【漁民系列】尋找你我他的模式

「請注意頁底重要聲明」

漁美人

孟子話人性本善,荀子就認為人性本惡。你呢? 係前者定後者嘅信徒?

見過唔少光怪陸離嘅人和事嘅我,都未諗通呢個問題。難得有機會,不如同各位漁民一齊探討一吓人生百態。

Hi 大家好!我係漁美人。

每個人一生不斷經歷高低起跌,喺面對唔同情況下,人會根據個人成長經歷而建立出嘅模式(pattern)去處理問題。一般情況下,人會顯示出多於一面嘅自己,有善有惡,没有絶對的好壞。各位漁民,身處喺 Ray Dalio 所講嘅大轉移起跑線上,你了解咗自己個心(感性)同個腦(理性)嘅pattern未?

3月初,船長喺【系統教學】風中勁草 + 當頭起短片內講過,隻隻股票嘅個性都唔同。

中海物業(2669.HK),一出突破訊號之後就會即刻升。

佢嘅pattern係:每升完一輪後,form一個好長嘅橫行期,形成一條好長嘅成交量密集區。當脫離一個成交量密集區後,就會升到另一個台階,再form過。如此類推。

另一隻,佢喺Facebook 提過嘅微創醫療(853),3月初附屬公司發盈喜後爆升。呢隻股票由12月發出突破訊號之後嘅pattern 係:嘆慢板,回調到50天線就有支持。等你開始唔留意佢時,佢就突然之間變成脫韁野馬,美股大跌都照升!

船長上星期五提醒大家,當日大成交又唔跌嘅港股,更加要小心,所以未識睇嘅就唔好掂喇!乖。

股票嘅性格/pattern由股價+成交量反映出嚟。入去股市漁夫系統, 開張1年圖,甚至10年圖,就可以任你睇任你畫。咁作為漁民嘅你,投資性格又係點呢?有冇張圖可以開嚟睇? 俾你了解自己嘅行為?  

答案: 有。

我最近睇緊Netflix 原創紀錄片《Babies》。佢介紹咗唔同科學家幫父母同BB做腦部MRI(磁力共振) ,睇吓個腦唔同部份嘅大細。另外又會幫BB做EEG(腦波圖),睇吓未識講嘢表達自己嘅佢哋,喺進行認知工作嘅時候,腦波嘅頻率(Hz)係幾多,從而睇吓佢哋嘅學習及記憶能力,推論佢哋會建立起咩性格及行為等。至於腦唔同部份嘅大細+腦波振動頻率,又同教養(Parenting)+食物等,息息相關。

各位漁民係成年人,已經識講嘢表達自己,亦識思考,有冇需要做MRI 或EEG去了解自己呢? 就由你話事啦。

船長成日語重心長咁提醒各位,玩捉魚呢個遊戲前,要照吓鏡。如果個人決定太慢、冇決斷力,玩某啲遊戲,例如搏反彈,就唔啱你玩。

依家出面風大浪大,不如停一停,花少少時間,幫自己投資性格畫幅圖,睇吓自己有咩pattern?

漁美人唔係咩心理學家、精神科醫生或者神經學家。如果講得唔啱,歡迎指正。

Goodbye and Thank You all Fishers. xx

 

重要聲明:股市漁夫內的所有內容,包括本影片,絕不構成任何投資意見或購買任何股票及金融產品的特定推薦意見及/或不構成任何游說或要約,以購買、出售或以其他方式交易任何證券、期貨、期權或其他金融工具或其他產品,漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意,漁夫系統的所有訊號,並非是買賣訊號或任何投資建議,而所有訊號均是全自動用第三方提供之客觀市場數據計算出來的結果,當中並不涉及任何人為的想法、修改、修訂或任何投資建議。本網站包含的所有內容、資訊、訊號,並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前,投資者應考慮各種金融產品的個別特點、個人的投資目標、可承受的風險程度及其他因素,並適當地尋求獨立的財務及專業意見。

詳情請重溫股市漁夫FAQ免責聲明。

最後更新: 2020-03-15

分類