勝利證券首席顧問陳建良指，現時全球大部分機構投資者都低配A股及港股，若恒指升勢持續，將會吸引一批原本冇留意A股及港股嘅資金流入。佢又估計，恒指將逐步推升，但如果升得太急，例如1個星期升逾1500至2000點，投資者就要小心大市可能會出現大調整。

【名家給力場】港股或因一個情境出現大調整(上)

「股市漁夫」創辦人莊志雄表示，主要係如果美元回落，會較有利新興市場，加上新興市場有減息空間，兩樣嘢加埋就會見到同期，即過去10個交易日，美國就業數據顯示當地經濟有放緩嘅情況，加上美國趨向減息下，明顯見到新興市場係比其他成熟市場做得更好。

Lewis續指，連上半年做得好好嘅歐洲市場，最近都轉弱咗好多，因為歐洲息口正在扯高，加上歐元轉強，會對一啲資產價格造成壓力，所以就會見到歐洲市場跑輸其他市場。

【名家給力場】新興市場近期跑出因為...(上)

「股市漁夫」創辦人莊志雄指，各國債市最近都陸續出現奇怪現象，例如日本30年期債息居高不下，甚至喺7月突破3.2厘阻力位，以及英國喺過去幾日升穿5.6厘水平，呢兩個警號都反映住如果美國聯儲局或各國央行繼續「放水」的話，會令環球通脹上升，值得留意係，昨日(2日)美國股市開始有壓力，債息一接近5厘水平，標普500指數一度跌逾1.5%至1.6%。

佢續指，美國30年期債息一旦跌穿5.1厘，代表住聯儲局減息都會刺激通脹，而長債息率不跌反升的話，對好多風險資產都會有壓力。

【名家給力場】美30年債息呢個位不容有失(上)

勝利證券首席顧問陳建良認為，聯儲局9月好大機會唔減息，又認為投資者未來3個月不宜對美股睇得太樂觀，建議減少持倉。

KL續指，市場依家受關稅、俄烏戰事等因素影響，仍有好多不確定，相信鮑威爾同美國總統特朗普(Donald Trump)嘅角力會令股市出現動盪，而美股係傾向升慢急跌，如果持有大量貴價股會好難轉身。佢又估計，美股有機會出現大調整，其中，納斯達克100指數有機會挫3000點至21000點水平。

【名家給力場】美股大調整殺埋身宜減倉(上)

「股市漁夫」創辦人莊志雄指，現階段要留意一啲高Beta、早前一窩蜂去炒嘅股份，情況就同2021年第1季「契媽熱潮」一樣，好多股票狂升，但之後好快就大跌。機構投資者唔會只買最大幾隻股份，而係增加對沖，依家嘅情況同2021年相似，所以有一定參考價值。

Lewis續指，未來40至50日有唔少重要事件可能會令波幅擴寬，包括Jackson Hole年會、英偉達(Nvidia)業績、8月非農數據、通脹數字。此外，要留意聯儲局主席鮑威爾(Jerome Powell)9月會唔會減息，若最終唔減息，投資者應提前部署。

佢又話，7月納指中線市寬跌穿50強弱分界，跌穿後要再回升有難度。「契媽」基金ARK Innovation ETF(ARKK)喺7月中開始見頂，之後畀市寬拉落嚟，依家超過一半呢類型嘅股份已經跌穿50天線，若指標跌到40以下，投資者就要小心指數會被大市拖累。

【名家給力場】美股現「契媽熱潮」2.0？(上)

「股市漁夫」創辦人莊志雄指，如果跟據依家市場預期，嚟緊3次都會減，本身聯儲局會跟據利率期貨情況去決定減唔減，7月尾嘅時候，主席鮑威爾(Jerome Powell)放鷹，市場就普遍認為唔減，但8月1日非農數據公布後，又比市場預期差，經濟放緩減息預期突然又升溫。

Lewis又話，利率期貨浮動不定，容易被新消息影響走勢，主要睇嘅超級核心通脹，指不包括食品、能源及租金過去幾次都升，如果繼續睇經濟數據好難減到息，加上如果之後特朗普(Donald Trump)真係炒咗鮑威爾，聯儲局大換血，減完3次息之後，撻著通脹嘅機會好大，會好似2021至2022上半年咁控制唔到。

【名家給力場】美減3次息後會撻著通脹？(上)

「股市漁夫」創辦人莊志雄指，7月25日標普500指數創收市新高後，連續出咗3支陰燭，Meta及Microsoft公布靚仔業績後亦曾創日內新高，但就無法創收市新高，呢個情況對上兩次分別係去年8月日圓爆拆倉潮，以及今年「解放日」(Liberation Day)前，兩次美股都出現大調整。

Lewis補充，8月1日公布嘅美國就業數據遠低於市場預期，令美國債息下跌，以往每當債息下跌都會有利美股，但今次美股反而跌得幾急，情況少見，所以值得留意有無一啲突如其來嘅消息會影響股市。

佢認為，目前市場最容易忽略聯儲局主席鮑威爾(Jerome Powell)被解僱嘅風險，目前市場認為鮑威爾被解僱機率低於15%，但Lewis認為機率唔細，甚至可能高達50%，所以如果有消息刺激市場，造成嘅跌幅或會較大。

【名家給力場】市場忽略鮑威爾被炒風險？(上)

勝利證券首席顧問陳建良指，港股8月會進入業績期，雖然之前估計港股可以趁勢再上，但結果今個星期仍要回調，特別係之前升得多嘅科技股，同埋車股都要跌，但醫藥股就升返上嚟，反映板塊不停輪動。

KL又話，雖然北水連日錄得淨買入，但只係反映多咗內地投資者或資金參與港股，而港股其中一個好處係冇「升/跌停板」機制，睇返A股，當股份單日觸及升或跌10%嘅限制，就必須停牌，而內地推出「反內捲」政策，受惠股或會大升，基於「升/跌停板」機制嘅考慮，投資者就會偏向揀喺香港上市嘅同類股份，因為股價都有機會受惠於政策。

【名家給力場】北水炒政策揀H唔揀A因為...(上)

「股市漁夫」創辦人莊志雄指，股市短期未必同經濟掛鈎，尤其喺一個負利率環境下，其實係有利資產價格，依家處於一個相對穩定嘅情況，因為長債息仲未抽上去，之前試過幾次衝上5厘水平，其後唔知係咪有一啲「有形之手」壓返落去，到底壓唔壓得住都未知，對上一次衝上5厘係長債拍賣結果較差當日，之後又壓返落去，呢個情況係要留意，如果聯儲局嚟緊真係減3次息，應該會刺激通脹，長債息就會跟住升上去。

債息落唔到去之餘，股市一樣落唔到去，市場依家係咪押注美國減息次數會比預期多？Lewis就話......

【名家給力場】要睇實美國長債息走勢因為...(上)

「股市漁夫」創辦人莊志雄指，美國大幅加徵關稅，令市場擔心通脹預期升溫，所以推高債息率，未來要留意10年期債息會否升至4.6厘的關鍵水平，始終10年期債息能夠反映長遠通脹預期，而對於30年期債息，5厘亦是關鍵位，當債息升至高位時，風險資產包括股市或加密貨幣(Cryptocurrency)等會受很大影響，雖然美國已表明關稅暫緩期至8月1日完結後不會再延期，亦要再觀察特朗普就關稅政策上會否再有其他變更。

【名家給力場】美債息短線繼續衝高？(上)

「股市漁夫」創辦人莊志雄指，先回顧上半年造好嘅市場，上半年由於美匯指數跌咗逾10%，導致非美股市造好，尤其係歐洲，因為歐洲將會加大財政刺激措施，喺主要歐洲國家中，見到德國最明顯增加咗未來投放喺軍備嘅資源，所以德國股市連埋歐元升咗35%，而歐洲嘅價值型類別，例如銀行股或金融股就帶動高息股表現，連埋歐元升咗41%。

Lewis續指，由於人民幣升幅冇歐元咁大，港元又同美元掛鈎，加上大部分MSCI中國股票都係用港元計價，所以升18%都算唔錯，跑贏埋被印度拖累嘅新興市場。

美股方面，標指受美元拖累而落後，Lewis認為，可以從技術層面及估值角度探討美國股票可唔可以追返上嚟…

【名家給力場】標指下半年可唔可以追落後？(上)

勝利證券首席顧問陳建良指，美國關稅戰仍然唔明朗，而中國制定嘅經濟措施就要睇關稅戰嘅發展，佢估計，恒指第3季將會維持「慢升急跌」格局，導致長線資金要繼續坐貨，但反而對港股有利。

「股市漁夫」創辦人莊志雄指，金價去年已經跑贏標普500指數，今年繼續大幅跑贏，金價嘅升勢同今次以色列伊朗局勢關係唔大，主要係因為投資者睇淡美金，加上憂慮美國財赤問題，令金價呢兩年造好。

佢續指，反而與今次戰事有關嘅係銀價，銀價近期升得較急，追上金價。而最近戰事令軍工生意大增，美國軍工股ETF大幅跑贏標普500。

佢又話，以伊爆發戰爭後，銀價升勢比軍工股ETF更強，因為銀係做軍工武器嘅原料，所以帶挈銀價造好。另一方面，以色列指數創新高，就算打緊仗，都跑贏美股。昨晚商品市場ETF亦創新高，戰事令商品市場追落後。

莊志雄又指，若伊朗封鎖海峽，或會令油價再上升，現時美國戰略石油儲備升至約4億桶，若美國加速儲備石油，石油需求會增加，伊朗封鎖海峽可能會影響石油供應量，令油價繼續喺商品市場中追落後。

【名家給力場】以伊戰火下的投資機會(上)

「股市漁夫」創辦人莊志雄指，短期而言，市場氣氛有改善，因為中美喺關稅問題上傾得埋，睇返納指，雖然指數向上，但市寬仲未收復到跌市前嘅失地，意味可以升穿200天線嘅股份少，依家係用緊少數股份撐市。

Lewis又話，明晚拍賣30年期長債，債息衝上，導致價格波動，同投資者買長債嘅意欲背馳，但亦反映市場對未來通脹嘅睇法，中長期要留意聯儲局及通脹數據嘅配合，美股先有機會破頂。

「股市漁夫」創辦人莊志雄認為，美元跌除關稅會影響美國通脹外，根據過往經驗，關稅問題唔係幾個月可以傾得掂，甚至會拖成年，但投資者似乎已經投咗票，認為美元會弱，所以見到今年trade通脹、trade美元下跌嘅工具，表現係特別好，尤其是金屬，金銀銅價格都升逾20%，比特幣(Bitcoin)價格都跑輸佢哋，而美元下跌最受影響係美國資產，見到美債及標指今年僅升逾1%。

Lewis又話，對歐洲投資者嚟講，揸住美元資產單係蝕匯價都8%至10%，因為歐元今年升咗10%，日圓都升咗9%，所以美元跌對好多外國投資者嚟講，美國資產吸引力會大減。

【名家給力場】美元下半年難樂觀？(上)

「股市漁夫」創辦人莊志雄指，哈佛商學院有一個美國零售品價格指數，而呢個指數喺特朗普宣布完解放日就已經飆升，本土產品定進口產品都大升，反映咗通脹預期，而喺正常情況下，本土產品唔應該太受關税影響，但見到指數明顯高過3月，雖然5月12日宣布暫停關税之後，指數有紓緩跡象，但估計指數未來會繼續升。

Lewis又指，睇返美國網站Truflation嘅實時指標，見到美國實質通脹指數同1個月前相比，已經升咗0.5個百分點，而呢個升幅係受關税影響，反映美國關税開始影響通脹。此外，長債拍賣反應差，都係受美國長期通脹影響，加上財赤問題及特朗普嘅政策，每樣嘢都反映今年嘅減息空間會愈來愈細。

【名家給力場】關税開始影響美國通脹(上)

【Now財經台】三生製藥(01530)昨日(20日)日公布，同輝瑞(Pfizer)簽獨家許可權，而輝瑞有機會入股三生製藥，刺激三生製藥股價急升。個別藥股有正面消息利好整個板塊投資氣氛，內地藥企有一定水平，又有成本優勢，連外資都睇中，內地醫藥業前景係咪可以繼續睇好？

勝利證券首席顧問陳建良認為，內地人口老化問題令醫藥需求增加，而人工智能(AI)協助開發新藥，逐漸取代進口藥物，因此，內地醫藥股長遠前景值得睇好。佢又指，現時唔少國家都傾向購買較平嘅內地藥物，令內地藥企攞到更多出口生意。

不過，KL認為，內地生物製藥股或創新藥股嘅portfolio唔及外國公司，而內地藥企又要持續面對內捲問題，令投資者會較難預測藥股走勢。佢提醒，對藥股有興趣嘅投資者宜打散嚟買，佢相信未來整體藥股嘅市值膨脹機會仍然好高。

【名家給力場】陳建良:藥股宜「打散」買(上)