【漁民系列】終於我喺港股都賺到錢啦!

「請注意頁底重要聲明」

見咁多師姐師妹報喜,我哋一班師兄弟立即被莊博號召,出嚟曬下成績表。小弟 漁苗,有幸嘗試分享每日用漁夫系統嘅流程。相信我跟大部分漁民一樣,每日朝九晚七,有小朋友的話,放假仲忙過返工,邊有時間學投資呢?!然而,漁夫系統幫到你同我。
 
我喺舊鋪認識莊博,亦同時踏上投資之路。莊博離開舊鋪後,我喺坊間上咗好多乜sir物sir嘅course,識咗一大堆選股方法,但成績還是浮浮沉沉,沒甚進展,尤其是港股成績特別差。直到莊博重出江湖創辦「股市漁夫」系統,跟住Plan ABCDE 做,成績不知不覺間提升。兼有系統幫助選股,終於我喺港股都賺到錢啦!
 
依家講下每日用系統嘅習慣(嘻嘻,有時都會偷下懶嘅)。首先,每星期一晚準時收睇最新嘅「市場氣候」就梗架啦,update吓這星期應留意的重點和Plan ABCDE update。而其他日子就看看最新嘅文章,再得閒碌下FB年繳用戶區,其實已經唔洗再睇財經新聞,慳返好多時間和少了雜音。
 
進入系統後,我會先睇「大市走勢」。利用市寬來判斷現在是甚麼市況。市寬低位回升時進取啲,回落時保守啲,橫行時就花多啲時間stock pick,傳統嘅牛熊市其實可以不理。跟住順手撳下「ETF表現」icon,就會睇到近期領先的大型指數係邊幾個。
 
大概感受到大市方向和領先嘅ETF後,就去掃股啦!出咗「以小博大」icon後,我就用佢去找突破股啦。點做呢?因我唔太識玩option,我就會將 「市場/指數分類」由”期權買賣” 轉做 ”所有”;又唔想買太細,就再將「市值」選 “高於50億”;而我鍾意由最早出突破訊號啲股睇先,就會撳一撳「突破日」嘅column,又”倒序”變返”順序”。咁就將所有唔太細、又有成交的突破股排晒出嚟。
 
我會將篩選結果嘅chart順序睇一次,覺得”靚”嘅(好主觀的),就用紙筆抄低number。最後將剛才抄低嘅number一起打入系統,用行業排序,大慨看看他們的估值,財務比率和往績,就決定是否加入我嘅watchlist 啦!除非嗰排無乜突破股(多數都係市況差的時候),我就會睇埋「風中勁草」。睇完一輪chart後,應該會感受到市況係點,例如升啲乜嘢板塊,炒緊領先定落後等等。
 
而我都會每日望下Plan ABCDE啲主力/助攻嘅chart (我用TradingView的),看看有無需要變動。
 
這個流程,其實30至40分鐘就完成。當你日日睇,啲股來來去去都差唔多,就越嚟越快架啦!而當心中有疑團時,好多時去FAQ碌下,就好快解答到㗎啦!小弟仍在不斷學習中,希望我哋漁民多啲交流,大家一齊進步,早日邁向財務自由之路!
 
 
推薦文章:
 
【漁民系列】掌握市場脈搏的15分鐘流程
 
【技術分析】漁夫系統VCP選股大法:3隻突破股最高3個月內勁賺178% (PART 1)  
 

重要聲明:股市漁夫內的所有內容,包括本影片,絕不構成任何投資意見或購買任何股票及金融產品的特定推薦意見及/或不構成任何游說或要約,以購買、出售或以其他方式交易任何證券、期貨、期權或其他金融工具或其他產品,漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意,漁夫系統的所有訊號,並非是買賣訊號或任何投資建議,而所有訊號均是全自動用第三方提供之客觀市場數據計算出來的結果,當中並不涉及任何人為的想法、修改、修訂或任何投資建議。本網站包含的所有內容、資訊、訊號,並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前,投資者應考慮各種金融產品的個別特點、個人的投資目標、可承受的風險程度及其他因素,並適當地尋求獨立的財務及專業意見。

詳情請重溫股市漁夫FAQ免責聲明。

最後更新: 2020-09-03