觸發跌市。 Lewis又話，鮑威爾汲取咗上次教訓，依家「時鴿時鷹」，依家最有趣係...... https://finance.now.com/analysis/post.php?id=834099&type=338 https://finance.now.com/analysis/post.php?id=834100&type=338【名家給力場】美明年3月減息有變數？(上)
【名家給力場】美明年3月減息有變數？(下)
