「股市漁夫」創辦人莊志雄指，始終特朗普係生意人，初期講嘅嘢，到後尾落實可能有好大差距，所以更重要係依家睇到嘅資產價格表現。佢又話，年初至今已經差唔多30個交易日，有關稅消息嘅國家或地區，明顯都係跑贏標普500指數，仲有較特別嘅巴西，係舊「金磚四國」其中一個重要嘅國家，竟然係做得最好。中國市場方面，港股表現真係較差，A股造得最好係科技股，CSI中國互聯網股市ETF位列第2。

此外，墨西哥股市截至昨晚(11日)美股收市止，累升9%，富時歐洲都係跑贏，同去年有好大分別，巴西去年係做得最差嘅股市，累跌30%，所以與其聽關稅消息，不如留意影響股市嘅兩大因素，就係資金流向及估值。

「股市漁夫」創辦人莊志雄指，先講機構投資者睇法，高盛做咗客戶調查，而高盛嘅主要客戶就係機構投資者，參考返高盛嘅客戶調查，喺DeepSeek面世後，客戶依然認為ChatGPT領先市場。

Lewis續指，佢自己認為以技術優勢而言，OpenAI個名係好有誤導性，反而DeepSeek係真係開源(Open Source)，OpenAI得個名叫Open，原本係由Tesla行政總裁馬斯克(Elon Musk)等創辦，當初理念係想AI模型開源，結果被OpenAI行政總裁奧特曼(Sam Altman)用招數搶奪公司，所以依家先會係閉源(Close AI)，不過，係Close定Open贏，其實都好難講。另外，Sam Altman唔係一個科技人，Lewis認為真係科技人嘅Elon Musk依家都做緊AI，所以佢認為美國嗰面嘅xAI都有機會挑戰到ChatGPT。

【名家給力場】DeepSeek可挑戰ChatGPT龍頭位？(上)

「股市漁夫」創辦人莊志雄指，市場其實一早消化咗特朗普要加關稅呢個消息，不過，特朗普係生意人，唔可能一次過加得咁誇張令通脹升返，之前市場憂慮加徵關稅會加得好勁，依家變咗循序漸進咁加，留返空間比公司諗辦法紓緩問題。

Lewis又話，投資者太低估貨幣政策帶來嘅影響，通脹預期會影響長期資產，睇返聯儲局喺2024年12月議息會議嘅點陣圖，預示今年減息次數只係2次，甚至可能不減反加，令一啲人工智能(AI)相關嘅股份都要跌，資金開始偏流向咗一啲安全資產。

【名家給力場】特朗普上場資金流入安全資產(上)

勝利瑞柏基金管理合伙人暨投資總監陳建良相信，內地監管當局未來會為更多內企境外上市「開綠燈」，香港就係主要選項，加上依家喺美國掛牌嘅中概股，亦有誘因嚟香港上市，呢啲股份會成為新股市場嘅催化劑，佢估計，今年港股嘅新股市場將會比前幾年熾熱。

KL補充，雖然新股類型多元化，亦預期今年會好多新股排隊上市，但優質嘅新股好難抽得多，質素唔好嘅又未必會入飛抽，加上部分新股上市後跌穿招股價，所以佢傾向觀望新股市場，好少「落場」抽新股。KL又提醒，不妨多留意新式零售股，因為業務較創新會有較大市場。

【名家給力場】港新股市場2025年會愈來愈旺？(上)

「股市漁夫」創辦人莊志雄指，美債係長期資產嘅基準，尤其是優質股，例如科技股交易所買賣基金(ETF)XLK，債息升就會令長期資產估值受壓，債息扯得愈高，市場就會要求呢啲長期資產嘅估值下降。

佢續指，特朗普(Donald Trump)當選美國總統後，科技股ETF曾嘗試突破2024年7月高位，但去年12月嘗試突破失敗，就係因為聯邦公開市場委員會(FOMC)去年12月會議後，市場知道2025年會放慢減息步伐，XLK即失咗突破動力，已半年冇錄得升幅，投資者要留意，過去半年冇升幅究竟係整固還是係派貨，但正常整固係唔需要半年咁耐。

Lewis又話，企業高層亦冇買入自己公司嘅股份，知情人士交易亦係10年以嚟最少，若企業高層認為特朗普上任後，公司股價會升，理應喺現階段入貨，因此，佢建議散戶先減少槓桿，再小心留意股價未來嘅走向。

【名家給力場】美科技股ETF半年冇升過有咩啟示？(上)