「股市漁夫」創辦人莊志雄指，槍撃事件後，據博彩公司估算，特朗普勝選機會率達70%，依家市場嘅炒法已當佢贏咗，依家市場出現一啲較少見嘅情況，首先係中小型股造得好好，睇返過去1周各類資產價格表現，標普600小型股指數升近9.5個百分點，期間，標指僅升約0.6個百分點，係一個極罕見嘅情況，表現第2好係中型股。

 

Lewis續指，另一個奇怪現象係金價跑贏標指，理論上中小型股造好，市場正處於risk on狀態，意味唔需要避險，投資者蜂擁去買風險資產。佢又話...

 

 

「股市漁夫」創辦人莊志雄指，可以用3個角度去分析Bitcoin，首先係資金流，今年推出咗Bitcoin現貨交易所買賣基金(ETF)，令參與呢種工具嘅人大增，包括唔太認識Bitcoin或唔想開Crypto Wallet去投資嘅人，應該係虛幣新手較多，Bitcoin現貨ETF推出初期，即5月底6月初有較多資金流入，當時Bitcoin已見咗高位，之後好多人趁低吸納。

 

佢續指，今個星期又見到有人趁低吸納，但力度同上次差好遠，佢認為呢啲資金以短線跟風為主，有個網站叫lookintobitcoin係好有趣，可以計到短線及長線資金，前者係1個之內，後者就1至2年，兩者取態係好唔同，喺Bitcoin現貨ETF推出時有短錢追入出現高峰，但同2017、2018、2021年高峰仍相差好遠，但長線資金係完全冇跟進，反映係唔會高追，反而會吼低位開始回升時買Bitcoin，今年成個第2季都冇動靜，睇返往績長線資金應該係Smart Money，而喺Bitcoin價格一直上返去，長線資金就不斷減磅，呢個都要留意。

 

 

「股市漁夫」創辦人莊志雄指，標普500指數及納斯達克100指數依家企喺高位，但其實美股有近60%股份已跌穿50天線，表現兩極化，造得好嘅股份帶領指數破頂，表現差嘅股份就股價大冧，以Nike為例，集團出完業績股價就大跌，仲錄得23年最大跌幅。佢又話，受經濟疲弱拖累，或公司本身有問題，當呢啲公司一出業績，股價就隨即急挫，其中又以中小型股最受債息影響。

 

Lewis又話，過往經濟好嘅時候，債息升，標指就會跟升，不過，2022年後，債息升，標指就會跌，若美國10年期債息升至4.6厘，就會對標指造成壓力，投資者要留意美債息升至4.6厘後會唔會爆升。