文章分享

「正路」睇法何解出了錯 付費會員獨家

本週股市跟隨美國總統特朗普的社交網站發文，先急跌後反彈，令近日波幅越收越窄的股市指數突然爆邊向下，尤其是處於風眼的中港股市。恒生指數本週跌5.1%，由4月15號的高位計起，最多曾累積下跌2076點或6.9%。至於滬深300指數，本週亦跌4.7%，由4月22日的高位計起，最多曾累積下跌541點或13.1%。 

 

再談3個可能性 （更新：2019年5月10日） 付費會員獨家

首先看看今天港股市寬表現，漁夫週一提到可能出現去年二月初那種弱勢反彈後再跌的情況已經兌現。其實兩次背景有點相似，就是怕執輸心態，英文叫Fear of Missing Out（FOMO)，去年是散戶怕執輸，而今年則是基金經理怕執輸。不過，今次中美雙方關係惡化，要出現去年第二季那種跌到支持區底即時反彈的走勢，需要利好消息配合，例如特朗普改口說可以再傾。

 

【名家給力場 - 2019年5月8日】

【Now財經台】美國總統特朗普日前突然變臉，話要加中國貨關稅，震動環球金融市場，但美股投資者似乎又唔係太恐慌。

「股市漁夫」創辦人莊志雄指，其實之前已經預期美股第一季升完後，第二季就會回，佢估計，由於中美今次傾唔掂數嘅機會超過一半，再分析Call Put Ratio、Vix及未平倉合約等指標，相信會對後市有一定影響。聽吓Lewis嘅詳細分析...

https://youtu.be/0MPdRXuwZp0

 

另類通脹

本週見到彭博商業周刊的封面大字標題，寫著「通脹已死？」漁夫一向特別留意財經雜誌封面，因為間中會出現非常有效的相反指標！主要原因是，媒體從業員最關心的就是吸引眼球，所以一般會選擇用一些大衆感興趣的話題來做雜誌封面。近的例子有2016年油價見底時出現在巴隆氏週刊的「HERE COMES $20 OIL」，當時漁夫亦有在Facebook出post指這是一個相反指標。而數最經典的例子，則是1979年美國商業週刊的「THE DEATH OF EQUITIES」，封面副題是 How inflation is destroying the stock market，當年通脹失控，利率高企導致美股估值偏低，70年代後期標普500指數的市盈率長期處於單位數字，由於投資長期跑輸通脹，普羅大眾對股票以及投資漸漸失去興趣。記得老媽子曾經說過，當時爺爺在香港南洋商業銀行做定期存款，年息有18厘，所以當年無乜人肯投資股票。媽媽亦曾經叫爺爺用十四萬港元買入港島南區置富花園兩房單位用作收租⋯⋯但爺爺的回應是，10萬元放在銀行每月可收到過千元利息，在港島東租一個兩房單位只需HK$500，為何要買樓貼租客？爺爺在港島東經營辦館，當然不懂得環球經濟形勢，更不知道他正身處一個大轉勢位，便是美國惡性通脹快要去到盡頭，香港利率會跟隨美國見頂回落，股、樓、債會因爲利率回落而出現估値向上炒（技術上叫valuation expansion / 股票市場叫P/E expansion)。有趣的是，商業周刊推出這個「股市已死」封面就正正標誌著最長美股牛市的誕生，真係唔到你唔信邪！

 

內銀股罕見現象 付費會員獨家

今天恒指升319點，再一次重返30000點大關之上，大市指標股份高於50天線比率則微升0.6個百分點，仍能未收復50％強弱分界。不過，今天內銀股升幅顯著，最大市值的建設銀行（ 939 ） 升3.9%，剛剛升穿250天線，並出現突破訊號。第二和第三大市值的工商銀行（ 1398 ）及中國銀行（ 3988 ）分别升3.1%及2.7%，三隻重磅內銀股升幅遠超恒指的1.1%升幅，是近月罕見現象。

 

【名家給力場 - 2019年4月10日】

【Now財經台】雖然港股近排唔係爆升，但都上咗30000點樓上，美股都逼近高位，暫時都係跌唔落，到底股市等緊咩？點解仲未肯調整？

「股市漁夫」創辦人莊志雄估計，等落後咗嘅基金經理追晒貨，個市就會調整，如果睇返上月底嘅調查，佢哋係揸咗好多現金，有三分之二嘅基金經理係跑輸指數，所以上季尾或第二季初段，就要增加好多持倉。

【名家給力場 - 2019年4月3日】 付費會員獨家

【Now財經台】港股上年至今年走勢同同2011至2012年相似，今年恒指走勢強勁，後市係咪會重覆2012年嘅走勢？

「股市漁夫」創辦人莊志雄表示，港股舊年走勢同2011年好相似，都係上半年有波幅、冇升幅，下半年就大跌，直至第四季先見底。佢又話，中央今年1月「放水」後，恒指就一帆風順，至今已經咗升約15%，估計第二季應該會有個回氣位，但係咪即刻出現就好難講，可能再玩多兩、三個星期都唔出奇，但的確係有需要回氣。

Lewis又指，美國聯儲局喺2012年上半年曾經「放水」，但之後收返啲，直至9月，當時恒指已經冇力升，期間更一度蒸發晒所有升幅，依家就要留意，聯儲局係咪會好快「放水」，因為2012年第四季因為聯儲局肯「放水」，恒指就創咗當年高位，但依家暫時未見到「放水」迹象，因為仲縮緊表。