免費文章

【名家給力場 - 2019年5月8日】

【Now財經台】美國總統特朗普日前突然變臉,話要加中國貨關稅,震動環球金融市場,但美股投資者似乎又唔係太恐慌。

「股市漁夫」創辦人莊志雄指,其實之前已經預期美股第一季升完後,第二季就會回,佢估計,由於中美今次傾唔掂數嘅機會超過一半,再分析Call Put Ratio、Vix及未平倉合約等指標,相信會對後市有一定影響。聽吓Lewis嘅詳細分析...

https://youtu.be/0MPdRXuwZp0

 

另類通脹

本週見到彭博商業周刊的封面大字標題,寫著「通脹已死?」漁夫一向特別留意財經雜誌封面,因為間中會出現非常有效的相反指標!主要原因是,媒體從業員最關心的就是吸引眼球,所以一般會選擇用一些大衆感興趣的話題來做雜誌封面。近的例子有2016年油價見底時出現在巴隆氏週刊的「HERE COMES $20 OIL」,當時漁夫亦有在Facebook出post指這是一個相反指標。而數最經典的例子,則是1979年美國商業週刊的「THE DEATH OF EQUITIES」,封面副題是 How inflation is destroying the stock market,當年通脹失控,利率高企導致美股估值偏低,70年代後期標普500指數的市盈率長期處於單位數字,由於投資長期跑輸通脹,普羅大眾對股票以及投資漸漸失去興趣。記得老媽子曾經說過,當時爺爺在香港南洋商業銀行做定期存款,年息有18厘,所以當年無乜人肯投資股票。媽媽亦曾經叫爺爺用十四萬港元買入港島南區置富花園兩房單位用作收租⋯⋯但爺爺的回應是,10萬元放在銀行每月可收到過千元利息,在港島東租一個兩房單位只需HK$500,為何要買樓貼租客?爺爺在港島東經營辦館,當然不懂得環球經濟形勢,更不知道他正身處一個大轉勢位,便是美國惡性通脹快要去到盡頭,香港利率會跟隨美國見頂回落,股、樓、債會因爲利率回落而出現估値向上炒(技術上叫valuation expansion / 股票市場叫P/E expansion)。有趣的是,商業周刊推出這個「股市已死」封面就正正標誌著最長美股牛市的誕生,真係唔到你唔信邪!

 

【名家給力場 - 2019年4月10日】

【Now財經台】雖然港股近排唔係爆升,但都上咗30000點樓上,美股都逼近高位,暫時都係跌唔落,到底股市等緊咩?點解仲未肯調整?

「股市漁夫」創辦人莊志雄估計,等落後咗嘅基金經理追晒貨,個市就會調整,如果睇返上月底嘅調查,佢哋係揸咗好多現金,有三分之二嘅基金經理係跑輸指數,所以上季尾或第二季初段,就要增加好多持倉。

億萬炒手的 5 : 1 交易規則

億萬炒手 Paul Tudor Jones II (下簡稱 PTJ),曾經在 Tony Robbins (下簡稱 TR) 的著作 Money: Master the Game 中的訪問,透露過兩條交易規則,其中第一條規則,散戶早就知道,但通常因爲唔捨得放而錯過最佳執行時機;而第二條規則,專業操盤手卻非常注重,但又未必識得用系統做,所以通常靠經驗搭夠。漁夫今天和大家一起重溫 PTJ 的親自表述。

冠軍操盤手的策略

 

"I've missed index rallies being in cash and made fortunes in individual stocks while the indexes moved sideways. I could care less what the indexes are doing, I'm focused on stocks that meet my criteria.  When stock setups are plentiful, I'm in, when there's few, I'm in cash." 

-- Mark Minervini

今天Mark Minervini (米奈爾維尼)指出,現時美股市場有不少股票出現假突破,建議投資者要有耐性,等待更好的時機出現。他亦提醒投資者,雖然道瓊斯工業指數,標準普爾指數和納斯特指數現時均維持在200天以上,但羅素2000和Value Line Geo Index 自10月以來一直低於其200天,所以美股仍然未擺脫困局。

這位美國冠軍操盤手(U.S. Investing Champion 1997),於1994-2000年期間,總回報率超過33,000%,絕對是我們的學習對象,有興趣可以上亞馬遜買他的書來看,極具參考價值。

漁夫聽到米氏這番說話之前,已經覺得有不少股票的運行模式(price action)有點不對勁,加上陸續有股票跌穿止賺斜線,所以多次提醒大家要提防落後股出現假突破,尤其是市寛由高位回落期間,強勢股亦未必能夠逆市升。

自2月起,米氏的策略是手持一批強勢股,同時沽空道指ETF做對沖,他説期間有微利,事關組合跑贏道瓊斯指數。大家可以參考這個方法,於市寛回落期間,手持一批仍未跌穿止賺線的當頭起股票,同時沽空恒指期貨做對冲。

其實市場經歷一輪上升後,主要指數回調5-8%亦屬正常,更何況現在美股仍未確認脫險。作為投資者,無時無刻要在進取與保守之間作出選擇,其中一個最容易的方法就是市寛高位回落時打防守(例如學米氏用指數對沖部份倉位),低位回升時才加倉。

最後,對沖不等於做淡,若是持股比例低,就不需要沽空指數期貨做對沖,畢竟沽空操作並不適合一般散戶。

【名家給力場 - 2019年3月6日】

【Now財經台】近排A股好消息唔少,包括政府工作報告啱啱出爐、中美貿易談判似乎進展唔錯、落實成立科創板等,動力真係好夠,但係咪可以keep到?另外,近期追A股嘅資金明顯多過港股,港股後市又會點走?

「股市漁夫」創辦人莊志雄指,年初中央「放水」撻著咗股市,中港股市就行先,A股大約喺2月中起動,當時散戶仲未進場,但近一個星期開始入市,但仲未去到危險水平,而內地散戶癲起上嚟,係可以癲幾個月,依家嘅關鍵係中央汲取咗上次嘅經驗後,會唔會畀散戶太癲,佢估計未必會。

港股方面,Lewis話後市有機會出現板塊輪流炒嘅情況,唔會好似1月、2月咁一齊升晒上去。

【名家給力場 - 2019年2月20日】

【Now財經台】隔晚美股復市冇乜方向,雖然三大指數收市只係微升,但道指同標指都企穩喺200天線一段時間,Lewis上次話美股仲未雨過天晴,唔知依家睇法有冇變?

「股市漁夫」創辦人莊志雄話,佢嘅意思係,去到200天線時,不論港股定美股,初期上到一啲主要長期平均線時都會chok上chok落,引人造淡,然後挾淡倉,要等一啲大消息出現,個市先會向單邊行,如果要單邊向上,一定要有主要央行,例如聯儲局「放水」,美股上個禮拜係借ECB其中一個委員嘅言論挾上去,如果要單邊向下,Lewis估計,可能該係同經濟有關嘅消息,所以不論單邊向上或向下都要有消息。

個個月有錢收?

經常聽到有人教Short Put賺取期權金,個個月有錢收的確好吸引,值得做嗎?漁夫認為這做法並不可取,原因如下⋯⋯

我看過不少在期權市場賺億億聲美金嘅對沖基金經理訪問,例如Universa嘅Mark Spitznagel,都是用類似Long價外期權嘅策略去賺他們口中的insurance-like payoffs (i.e. explosive profit)!當然佢地做法無咁簡單,但是概念近似。

寧買當頭起 (2019年1月14日更新)

本周港股繼續回升,股份高於150天線再創自8月初以來的高位,代表修復失地的股份數目不斷增加!有趣的是,反映藍籌股表現的恒生指數仍然未能突破12月高位。

現時要關注一些近日逆市做好的個股,學前輩 #曹仁超 話齋 #寧買當頭起,今天漁夫設計了一個「當頭起」掃描:

https://goo.gl/JnZnDd

大家暫時可以用這條Link,我們快將加入一個新icon於股市掃描內。

理論上「當頭起」股份未來不會跌穿12月低位,但今年市況波動,大家仍需做好風險管理,個股的12月前低位是最後防線。

 

【名家給力場 - 2019年1月9日】

【Now財經台】中美副部長級經貿磋商「加時」,恒生指數高開361點後愈升愈有,午後曾升逾700點,市況是否轉勢?

「股市漁夫」創辦人莊志雄表示,早前曾提及預期港股今年便會尋底,因為中港股市估值不算昂貴,只要有一出現利好消息,例如中央提出降準後,股市便即時造好。他續指,即使是過去一個月最差的時候,仍尚有三成股票股價於50天線以上。現時外圍市況好轉,加上中央態度有寬鬆迹象及中美貿易談判帶動,以及美國聯儲局本周並無縮表,故令港股反彈較強,惟這些因素未必能改變大方向。

https://finance.now.com/analysis/study.php?topicId=3&newsId=477840

https://finance.now.com/analysis/study.php?topicId=3&newsId=477841

金價跑贏

最近傳媒焦點集中在油價急跌,但與其博油價反彈,可能未來金價走勢更值得留意,因為油價的長期基本因素非常負面,美國頁岩氣供應過剩及電能車的興起,代表未來供應面與及需求面都對油價長期趨勢不利。下圖是金價相對油價表現,向上代表金價跑贏,向下代表金價跑輸,最近比率突破下降趨勢,未來金價有機會明顯跑贏油價。

【名家給力場 - 11月21日】

【Now財經台】美股連續兩日插水,道指同標指今年升幅化晒灰,美股依家個勢肯定差,但落到現水平,短期可唔可彈返浸?

「股市漁夫」創辦人莊志雄指,技術上同時間點係有本錢彈,首先係最弱嘅股票已經唔跌,其次係同上次提及嘅總統周期有關,就係中期選舉後,美股係應該有得升,但今次或未來三至六個月,就唔可以好肯定話一定有得升,但應該有得彈。

Lewis又話,短期不論基於挾淡倉、太超賣、高位跌咗唔少等因素,挾返少少上去絕對唔出奇,但大前提係...

https://youtu.be/z_2RM7-iW44

了解自己

上星期看到一篇關於亞馬遜的報導,指CEO及創辦人Jeff Bezos提醒管理層,這間科技龍頭公司也有消失的一天,作為管理層就是把消失日期儘量延後!

漁夫十分欣賞Bezos這種居安思危的態度,因為行紅地氈嘅時候最容易跌倒(香港俚語PK更貼切),懂得時刻反省及修正才能越做越好,所以只要有Bezos喺度,亞馬遜應該冇咁容易消失,至於股價短中長期表現則是另一回事,可以和生意完全脫節,之前已經多次提及微軟與思科兩個長期坐艇的例子。