【漁民系列】跟三更窮五更富 Say Goodbye!

「請注意頁底重要聲明」

跟三更窮五更富 say goodbye!

 
Hi,我叫尖魚,join咗漁夫近年半, 但係炒股前前後後都有十幾年了,由莊博當初喺舊鋪時,已經有睇佢Now財經台中午直播節目。 
 
我本身習慣先睇基本因素去分析股票,但發現幾好嘅生意及財務報表,只要股價冇動力,或者遲遲唔肯起動,你都真係無辦法😫,雖然都有買中過唔止一隻十倍股(包括2015年買比特幣),但最終都可以講係三更窮五更富!
 
以前都用過其他收費系統,主要係睇圖表,不過呢啲服務唔會有人引導你去諗股票升跌背後嘅驅動力(driving forces),有嘢就只是打電話去問下support咁,坦白講有時候我連問題都未識問,所以以前進步空間有限。
 
 

動力配合基本分析

自從join咗漁夫,把新學嘅功夫跟舊知識融會貫通,慢慢發覺衡量股價動力(momentum)後,再配合本身公司的基本分析(fundamentals),可提升贏面及組合平穩性!另外,我本身只係炒港股為主,所以好鐘意睇股市漁夫會員片 — 星期五的港股每周回顧,從而優化選股流程及執行技巧。
 
現時揀股流程係我本身建立多年的方法,基本上要50億以上,有北水支持,多D人湧入去動力都強啲,係咪?留意到之後有時會收集好耐,未必會即時開車,所以我會等漁夫出訊號至會考慮買入,如果好有信心就偷步買少少先,出訊號先考慮大注D。另外,最好去睇下公司通告及年報,有基本因素支持,會坐得穩啲,知多D先至有信念(conviction)。
 
  

看板塊能量尋找爆升股

最近我自己搵到隻價值股創維 (00751.HK),加上呢期莊博經常講要留意香港上市嘅價值股,所以逢親係價值股我都會擘大眼認真D去研究。10月27號創維第一棍爆上時差不多升六成,當晚就再用系統的股市掃描,搵下同一板塊入面仲有冇其他滄海遺珠,係價值股功能入面改咗一D自己想睇闊啲嘅參數,就搵到隻TCL電子 (01070.HK),點知第二日就即刻爆埋上去!算數!唔緊要,機會常在,只要日日肯做功課,再加上一個多完化的系統,就會事半功倍,遲早會比我捉到另一隻爆升股💪🏻
 
新增加的板塊能量功能真係幫到手,以前我係用Excel做類似分析及整理,現在系統有了,一層層更仔細的分類,省卻不少時間及功夫,喜歡漁夫系統不停地優化。早幾日莊博見到我自己用Excel做嘅圖表,佢話都會研究吓加入類似嘅指標,如果係就好啦👏🏻
 
 

漁夫系統好唔好?

系統的市寬及板塊現實地反映當下,呢一點非常重要!以前經常會用自己的感覺或不自覺地被傳媒/市場的氣氛帶着走,忽略了當下最重要的市場變化。會員節目「市場氣候」亦打破了我的思維模式,引導我多角度去思考,慢慢喺其他層面諗嘢廣泛咗。至於心態上,呢個世界邊有一定贏,漁夫系統慢慢令我陪養出好嘅學習態度及踏實的思維,相信對我日後好有益處。
 
漁夫系統在我眼中,唔單止係一個系統,更係一個長線培訓投資的學院,其實我知自己用漁夫都未係用得好理想,但我都覺得對我來講得著好多,多謝莊博邀請我分享,投資要不停學習及反思,借此整理下自己的思維,希望更上一層樓💪🏻🙏
 
最後,如果想學習多一點選股的知識,例如怎樣避開走勢陷阱,可以參加漁夫網上免費研討會,未來會有更多的短片討論選股方法。按此報名:【免費網上研討會】5個選股必學技巧

 

 
 

    

重要聲明:股市漁夫內的所有內容,包括本影片,絕不構成任何投資意見或購買任何股票及金融產品的特定推薦意見及/或不構成任何游說或要約,以購買、出售或以其他方式交易任何證券、期貨、期權或其他金融工具或其他產品,漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意,漁夫系統的所有訊號,並非是買賣訊號或任何投資建議,而所有訊號均是全自動用第三方提供之客觀市場數據計算出來的結果,當中並不涉及任何人為的想法、修改、修訂或任何投資建議。本網站包含的所有內容、資訊、訊號,並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前,投資者應考慮各種金融產品的個別特點、個人的投資目標、可承受的風險程度及其他因素,並適當地尋求獨立的財務及專業意見。

詳情請重溫股市漁夫FAQ免責聲明。

最後更新: 2021-11-02

分類