【漁民系列】「元宇宙」Metaverse 投資機會

「請注意頁底重要聲明」

「元宇宙」Metaverse投資

區塊鏈、加密貨幣、NFT 都未學識,又有新嘢要睇啦。今次就係「元宇宙」Metaverse,最近好似好 Hit 喎。漁翁又要散網,睇吓有乜嘢係值得投資啦。
 
漁翁喺岸上邊係做資訊科技行業嘅,所以平時留意嘅股票,亦都以資訊科技業嘅公司為主。資訊科技行業有一個特性,就係每三至五年就有一個小浪,跟住十年就有一個大浪。每一個浪都會為大家嘅生活帶嚟變革,譬如二十五年前有互聯網啦。十五年前有雲端科技啦,而最近啲三、五、七年大家可能聽到加密貨幣同區塊鏈等等。姑勿論係大、中、小浪,通常都有啲公司係可以值得投資者留意嘅,而且好多時候公司係大家聽都未聽過。
 
 

Metaverse 是一個完全虛擬嘅世界

咁其實 Metaverse(元宇宙)係乜嘢嚟?Metaverse 由「Meta」同「verse」所組成嘅單字,前者嘅意思係超越、之上;後者則為宇宙,都唔知點解譯咗為「元宇宙」。最初的概念來自於尼爾.史蒂芬森(Neal Stephenson)1992年出版嘅科幻小說《潰雪(Snow Crash)》,書中嘅 Metaverse 一詞, 指的是一個完全虛擬嘅世界,你同我都可以化身為各種人物存在。
 
可能你未睇過 Snow Crash 小說,但係就有可能睇過史匹堡嘅電影 《 Ready Player One 》,理念都大同小異。要做化身,只要 VR (Virtual Reality)設備、感測衣、多方向的跑步機就搞掂,都唔係遙不可及嘅未來。
 
 

「元宇宙」Metaverse 投資機會

 
講返投資機會,漁翁覺得可以由幾個方向睇。。。
 
  1. 首先「元宇宙」,要有個宇宙平台俾你上去玩。譬如你屋企嘅小朋友都可能玩緊嘅 Roblox(Roblox 亦都係 Metaverse 理念上嘅第一隻股),又或者連名都要改埋嘅 Facebook(就嚟叫 Meta)。仲有其他好似 Microsoft 都可能會有虛擬辦公室,又或者 Walt Disney、任天堂  等等 。
  2. 咁有平台,都要有強勁運算、同埋圖像技術公司。例如 Nvidia、Unity。
  3. 然後需要 VR 器材,好似台灣 HTC,Facebook(當年買起 Oculus)。
  4. 跟住係會喺元宇宙做生意嘅公司。。。Amazon,Apple。
  5. 當你有咗化身,你都要喺平台上玩遊戲、消化內容。所以設計 VR 遊戲 / 內容,同 AI 公司都要留意。。。漁翁繼續留意緊。
  6. 玩嘢,買嘢就梗係要俾錢。所以虛擬 / 加密貨幣,NFT 都走唔甩。
  7. 最後,如果乜都唔想諗,就可以考慮 ETF。而第一隻就係 Roundhill Ball 嘅 Metaverse ETF (META)。
當然,關於 Metaverse 嘅公司同埋投資機會有好多,但係始終仲係好初步,未來變數有好多,所以細細咁玩好啦。
 
~ 漁翁 ~
 
=================================================
 
如果想學習多一點選股的知識,例如怎樣避開走勢陷阱,可以參加漁夫網上免費研討會,未來會有更多的短片討論選股方法。按此報名:【免費網上研討會】5個選股必學技巧

  

 

  

 

重要聲明:股市漁夫內的所有內容,包括本影片,絕不構成任何投資意見或購買任何股票及金融產品的特定推薦意見及/或不構成任何游說或要約,以購買、出售或以其他方式交易任何證券、期貨、期權或其他金融工具或其他產品,漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意,漁夫系統的所有訊號,並非是買賣訊號或任何投資建議,而所有訊號均是全自動用第三方提供之客觀市場數據計算出來的結果,當中並不涉及任何人為的想法、修改、修訂或任何投資建議。本網站包含的所有內容、資訊、訊號,並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前,投資者應考慮各種金融產品的個別特點、個人的投資目標、可承受的風險程度及其他因素,並適當地尋求獨立的財務及專業意見。

詳情請重溫股市漁夫FAQ免責聲明。

最後更新: 2021-11-01